عشك من بعد عذاب فصلية

جزاء الثامن

هيلاااااو حلوياتي
تعشينة و خلصنة جان يندك الباب راحت ريم فتحت الباب سمعتهه دكول العمتي انو اجو بيت عمهه
اني صعدت الغرفتي عمود ابدل لبست سيلفي من كدام قصير و طويل كولش من ورة لونة سمائي بلون عيوني و خليت شال ع راسي بدون اهتمام و نزلت رحت كبل للمطبخ
جان تجيني ريم
ريم. ها شهودة ليش كاعدة هنا روحي سلمي ذولة بيت عمو صادق
شهد. والله مستحية
ريم. لا حبيبتي ماكو داعي للمستحة يللة كومي وياية
شهد
دخلت للاستقبال شفت رجال جبير كاعد نفسة هذا الي شفتة و اني حسبالي هذا الي حتزوجة طلع عمهم😅
و وليد شاب شكلة كان كولش حلو
و ثنين بنات اعتقد عمارهن با 20 و مرية بكد عمتي تقريبا
شهد. السلام عليكم
الكل. و عليكم السلام
سناء(العمة). اللهم صلي على محمد و ال محمد شنو هاية العابة عين الباردة عليج يمة انتي زوجة اثير مو؟
شهد. صليتي على نبيج خالة
اي
نهى(بنتهم). هاا يعني انتي الفصلية😒
سناء. عيب ماما شنو هذا الحجي
مهى. مرحبا شهودة اني مهى و ريم حجتلي هواية عنج
شهد. عاشت الاسامي مهاوي
رحت اسوي جاي اجت وراية ريم
ريم. ضجتي من كلام نهى؟
شهد. ليش اضوج كلامهه صحيح اني فصلية
ريم. لا انتي جنة هذا البيت معليج بيهه اسمعي نهى و مهى تؤام بس ميشابهن لا بشكل ولا بالطبع و مهى جانت حبيبة اثير محد جان يدري بيهم غيري اني و نهى بس هي تركت اخوية لان تقدملهه شاب غني و بعدين انفسخت خطبتهم و هي رجعت تركض ورة اثير و هو مو طايقهه
شهد. الله كريم
مهى
اني مهى اصير بنت عم اثير و كنة نحب بعض بس تقدملي شاب حلو و غني اني تركت اثير بس ورة فترة انفسخت خطبتي و رحت الاثير و طلبت نرجع بس هو رفض
و بعدين عرفت انو اثير ماخذ فصلية اليوم شفتهه بنية كوووولش حلووة حسبالك لعابة و تمشي حلفت ما اخليهه الاثير
مواصفاتي طويلة عيوني سود شعري اسود قصير حنطاوية
نهى
اني نهى احت مهى التؤام بس منشابه لا بشكل ولا بالتفكير
اني لساني طويل كولش ارجع الكلمة عشرة بس كلبي طيب و احب اسولف و اضحك
مواصفاتي طولي وسط عيوني عسلي و شعري عسلي و بيضة

يحيى. مرحبا اني يحيى ابن عم اثير عمري 21 سنة ادرس صيدلة مواصفاتي طويل حنطاوي الى ابيض عيوني بني فاتح شعري بني و عالي و عندي لحية ثخينة بس مو كولش و غمازة وحدة
اليوم رحنة لبيت عمي كرار دخلت بنية علينة سبحان الي خالقهه كأنو حورية و تمشي بالكاع البياض لو العيون الي دكول بحر لو الشعر الاشكر الي طالع من الشال خررب هاية خلقة و الي اشوفهن خلقة اني حسبالي بنت خال ريم لمن دخلت و سلمت طلعت مرت اثير
افففف
شهد
قررت اسوي كيكة
دا اسوي بيهه و نسولف اني و ريم
اجت نهى بنية حبابة كولش تسولف و تضحك عكس اختهه الحقنة و صرنة اني وياهه صديقات
خلصت الكيكة خليتهه بصحون و وديتهه شفت الوليد الي وياهم دا يباوعلي اني غلست حطيت كدامة صحن كيك
يحيى. يسلمو

شهد. ولو
كعدنة سوالف و ضحك و تحشيش حتة يحيى اندمج ويانة ههههه و نهى تخرب ضحك و مهى كاعدة تسولف هي و غزل و يخزرن بية
سويت نفسي ما اشوفهن
شهد. اكولج نهى اليوم ابقي يمنة نسهر سوة اني وياج و ريم
ريم. اي والله صحيح
نهى. والله معرف خاف يحيى ميقبل
شهد. اني اكولة
نهى. اوك اذا قبل ابقى تدللين كم صاكة عدنة هههههه
شهد. ريم. هههههههه
ابو يحيى. يللة احنة نترخص
ام اثير. هلا بيكم
شهد. اكولك يحيى
يحيى. ها عيوني كولي
شهد. اريد نهى تبقى يمنة نسهر سوة
يحيى. شسوي باقية و بعدين ولد عمهه موجودين مترهم
شهد. لا حباب هو اثير و ميجي لل1 لو ل2 و امير يجي ب12 ينام يطلع من الصبح للجامعة و هي حتبقة بغرفة ريم
يحيى. يللة الخاطر عيونج
شهد. احم اي يسلمو
راحو بيت عمهم و بقت نهى يمنة رحت لبست برمودة و كيموني لان احنة بس بنات و رفعت شعري بالقراصة و نازلات منة خصل باهماال
حضرنة سهرة بغرفة ريم و ضلينة نسولف و نضحك ريم راوتنة صور علي خطيبهه شاب عادي يعني بس مرتب و هي تحبة
نهى. اي عيني انتي مزوجة و هاية مخطوبة ضالة بس اني عانس
شهد. يللة تردين انسقلج وية اخوية ههههه
نهى. اذا صاك اقبل
شهد. ههههههه اي طبعا صاك غير اخوية
نهى. ولا تستقر الاميرة ديانا
شهد. ريم. ههههههه
ضلينة نسولف صارت الساعة ب1 سمعنة حركة بالمطبخ