زواجـ مشئوم

زواج مشئوم

ممنوع  🚫ممنوع🚫ممنوع🚫
نقل أو نسخ الرواية باسمي أو بدون اسمي
وحسبي الله ونعم الوكيل في يلي تخالف ☝

زواجـ مشئوم
الفصل السابع...7
للكاتبة :🍂🌺 زබ‏ـرة ρـرزق...🖤👑

أم علاء:والله جاية بنقولگ إن علاء كلمني على أساس حجزلي طائرة لبنغازي الليلة...يبيني معااه باش يرد مرته
سلسبيل تخبط وتصرخ: من شنو مخلوقين إنتم حرام عليكم...إنتم بشر إنتم شن درتلكم انا شننن درت وناضت بتهجم
أم سلسبيل وهي شادة بنتها بالسيف: كلامك وصل وتفضلي أطلعي من الحوش… و حسبى الله فيكم..ناس لا رحمة لا شفقة
أم علاء: المهم أنا كلام وصلته والليلة طائرتي سلام
طلعت وخبطت البااب وراها
انهارت سلسبيل طوول ومعااش قدرت توقف
سلسبيل:شفتي يا امي شن داروا فيااا...عذبوني...ظلموتي...هذي جزاتي انا ليش هكي ليش..
أم سلسبيل:خلاص يا بنتي والله ما يستاهلوا دموعك هادوا...ربي يعوضك خير يا بنتي ربي يعوضك...ساادك فكري ع الأقل في يلي في بطنك
سلسبيل: خلاص يا امي معاش قادرة مخنوووقة مخنوووقة
حاولت الأم مع سلسبيل وهدتها ليييين رقدت…
تنهدت الأم وناضت توضت وصلت وهي تدعي لبنتها ربي يفرج كربتها ويهدي سرها ويعوضها خير…
ومرت عليهم ساعات باقي اليووم ثقيلة...حاولت الام توكل بنتها وتصبرها على مصيبتهاا…
في الليل عند الساعة 11 كانت طائرة ام علاء لبنغازي...مشت لولدها...باش يرد مرته الاولى...وناسية الوعود والمواثيق يلي منو بيها سلسبيل المسكينة...بس معليش ربي فووق …
الصبح كان الأب قدام الحوش يستنى فيهم يطلعوا
طلعت الأم وبنتها…
في السيارة…
سلسبيل كانت تشيح جيهة النافذة ودمعتها على خدهاا
الأب يشبح في سلسبيل ومعصب:ماتبوش تقولوا خيركم؟
الأم:غير أهدى إنت توا بس...وركز في الطريق...وين نوصلوا للحوش تو نكحولك كل شيء
الأب خبط يديه في بعضهن بعصبية: باهي باهي إن شاء الله خير. 
سلسبيل تبكي تبكي مش عارفة شن تقول ولا ادير...خجلها من بوها كان زايدهاا على مابيهااا!!
مروا 3 ساعات گئيبة في السيارة كل حد في همه
الأم حاسة روحها بين نارين سلسبيل وبوها وحايرة كيف تتصرف!...
الأب واجعته بنته ويخمم شن صايرلها...
سلسبيل منهاارة تماام ومش عارفة كيف تواجه بوها على أمر منبهها عليه من قبل ومحذرهاا…
أول ماوصلوا للحوش...نزلوا من السيارة
الأب :اثنيناتكم تلحقني تو ع المربوعة وتفهمني يلي صاير...تواااا قبل أي شيء
رعشن الأم والبنت مع بعضهن كانن يبن يرتااحن قبل لا يقولن القنبلة وماتوقعنش يصير هكي...استسلمن وخشن وراه طووول
الأب قعمز وحط رجل على رجل:هي توا وحدة منكن تفهمني يلي صاير بسررررعة…
حسن روحهن في محكمة والقاضي يستجوب فيهن
سلسبيل توترت:ءءءءاااا ه هههوااا
الأب حس بتوترها وخفف من حدته وعصبيته:تكلمي يا بنتي بدون خووف مش واكلك
سلسبيل خنفتها العبرة:والله يا ياباتي...كلامك يلي نيهتني وحذرتني منه...وتحذيراتك لياا كلهن كانن في محلهن...ونعترف إني كنت طايشة واستعجلت في موضوعي...ونااادمة أشد الندم حاليا ...وبدت تبكي
الأب:قولي من غير لف ودوران شن يلي صاير؟
سلسبيل ما قدرتش تتكلم حاولت بس الحروف خانتها وماطلعتش
حست عليها أمها تنهدت وقالت جملتها دفعة وحدة من غير رحمة:علاء بيرد مرته
انصدم الأب ووقف على طوله وتعصب وعروقه بانوا:نععععععم!
الأم بدت تتوتر:اااإيه هذا يلي صار...مشى ع أساس عمل وشغل...وطلع كذاب ماشي يرد طليقته...وامه الليلة يلي فاتت لحقاته... تنهدت بأسى
الأب وهو على حاله ومزال يشبح لسلسبيل يلي مولية كتلة من الدموع والشهقات: شفتي! شفتي! شفتي تحذيراتي وتنبيهاتي وكلامي ليك...شفتي نتيجة عنادك وتسرعك...أصريتي على واحد مطلق وهذي نتيجة إصرارگ...عاندتي كلام بوك وهذي نتيجة عنادك...اتمسكتي بيه وكإن آخر وااحد في الدنيا ورفضتي تصبري وهذي نتيجة تمسكك...وأنا نبهتك وقتلك ماتجيني تبكي في حال ردها . ..من لاخير تحملي نتيجة أفعالك وعنادك...وأنا برىء من هذا كله…
وطلع وصرفق الباب وراااه بقوووووة هزت كيانهن...ورعبتهن
الأم : كلام بوك كله صح وجنيتي على نفسك...والقرار بيدك توليله والا تمشيله!
سلسبيل من بين شهقاته: يمااا اوووقفي معاااي والله معاالش قادرة مع ع ع اا شش قالتها وطاحت على طولها دايخة…
ناضت الأم تجري مرعوبة على بنتها وتنوض فيعا
الأم: سلسبيل سلسبيل تخبط وتعاود بس مافيش رد...صرررخت...اااااااسسسستبراااااااااق
جتها تجري زي الهبلة مفجوعة
خشت وشافت أختها كيف طايحة ورايحة حالتها حالة
إستبرق وهي تهزز في سلسبيل: يمااا خيرهاااا خيرهااا
الأم:باتك ووين؟
إستبرق: طلع من المربوعة طوول على سيارته
الأم:جيبي مية وعطر نسعفوها بسرعة
طلعت إستبرق تجري جابت اللي طلباته أمهاا
رشوا عليها مية وشمموها عطر...شووي شووي بدت توعى وتكح…
سندها ورفعنهاا للدار ومددنها على السرير وخلوها ترتاح..
…
الأم تبكي: لاحول ولا قوة إلا بالله العلي العظيم...حسبي الله ونعم الوكييل...دمروا بنتي في عززز شبابهاا...دمروها وهي حامل باول فرحة ليهاا
إستبرق حتى هي منهارة على أختها بس تحاول تصبر أمها: ربي يفرج يا أمي ومايدوم حال...ربي يفرج ربي يفرج…
بعـــد ســـاعة..
وعت سلسبيل وراااااسها مصدددع ع الأخير وتفتح في عيونها بصعوبة…
سلسبيل:ااااه ااااه
وناضت وقفت على المراية..
شاافت رووحهااا كيق رايحة صفرااء وملامحها باهتة وكإنها جسد بلا روح وشافت بطنها يلي بدت تكبر وتوجعت على حالها..
مسحت على بطنها وطاحت دمعة على خدها…
خشت إستبرق وفتحت الضيء وشافت سلسبيل واقفة
إستبرق دمعت من الفرحة: حبيييبتي وأخيييرا
وضممممن بعض بقوووة وهن يتباگن
إستبرق:اششتقتلگ والله...ياسرگ بكى يا بنت من لما جيتي والدمعة ماجفتش من عينگ
سلسبيل تنهدت:من لما جيت ههه هذا يلي شفتيه
إستبرق شدت عل كتاف سلسبيل بقووة: أختي حبيبتي لازم تقووي نفسك...وماتخليش أي حاجة تكسرك وتحطمك...كوني أنثى قووية
سلسبيل دمععت: ياريت والله نقدر… بس موجووعة موجوووووعة
إستبرق وهي تمسح في دموع سلسبيل: اياااه علينا وإنتي ديمة بشيشمتگ ما تسكر بكل
سلسبيل ضحكت ع كلام أختها: ههه..حاضر تو نحاول
إستبرق:آيووووه
وهكي حاولت إستبرق تغير جو سلسبيل واضحكها بأي وسيلة…
ومر أسبوع على هذي الحالة...سلسبيل تاخد في نصايح من أمها وخواتها وخصوصا سندس ما قصرتش معااهاا..وبوها مش قاظرة تشبح لعيونه...وقاعدة ملازمه غرفتها...وخلال الأسبوع هذا كانن في اتصالات من علاء لسلسبيل...بس هي مطنشة وفي الآخير قفلت تلفونها…
وفي يوم…
كانت سلسبيل تقرا في المصحف في غرفتها
تخش عليها إستبرق وهي دهشششاااانة وحاطة يديها ع رمبيها ويادوب تاخد في النفس :سليبيل لحححححححقي لحححقي!!!
•
•
•
يتبع…
توقعاتكم ودعمكم حبايبي
للكاتبة :🍂🌺 زබ‏ـرة ρـرزق...🖤👑

في أمان الله  🖤