هيلااااو حلوياتي
اثير
اجت شهد للشركة شفتهه واكفة تقربت يمهه و حطيت ايدي على كتفهه شفتهه فزت و ندارت كالت انو جاية هي و زوجهه ما ضل دين براسي بس ردت اشوف هذا زوجهه عمود اوكع سنونة بحلكة بس هي بسرعة راحت معرفت شسوي دخلت للشركة خلصت شغلي بعدهه رحت للقاعة صارت الساعة ب2 رجعت للبيت لكيت اهلي منتضرني و ممتغدين راحت امي صبت غدة و كعدنة نتغدة بدون اي كلمة و الهدوء كان سيد الموقف حتة قطع امير هذا الهدوء
امير. اني عندي موضوع احجي بي وياكم من نخلص غدة
ابو اثير. انشا الله
خلصنة غدة جابو الجاي
امير. يابة اني اريد اخطب
ام اثير. يااا ساعة المباركة هسة اني اخطبلك وحدة دكل للكمر كوم و اني اكعود بمكانك
امير. اشكر خدماتج يوم بس اني هاويلي بنية و رايدهه
اثير. منو هية نعرفهه احنة
امير. اي تعرفوهه
اثير. منو هية
امير. استبرق اخت شهد
الكل.😲😲😲
ابو اثير. ابني انت منتبه لنفسك شتحجي
امير. اي يابة اعرف و متأكد من نفسي
اثير و هو يمسح لحيتة بأيدة. و انت منين تعرفهه
امير. البنية جانت وياية بنفس الجامعة و اني عجبتني و قررت اخطبهه
ابو اثير. يابة اني معندي مشكلة ذولة عالم خيرين بس منو يكول هم يقبلون بيك بعد الي صار
امير. مو مشكلة يابة اني اقنعهم بس اريدكم تجون وياية
اليوم بالليل نطلب ايدهه
اثير
حسيتهه فرصة عمود اتقرب من شهد و اشوف المحروس زوجهه بالنسبة للامي ما رفضت لان تدري بنفسهه خربت حياتي متريد تكرر الامر وية امير بس يعني امير كول هذا الوقت يعرف وين شهد و ضام عني متوقعت هالشي منة
اثير. يعني انت كل هذا الوقت تدري وين شهد و ضام علية متوقعتهه منك
امير. لا اثير استبرق مرضت دكولي وين شهد و اني مضغطت عليهه عفتهه ع راحتهه
اثير. ماشي اتصل باستبرق و كولهه اليوم نجيج
امير. هاهية
اثير
طلع امير و اني صعدت لغرفتي رحت مددت ع الجرباية اذكرت موقف صار وياية اني و اشهد و كعدت اضحك
جنة كاعدين اني و شهد ع الجرباية
اثير.ااااااخ ولج خبلة ليش عضيتيني
شهد. احسن عمود من تشوف عضتي تذكرني ههههه
اثير.خبلة مو بيدج زين انتي شلون تذكريني
شهد. اني ما انساك حتة اذكرك
اثير. لا عندي فكرة تذكرج بية
شهد رفعت حاجب. شنو هية
اثير. تعاي لهنا
سحبتهه الحضني و ردت اتقرب منهه بس هية رفضت و كالت انو هية ممستعدة حضنتهه و نمت اووووف شكد مشتاق للحضنهه
غفيت و اني افكر بيهه
صح انا كاطع بيك كل هاية الايام😞
بس عيني من فركاك ما تقبل تنام😔
شهد.بس احمد ليش
احمد. شهد شنو ليش انتي نسيتي لو شنو قصتج
هم تهموج و شككو باخلاقج تريدين انطي اختي الثانية الهم الموت علية اهون
شهد. بس احمد الشغلة تختلف هاي المرة لان استبرق حتروح معززة مكرمة مو فصلية و امير يحبهه و سحدر يوكف بوجه الكل علمودهه و حرام عليك توكف بوجه قسمة البنية و بالنسبة الية اني معندي مشكلة اني هسة زوجي و ابني بالكون عندي
احمد. شهد والله معرف شكولج
شهد. كول توكلنا على الله
احمد. و نعم بالله خلي يجي و نتفاهم
شهد. اليوم بالليل يجي
و انت يزن عندك اعتراض ع الموضوع
يزن. شيكول احمد اني ويا
احمد. هاهية لعد
شهد. كمت للمطبخ حتة اكول الاستبرق الي ذابت مثل فص الملح من سمعت الموضوع نفتح
استبرق. ها شهد وافق؟
شهد تمثل الحزن. لا ما قبل
استبرق. عرفتة والله عرفتة مراح يوافق و هسة شسوي😭
شهد. و سم ام دميعة قبلو احمد و يزن كالو خلي يجي اليوم بالليل
استبرق. كللللللوش
شهد.وسم و مرض شبيج ممصدمة
استبرق. ولج شهد بعد ما الحك خلي اروح تحضر نفسي
راحت استبرق لغرفتهه و اني شايلة هم لان اكيد اثير حيجي و حيعرفون انو يحيى زوجي خايفة اخرب على امير و استبرق يللة الله كريم
اجاني يحيى. يللة ام جود خلي نروح نشتري ملابس الجود
شهد. اي صحيح بس هلي جود يم اهلي لان حنرجع هنا
يحيى. ليش شكو
شهد. بالطريق اسولفلك
يحيى.ماشي
صعدنة بالسيارةو سولفت اليحيى الي صار
يحيى. هاهية على بركة الله
شهد. بس خايفة من يعرفون انو اني زوجتك تخرب الخطبة
يحيى. ما دام هم يحبون بعض مراح يصير شي
نزلنةمن السيارة اشتريت ملابس لجود و بنطرون اليحيى و فستان الي و ال استبرق عمود تلبسة اليوم
رجعنة للبيت ليكنة استبرق و فرح يرتبن البيت عمود جية الجماعة
شهد. تحتاجن مساعدة
فرح. لا يكلبي معدنة شي بس اذا دكدرين بدلي الملك و ملاك اذا مصير زحمة
شهد. لا حبيبتي ماكو زحمة
صعدت لكيت ملك و ملاك يبجن و جود يسكت بملك
شهد. هاااي شنو ليش اميراتي يبجن
جود. ماما هاية ملاك لخذت العابة من ملك
شهد. لعد ملاك شبيهه تبجي
جود. لان اني ضربتهه
شهد و هي كاتمة الضحكة و تمثل العصبية. جوووود ليش تضرب اختك مو عيب
جود. بس ماما هي بجت ملك
شهد. يللة بوس ملاك و اعتذر منهه
جود. اسف ملاك
شهد. ملاك يللة اعتذري من ملك
ملاك. اسفة ملك
شهد. شطورين يللة تعالو ابدللكم
اخذت البنات و لبستهن فساتين قصيرة و ردية نفس الشي و سويت شعرهن ضفيرة زغيرونة لان شعرهن كصير و اشقر يخبلللللن
بعدين رحت بدلت الجود لان جود بين ساعة و ساعة يوسخ ملابسة كد ما حرك نزلت جوة
شهد. استبرق استبرق!!!
استبرق. ها حبي
أنت تقرأ
عشك من بعد عذاب فصلية
Romanceيتيمة تروح فصلية بس مو بسبب اخوهه او شخص من عائلتهه منو ممكن يكون السبب و شنو حتشوف هناك؟؟
