زواجـ مشئوم

زواج مشئوم

ممنوع  🚫ممنوع🚫ممنوع🚫
نقل أو نسخ الرواية باسمي أو بدون اسمي
وحسبي الله ونعم الوكيل في يلي تخالف ☝

زواجـ مشئوم
الفصل الخامس...5
للكاتبة :🍂🌺 زබ‏ـرة ρـرزق...🖤👑

سلسبيل بتململ وفضول:ممكن نعرف سبب طلاقك؟
علاء وارتسمت ع وجهه ابتسامة باهتة:سؤالگ جاء بدري
سلسبيل تحشششمت ومعااش عرفت شن تقوول طبست راسها وبهمس:آسفة ع الإزعاج
وخشوا في مواضيع ثانية...ومشى باقي اليوم على خير..نزلت للعرب يلي جايين وقضت وقت حلو. ..
مر على الزواج 3 أشهر وفي خلالها كانوا مرتاحين نوعا ما مع بعضهم...بس يلي كان منغص على سلسبيل إن كان فيه اتصالات مريبة يجري فيهاا علاء...وقررت تفاتحه بالموضوع…
سلسبيل جابت سفرة العصرية وقعمزت حدا علاء
سلسبيل: إحم علاوي نبي نقولگ على حاجة…
رفع علاء فيها عيونه باش تكمل...بس فجأء سمعوا صوت ضرب قووي في الحي...انفجعوا منه...وطلع علاء يجري يشوف...وسلسبيل قعدت ترعش مع بعضها معاش عرفت شن ادير...نص ساعة و خش عليهاا علاء ملياان دم…
وأول ماشافاته طاحت على طولها…
علاء يجري:سلسبيل سلسبيل...ردي علياا سلسبيل
رفعهاا لحضنه وللمستشفى طوول
بعد ساعة في المستشفى…
علاء بخوف :طمني يا دكتور فيها شيء
الدكتور: المريضة واضح إنها تعرضت لحالة خووف قووية...بس الحمدلله هي تماام..والجنين كذلك تماام...بس تحتاح رعاية
علاء انصدم ولسانه ثقل: ج ج جنيين؟
الدكتور:نعم المريضة حامل ليها شهرين
الفرحة معاش عرف ووين يحطهاا علاء شكر الدكتور وطلب يخش يشوفها…
خش علاء وشافها مطروحة على السرير وفي يدها محلول ورايحة صفراء
علاء : حبيبتي هذا كله خووف علياا
سلسبيل بتعب: والله خفت عليك مع صوت الضرب ومنظرك بالدم معاش تحملت
علاء: هذي عركة بين شباب الحي واسعفت واحد منهم تلبزت بدمه...ومسح على وجهها وقال: المهم تو صحتگ إنتي والجنين
سلسبيل دمعت طول : ح حامل!
علاء يمسح في دموعهاا: إي الحمدلله تو الدكتور بشرني
حضناته سلسبيل وقعدت تبكي بدموع الفرح: الحمدلله الحمدلله يارب.. .
وفرحوا الزوجين بمولودهم القادم...وبشروا الناس كلها والفرحة مش ساعتهم…
بعد يومين… علاء اذكر شيء
علاء:يوم الحادث بتقوليلي حاجة بس صار يلي صار
سلسبيل انقلب وجهها لإنها قررت تفوت الموضوع واعتقدت إنه رح يتغير بعد الحمل! : أ أ مش عارفة...أكيد موضوع عابر وتو نسيته؟
علاء: تماام...المهم أنا الأسبوع الجااي عندي سفرة لبنغازي
سلسبيل : بنغازي! وعلاش
علاء: عندي خدمة غادي باش نحصل ما نصرف عليكم
سلسبيل: بالله عليك مانحبهااش بكل وإنت فاتح الموضوع من قبل بس أنا رفضت …
علاء: عادي مافيها شيء شهرين 3  نولي
سلسبيل:نعم وأنا وووين نقعد
علاء: مع أمي عادي تحملي من شان الخدمة
سلسبيل : أنا حامل يا علاء ومانرتاحش إلا في حوشي ومع راجلي كيف تبيني اندير؟
علاء يحاول يقنعها: مافيها شيء اصبري والمرة الجاية نرفعك
سلسبيل بغضب: لا
ناض وخلاها تنفخ بروحهاا
بعد أسبوع. ..
علاء وهو يحط في دبشه في السيارة : مازلتي نافخة خلاص راني مسافر ارخيها عااد
سلسبيل مكتفة يديها وتشبحله وساكتة…
علاء خدا الشنطة يلي مجهزتها ليها عشان تقعد عند عمتها : تخايلي لاقدر الله لا سمح الله درت حادث ومتت
نطت سلسبيل طوول وجت في حضنه: فال الله ولا فالگ
علاة وهو يضحك ويمسح على ظهرهاا: نجي مرتي يلي تخاف علياا
سلسبيل :  مش خوف بس ولدي يعيش يتيم...ومدت شواربها
علاء بضحكة: هههههه صدقتك…
و ودعهاا زززين وودع وأمه وباته وانطلق لبنغازي…
سلسبيل نزلت وقعدت مع عمتعا وهي تفكر كيف بتتصرف لإنه عمتعا وااعرة وااجد وتبي…
المهم مشى الشهر الأول على خير…
وكان اتصالات فيما بينهم وفي الليل يسهروا… وكإن في علاقة مش أزواج...وحتى عمتها شكت في الوضع بس سكتت…
في يوم في العشية…
سلسبيل مقعمزة مع عمتها في الجنان ويهدرزوا…
فجأة شرين تلفون عمتهاا...والمكالمة يلي جرتها قلبت مجرى الأحداث رأسا على عقب…
•
•
•
يتبع…
عارفة الحلقة قصيرة...بس نوعدگم الحلقة الجاية اطول...ونقوللكم من الحلقة6...رح تبدا زوبعة الأحداث

ملاحظة:لو استمر التفاعل هگي رح نوقف الرواية 💔
للكاتبة :🍂🌺 زබ‏ـرة ρـرزق...🖤👑
في أمان الله  🖤