عشك من بعد عذاب فصلية

جزاء الثالث

اثير. اهوووو هم اتصلت هاية شكد لزكة
اثير. الو ها حبيبتي
تريدين اشوفيني؟ تمام اليوم نتلاكة بالمطعم تمام باي
اليوم كعدت الصبح يمكن ب11 اكثر شي اكرهه الكعدة من الصبح رحت سبحت و نزلت
اثير. صباح الخير
ليث. صباح النووور
امير. قصدك صباح الضهر😂
اثير. انجب انت وين الباقين
امير. غزل و امي راحن لبيت خالتك و ريم بالجامعة
اثير. لعد انت شسوي هنا متولي للجامعة
امير. لا اني انطيت النفسي عطلة😂
اثير. فاشل مو بيدك
امير. صحيح و كرم راح عمود الوضيفة الي قدمهه
اثير. و اني سألتك عن زفت
ليث. اثير ترى الموضوع صار قديم ليش بعدك حاقد علي
اثير. ليث لتدخل اني متحملة ويانة بالبيت الخاطر اختك
ليث. ماشي ع راحتك لعد اني رايح
اثير. وين رايح
ليث. راح اروح للشركة و بعدين اروح للشة بالليل اجي

اثير. ماشي ديربالك على نفسك
ليث. شسالفة قابل زغير😂
اثير. يللة ولي الله وياك
امير. اثير اني هم ادير بالي على نفسي؟😂
اثير. انت عار كولشي ميصير بيك😂
امير. 😂
هسة اكيد تسألون ليش اكره كرم
قبل 3 سنين تقدم كرم الاختي غزل
بوقتهه اني و ابوية رفضنة بس اختي وافقت لان جانت تحبة فصارت القسمة و سوو خطبة ابوية فتح فرع لشركتنة بغير محافضة و كان لازم واحد من عدنة يروح عمود الادارة هناك بس اني جنت طالب بالجامعة و امير و ليث زغار فكولنة انو نخلي كرم يروح ف ابوية سوالة وكالة و راح ورة فترة اجانة خبر انو كرم مصفي الشركة و بايعهه و ماخذ الفلوس و محد يندل مكانة اني بوكتهه كلب الدنيا علي بس ما لكيتة و كولنة اهم شي اختنة ما تورطت ويا و الفلوس تتعوض ورة سنة رجع كرم و كال انو صديقة ضحك علي و خلا يبيع الشركة و حط الفلوس بمشروع خسران و هسة رجع يعتذر اني بوكتهه ضربتة و قررت اسلمة للشرطة بس اختي وكفت بوجهي و كالت تنتحر اذا صار الة شي ف اضطرينة نزوجة غزل و لان اهلة تبرو منة بعد عملتة كعد ويانة بنفس البيت و هسة اني ما احجي لا ويا ولا وية اختي
المهم صار الغدة تغديت و طلعت وية الشلة و فجاة اجاني اتصال
.الو
اثير. الو ها ليث
. اني مو ليث و صاحب هذا الرقم هسة بالمستشفى بين الحياة و الموت
اثير. شنووووووو
اني جاي
نرجع البطلتنة
شهد.دا اسوق و ما احس الى ضربت واحد😭
يزن. لج هاية شسويتي
شهد. والله ما شفتة😭
يزن. خلي ناخذة للمستشفى
شهد. يللة بسرعة

اثير. من سمعت انو ليث بالمستشفى احس الدنيا افترت بية ركض بدون وعي و خابرت امير جاب ابوية و اجو للمستشفى لكيت هناك ولد ويا 3 بنات ورة شوية اجة شاب ويا رجال مو كولش جبير بالعمر

شهد.
رحنة للمستشفى و اني ابجي و مرعوبة اجو اهل  الوليد ثنين شباب و رجال جبير ضلو يصحون و يهددون و اني ابجي ورة شوية اجو احمد و بابة
كرار (ابو اثير). اسمعو ابنة اذا جرالة شي ما يصير خير و يصير الدم لركاب
اسماعيل( ابو شهد). خوية كول يا الله انشا الله ابنكم ميصير بي شي و احنة شتريدون حاضرين

كرار. يزن اخذ خواتك و روح للبيت و اني و احمد نضل
يزن. لا يابة راح اوديهن و ارجع
اخذنة يزن للبيت
رحت بدلت و صليت و ضليت ادعي انو ميصير للوليد شي
ما احس ع نفسي الى غفيت و اني ابجي
كعدت الصبح على صياح فرح نزلت اركض
شهد. شكو شنو شصار
فرح. ولج عزة بعينج ورطتينة وياج الوليد ماات
شهد. شنو مات😢
فرح. اي مات و كولة من وراج هسة يصير الدم للركاب و يروح بيهه رجلي (بصياح)

احمد. كافي فرح شهل حجي
شهد. احمد كولي شصار 😢
احمد. شهد الوليد توفة و ابو و اخوانة حركو الدنيا بالمستشفى و اتفقنة باجر نمشي عليهم و  الي يردو
اثير. ضليت بالمستشفى و اني اشوف ليث يموت كدامي للصبح اجة الدكتور كال سوينة الي نكدر علي بس المريض انطاكم عمرة

اثير. شنووووو
لزمت الدكتور من الياخة و ضليت اصيح اخوية ترجعة فتهمت لو لا اخوية يرجع
امير. اثير عوف الدكتور
كرار. بوية اترك الدكتور هو شعلي

اسماعيل. البقية بحياتكم
اثير. اششش ما اريد اسمع صوتكم اليوم الدنيا احركهه دم اخوية ميروح هدر
كرار. عيب بابة الرجال بكد ابوك
اسماعيل. يابة شتردون احنة حاضرين
كرار. تمشون علينة و يصير خير
اسماعيل. باجر احنة يمكم
اثير. رجعت للبيت امي عرفت ليث مات ضلت ادك و تلطم هية و خواتي و اني توعدتلهم بيوم اسود بسببهم راح عزيز كلبي و حزام ضهري
شهد . صار ثاني يوم و اهلي راحو بابا و اخواني و عمو ضياء و حيدر للمشية
اني ضليت ادعي  و اقرة قرأن
بالجهه الثانية
اسماعيل. احنة مشينة عليكم و الي تردو احنة حاضرين انتو فصلو و احنة نلبس
اثير. الدم بالدم غير هيجي ماكو
اسماعيل. ابني ميصير هل حجي اذا تردون فصل احنة حاضرين بس خ
حطو المبلغ
اثير. شنو احنة بعازت فلوسكم اني راح مني اخو بيتكم اهدة على روسكم احرك المدينة و الي بيهه اخلي الدم للركاب
كرار. اذا متردون دم تنطون فصل و فصلية
احمد. شلووون لا ماعدنة فصلية اذا ع الفصل انتو بس حطو السعر
اثير. اني ما اريد فصلية مادام راح واحد منة يروح عشرة منهم
الشيخ. ابني خلي نفتهم لضل اتصيح ابو احمد شنو رأيك بفصل و فصلية
كرار(ابو احمد). انطونة مهلة و نرجعلكم خبر
اثير. قررو الفصل يكون فصلية و 50 مليون بسيطة هي الي كتلت اخوية اذا ما اذلهه و اسود عيشتهه

شهد. دخل ابوية و دخلو الشباب و حيدر كانن عيونة براسة
شهد. ها بابة شصار كولي
كرار. والله معرف شكلوج يابة العالم طلبو فصل و فصلية
شهد. شنوووووو😰