زواجـ مشئوم

زواج مشئوم

ممنوع 🚫ممنوع🚫ممنوع🚫
نقل أو نسخ الرواية باسمي أو بدون اسمي
وحسبي الله ونعم الوكيل في يلي تخالف ☝

زواجـ مشئوم 🕸🕷

الفصل العاشــر...10
للكاتبة :🍂🌺 زබ‏ـرة ρـرزق...🖤👑

سلسبيل بوهن : ألو
علاء : مرحبا
سلسبيل : علاء أنا في مرزق في مصحة&&&بنجيب بالعملية وتكلف 1800د.ل ونبيك تجي وتدفع
علاء : تماام بااه...أنا ماني دافع ولا ربع جنيه ولاني فاضي نجي!
سلسبيل انصدمت ومااستوعبت : عـ عـ علاء!
طوووط طووط طووط ... فصل عليها الخط
الأب : شن رد عليك
سلسبيل وجعتها لين خلاص وعيونها تعبوا دموع بس ماحبت تخبر بوها وكتمتها : قال ما يقدرش يجي!
الأب : تماام نبدوا في إجراءات العملية معناها
الدكتورة نادت على الممرضات
سلسبيل : ممكن يادكتورة نصلي ركعتين قبل عمليتي
الدكتورة : طبعا أكيد...
ناضت سلسبيل وقاومت رغم تعبها وقلة حيلتها...
وصلت ركعتين ناجت فيهن ربي بقلب ورب
" يارب يا ناصر المستضعفين وغياث المستغيثين هون علياا ولادتي وسهل علياا أموري وأصلح لي شأني كله "
وبكت بكت بكت...
سلمت من الصلاة... وجنها الممرضات ساعدنها ولبسنها لباس العمليات وبدوا في التعقيم...
استغرقت العملية ساعتين...
أمها وبوها على أعصابهم قاعدين يستنوا فيهاا...وأخيرا طلعت الدكتورة...
جو الأب و الأم يجروا بيطمنوا على بنتهم...
الأم : طمنينا يا دكتورة شن صار
الدكتورة : الحمدلله تمت العملية بنجاح...وزادت عليكم بنت ربي يباركلكم فيها...وحالت الأم والبنت مستقرة
الأم تعطيهاا زغروووطة على طوول طوولها : لووووولوووووووللييي...الحمدلله ياربي الحمدلله
الأب فرح : الحمدلله الحمدلله...نقدروا نخشولها توا
الدكتورة : نطلعوها من غرفة العمليات ونسمحولكم بزيارتها
...
حطوا البنت في الحضانة وطلعوا سلسبيل وكان حالها باهي وبدت تصحصح من تأثير البنج...
الأب : الحمدلله على سلامتگ يابنتي...ومبارك
مازاد عليك..وتتربى في عزك إن شاء الله...
سلسبيل بصوت تعبااان يادووب ينسمع : ا الله يسلمك
الأم : وأخيرا تريحتي يا بنتي الحمدلله على سلامتك
سلسبيل : الحمدلله...الله يسلمك...أمي وين بنتي نبي نشوفها
الأم : في الحضانة تو شووي يجيبوها
الأب : هي تو سلام أنا طالع نكمل باقي الإجراءات وطلع

....
خشت الممرضة بالطفلة وحطتها في حجر سلسبيل
سلسبيل مدمعة وحاسة فرحتها ناقصة متمنية علاء حداها وشاركها الفرحة هذي...أول فرحة ليها : وأخيرا نورتي علياا دنيتي ياقلبي...الحمدلله ياربي قريت عيني بشوفتهاا
الأم : ربي كريم يا بنتي ... والحمدلله على كل حال
سلسبيل تبكي : تصدقي يا أمي لما كلمت علاء وحكيتله قالي ماني دافع ولا قررش...قهرني وكسرني يا أمي قهرني آآه
الأم : معقولة...لا إله إلا الله...ليش هكي شن بينك وبينه
سلسبيل : والله مافي شيء...ماعرفت شن قلبه هكي ماعرفت
الأم : معليش بنتي...أنسى توا وماتعدلي وعيشي فرحتك
سلسبيل : بس يا أمي فرحتي نااقصة من غيره نااقصة...ناار في قلبي وربي عالم بيها
الأم تنهدت : لا حول ولا قوة إلا بالله العلي العظيم...يفرج الله يا بنتي يفرج الله ...
ومر اليوم على خير وسلام وكمل الأب باقي الإجرءات...وقررولها بعد يومين الخروج ...
يوم الخروج...
جهزت الأم سلسبيل وحفيدتها ونزلوا ركبوا في السيارة...
ولإن أم سلسبيل من مرزق...فـ قرروا ينزلوا عند خوالها...
نزلوا عندهم واستقبلوهم أحلى استقبال...وقاموها وضيفوها...ورحبوا بيها
سلسبيل : الله...قداش لياا عليكم...والله استحشت الجو هذا
جدتها : والله ونورت مرزق بوجودكم...الحمدلله على سلامتكم مرتين...
خالتها الصغيرة مش متزوجة : ووين راجلك يا سلسبيل غريبة مش معاك...
سلسبيل ارتبكت وتلعثمت...نقذت أمها الموقف
الأم : والله عليوة جاته سفرة مفاجئة لبنغازي...وواجعة إنه ماقدرش يحضر ولادتها...
الخالة : امممم ... مهما كان مفروض يحضر حاجة زي هذي
الأم حاولت تغير الموضوع : إي يا أمي شن حال صحتك وركبيك....