زواجـ مشئوم

زواج مشئوم

ممنوع  🚫ممنوع🚫ممنوع🚫
نقل أو نسخ الرواية باسمي أو بدون اسمي
وحسبي الله ونعم الوكيل في يلي تخالف ☝

زواجـ مشئوم
الفصل الســادس...6
للكاتبة :🍂🌺 زබ‏ـرة ρـرزق...🖤👑

سلسبيل مقعمزة مع عمتها في الجنان يهدزوا وياكلوا…
فجأة شرين تلفون عمتها…
….:.....
أم علاء: وعليگم السلام ورحمة الله وبرگاته
…:....
أم علاء: الحمدلله بخير...كيف حالك إنت؟
سلسبيل عرفت إنها تكلم في علاء فـ قعدت مركزة معاهاا وقربت من جنبها وكان صوته واضح شووي وتسمع فيه
علاء: يما أنا بنقولك شيء ع السريع...ونبيك تفهميني وتركزي معااي
أم علاء: شن فيه إن شاء الله خير
سلسبيل قعدت على أعصابها خلاااص تراجي شن بيقول
علاء:يما أنا تلاقيت مع أعماام هيام(طليقته وطبعا هي من بنغازي)...واتفقت معاهم إني نردهاا ونروح بيهاا معااي
أم علاء: تي شن رفعك ليهم بس … وشن تردها هادي تو يقتلوك
بعد سمعت سلسبيل الكلام هذا استاكت وخدت التلفون من عمتها بهمجية و سمعاته وسخ وذنيه"يكرم القارئ"
سلسبيل:ياخاين ياكذاب يا محتاال مش ع أساس شغل ماشي...هااا شن يلي تغير تواا شنوو معقولة هذي آخرتها ماشي ترد مراتك من ورايا
علاء انصدم وماكانش متوقع إنها سمعت الكلام: س س سلسبيل
سلسبيل بصووت عالي وخانقتها العبرة: إااايه أنا..أنا يا منافق عابي اديره من وراية...شن درتلك انا شن نقصت عليك...ليش هكي ادير فياا ليش..رضيت بيك بكل عيوبك واولها مطلق وهذي جزاتي يا علاء هذي جزاتي
علاء يبي يرقعها:لا ماتفهميش الموضوع غلط
سلسبيل: لا انا فهمت الموضوع وإنت خليك غادي معاها ومانيش قاعدتلك...وسكرت التلفون على وجهه...ولوحاته ع طوول يدها
وخشت دارها وسكرت الباب وراها بقووة
عمتها خشت وراها وقعدت تخبط عليها خافت ادير مصيبة في عمرهاا...وسلسبيل لا إجابة
المهم لحظتها نزل الحنان ع عمتها
أم علاء: غير وسعي بالك يا بنتي واستهدي بالله...وماديريش هكي في روحك…
واستنت رد من سلسبيل بس هي لا إجابة صوت بكاها وشهقاتها كانن كفيلات ع الإجابة عن يلي صاير في داخلها وعن يلي تعاني فيه...بس للأسف مافي حد حاس بيها
أم علاء: سلسبيل بنيتي...افتحي ومااديري في روحك شيء..تو نكلمه اني علاء هذا وبإذن الله مايصير إلا كل خير…
وبعد عدة محاولات من العمة بائت بالفشل استسلمت ومشت على حالهاا…
عند سلسبيل… كانت حاسة بطعم الخيانة المرة وحست روحها انخدعت...وثقت فيه وسلمت نفسها لراجل مطلق...بس الصفعة يلي حصلتها منه كانت قووية...مر كل كلام بوها قدامها وتحذيراته ليها من الزواج هذا...وزادت دموعها وشهقاته...انكمشت على روحها وبكت بكت بكت كإنها لم تبكي من قبل...قاعدة في دار مظلمة حاسة ببرود جدرانها وقساوة الليلة يلي مرت عليهاا
سلسبيل:شن درت في عمري بس...ياريتني سمعت كلام بوي...تو كيف بنحط عيني في عينه...هو خااني ع الأقل صبر سنين معقولة 3 شهور بس ومشى ردها...آآآه وفوق هذا كله حامل...معقولة هذا إنسان...ووين إحساسه ووين...وعلت صوتها وووووووووين إحساااااااااسه ووووووووووووووين…
جت عمتها تجري خافت عليها...خبطت خبطت بس مافيش فايدة...مشت تجر أذيال الخيبة وراهاا
ومرت ليلة جامدة كئيبة حزينة على سلسبيل بصعوبة غفت فيها…
الصبح…
ناضت سلسبيل بصعوبة...فتحت عيونها واذكرت يلي صار نزلوا دموعها طوول...مسحتهم وقعمزت...وقعدت تفكر في حل لمشكلتها...وقررت تكلم باتها… ناضت دوشت لعل وعسى تبرد النار يلي في جوفها...وتوضت وصلت وقرت أذكارها مهما كان لازم تكون قريبة من ربي...
وشرينت على باتها شووي ورد
الأب:السَلٱمٌ عـَلـْيگمّ-ۈرحـْمّـٌة ٱللـّہ ﯙبُرگـّاتہ
سلسبيل:وعليگم السلام ورحمة الله وبرگاته
الأب:سلسبيل بنتي...كيف حالك وأخبارك…
سلسبيل:الحمدلله يا بوي الحمدلله...سامحني يا بوي عارفة روحي مقصرة في حقكم…
الأب حس بنبرة صوت بنته متغيره:بنتي فيك حاجة خيره صوتك هكي…
سلسبيل: لاشيء يابوي...ووين أمي حداك
الأب:مع إني مش مطمن بس يلا...آهي امك معاك
نزلوا دموع سلسبيل مع جملة بوها وخنقتها العبرة…
الأم:أهلين بنتي...كيف حالك وشن اخبارك
سلسبيل تبكي معاش قدرت تسيطر على روحها...استاحشتهم واستاحشت حنيتهم عليها وحسست روحها في عالم غريب وهمي من غيرهم : امي تقدري تجي عندي
الأم انخلعت من صوت بنتها وكلامها:خيرك بسم الله شن فيه
سلسبيل:غير تعبانة من الحمل وهكي نبيك تكوني جنبي
الأم قلقت:والله تو نشوف بوك وإن شاء الله خير
سلسبيل:باهي مع السلامة
ماقدرتش تقول  يلي صارلها ع الهاتف فـ حبت إنها تجيها أحسن
...تمدت ع السرير مرة ثانية حست روحها مرهقة وتعبانة وحمل جبال عليهاا...تنهدت وقعدت تفكر في يلي بيصير
مروا عليها 3 ساعات وسمعت صوت الباب يدق وصوت عمتها
تسلم و صوت أمهاا
اهني نطت سلسبيل طوول وطلعت تجري وارتمت في حضن أمهاا تبكي بعبرتها
انفجعت أمهاا عليهاا...وانقلبت ملامح عمتها خافت من الفضيحة…
الأم وهي تمسح على ظهر بنتها:سلسبيل بنتي...خيرك شن فيه...حرقتيلي قلبي عليك..
سلبيل عدلت وقفتهاا: نركبوا لحوشي ونحكيلك كل شي
أم علاء:والله يا أم الخير...كان نقولك...صارت سوء تفاهم بسيط بينهم...بس بنتك الله يسامحها كبرت الموضوع
أم سلسبيل عطتها شبحة ع جنب: باهي تو نسمع من بنتي ونفهم
أم علاء لو شواربها:ربي يهدي وخلاص
خدت سلسبيل بيد أمهاا ورقت حوشها حست روحها خلاص معااش طايقة عمتها وماتبيش تقلل احترامهاا…
في حوش سليبيل…
أم سلسبيل: احكيلي يابنتي شن صاير معاك؟
سلسبيل انخنقت طوول: خاني يا يما خاااني وقعدت تصرخ وتبكي
أم سلسبيل ضمتها ليها وقعدت تهدي فيها: اهدي واحكيلي كل شيء بالتفصيل عشان نفهم
وبدت سلسبيل وحكتلها كل شيء من طأطأ إلى السلام عليكم
أم سلسبيل تنهدت وهزت راسها: لاحول ولا قوة إلا بالله...كيف صار هكي...معليش يا بنتي اصبري وتحملي ( كعادة مجتمعتا ديما المرة تتحمل وتصبر وهم يديروا مافي راسهم) ...ماعندك ماديري
سلسبيل:لا يا أمي لا هو خاني ليش هكي خاني وكذب علياا على أساس عمل ويطلع بيردها ليش ليش لييييش...خلاص معاش نبيه نبي نروح معاك ومعاش نبي نقعدله
أم سلسبيل:يا بنتي ماتستعجليش...راك حامل خودي الامر بحكمة...وبعدين ع الأقل نقعد معاك اليوم وبكرى يجي بوك يرفعنا...حتى هو اصلا قالق وطوول الطريق يسأل فياا خيرك...ويعاود ويكرر مش متريح للزيجة هذي من البداية...لازم تتحملي شووي
تنهدت سلسبيل وم سكتت…
شووي سمعوا صوت الباب...ناضت سلسبيل:اكيد عمتي...والله ماعندي ليها خلوق
أم سلسبيل:عيب يا بنتي عمتك احترميها مهما كان وما دخليهاش في مشاكلكم وتو امشي أفتحي... ربي يهديك
فتحت سلسبيل الباب واول ما شافت وجه عمتها عرفت إنها مااي جااية جية خير…
خشت و قعمزت….
أم علاء: والله أنا جاية بنقوللكم……..
سلسبيل ناضت تعيط وتصرخ وبالسيف امها شدتها عن عمتهاا
•
•
•
يتبع…
تعليقاتكم الحلوة سبب في استمراري…
حبيباتي نطلب منكن تدعن دعوة صادقة طيبة لبطلة الرواية💕

للكاتبة :🍂🌺 زබ‏ـرة ρـرزق...🖤👑
في أمان الله 🖤