يسولف أحد الأخوه الي جاي يساعد الناس الفقراء جزاه الله خيرا الجزاء
البارحة داوزع احتياجات للعوائل
بقن عندي 10 سلات
رحت بيهن لحسينية الراشدية
( المعروفة بواقعها المعيشي الصعب )
شفت بيت تعبان كلش منتهي وظلمة
دكيت الباب
طلعت مرة جبيرة كلتلها تفضلي حجية هذه العلاكة بلكي تفيدكم
شالت ايدها وكامت تدعي كالت تفضل جوه يمه نقوملك بالواجب
كلتلها غير مرة مستعجل هسه ( لحت واصرت ادخل للبيت)
طبيت واني اباوع عل بيت حقيقة واقعهم مؤلم
بديت اسولف وياها
كلتلها حجية ولدج وين؟ غرغرت الدمعة بعينها
كلتلها حجية اذا راح تبجين من هسه اني اخلي واطلع
كالت لا يمه ابقى اني هم تعبانة اريد اسولف
سولفي حجية خيرج؟
كالت اني من اهل الموصل وعندي 3 ولد شباب بعمر الورد
2 منهم تزوجوا بالموصل وبعدها طب داعش وهناك المايبايع داعش ينكتل
وراحوا ولدي فدوة الك
واجينا هنا سكنا وما الي نية اروح لهناك بعد ابد
عبالي ارتاح اهنا بس ابني الثالث راح شهيد اهنا ببغداد قبل سنتين
وبقيت هسه اني وحدي ووياي بنتي
طبعا المرة عمرها فوك ال 55 سنة وبنتها شابة لكن بيها حالة نفسية خطية ( تنسى وشوية وضعها الصحي مو تمام)
حجية حقوقج وين؟ كالت والله يمه ولدي 2 مامشيت بعملتهم لان كل واحد مرته مشت بمعاملته ومن اخابرهن استلمتن يكولن لا بس اني متاكدة مستلمات
زين حجية والثالث ؟
كالت والله يوم راجعت مرتين بالمحافظة مال بغداد هذني اوراقي بس شغلتها طولت حيل واني مرة جبيرة وماكدر اعوف اختك وحدة بالبيت لان تعبانة هي
واني الالف دينار يفرقلي اصرفه للبيت احسن ما اذبه كراوي واني بعيدة عن المحافظة كلش وبس الاستنساخات بهذاك الحساب وياريت تعرفلك احد يسويها بمعارفه
( هذه مناشدة لكم اخوان)
زين حجية هذا بيتكم شنو ملك؟
لا والله يمه ايجاره 150 واني استلم رعاية 192 الف
150 للايجار و42 عيشة شهر !!
شبعت قهر خليت وطلعت ووصلتني للباب بس تباوعلي المرة حتى لمن صعدت السيارة
كلتلها حجية باجر اني جاي لهنا شتردين اجيبلج؟
كالت طلب صغير عندي
كولي حجية تفضلي
كالت رايدة بنكة لان هاي بنكتنا قديمة مابيها هوا !!
تدرون خط مولد ماعندها؟
العنوان الحسينيه قرب السوق الكبير
هاتف ٠٧٧١٠٧٦٤٧٩٤
(يرجى مشاركة المنشور عسى ان يصل لأحد المسؤولين)
