منقول ....قضية مجتمع 🌹🌹
عبر الرسائل
اني اشتغل تكسي واجرتني ابنية شابة من احد البانزيخانات الى بانزيخانة المهندسين مرجع وبالطريق دار كلام بيناتنة وتبينت تشتغل على باب الله تجدي سالتها شطلعين باليوم كالت 250 الف او 200 والخميس 300 وبالزيارات والاعياد 450 الى 500 كلتلها الله يرزقج بالحلال مادام ماتبوكين ومامنحرفة
كالت شنو منحرفة اني متزوجة ورجلي مفوض بالشرطة بس اني احب هاي الشغلة بالرغم عندي بيت ملك ورجلي راتبة مليون ونص
بس اني ميصير عندي جهال وراجعت ميصير عندي فاحب اساعد رجلي ورجلي عندة ثقة بية واني ماعندي سوالف مكسرة
كلتلها الله يرزقج
كلتلها هسة شنو رايحة لهاي البانزيخانة
كالت والله بصراحة راح أجر طفل لان العصر الحركة تقل ماكو موظفين وخطوط فابقة بالاشارة
كلتلها شنو تاجرين طفل
كالت اكو ابنية تجيب اطفال ايجار على 10 الاف من البتاويين من معاميلها واني أجر منها ب25 الف للطفل الواحد لمدة يوم واني من زمان أجر منة جهال كلتلها وهي هاي ام لو شنو كالت لا هم عدها معاميل يجيبولها اطفال بالجملة وتوزع بيهن اكو سيارة تفتر توزعهم علبنات
اني انسطرت بصراحة بسرعة فكرت جهالي مبيوكين ويتاجرون بيهم بغير محافظات او بغير مناطق المهم صعدتها بعد ماجابت الطفل كالت هذا خوش طفل طالع وياي قبل فترة واليف لايبجي ولاشي ويعرف يمد ايدة يجدي بيها (يعني خبرة) المهم الطفل صعد يلعب ويكمز اول ماحركت ثواني خدر ونام
استغفر الله انطتة شي مااعرف هو تعبان ونام بعد الله اعلم
اريد ابري ذمتي امام الله وامام المجتمع وامام الدولة
هذا نداء للجهات المختصة متابعة جناسي اطفال المتسولات لان احس وراهم مافيات وعصابات وتجارة بالاطفال
والله على ما اقول شهيد 🌹🌹🌹
منقول
