عشك من بعد عذاب فصلية

جزاء الثالث عشر

مرحبا حلوياتي
شلونكم
غزل. ماما رجاءا لتدخلين اني و زوجي راح نعزل عنكم لان اخوية صاير يضوج مني و من زوجي
ام اثير. يمة استهدي بالله وين تروحون
غزل. الاي مكان نحفظ بي كرامتنة اكيد هاية تأشر على شهد الفصلية لعبت بعقل اخوية
شهد. غزل شبيج تخبلتي اني شدخلني
غزل. انجبي ولج بواكة الزلم يا ساق... يا..... بالاول كتلتي اخوية و انوب اخذتي اخوية الثاني و خبلتي علينة طبعا لان ماعندج ام تربيج تربية شوارع
اثير
نزلت و سمعت غزل تصيح و تغلط على شهد
غزززززززززل شبيج تخبلتي من الصبح و بعدين وين تردين تروحين اني و هذا رجلج الاثول ميكدر يدير شغل زغير يكدر يفتحلة بيت
غزل. اثير رجاءا لتحجي على زوجي و اني طالعة و مخلية البيت الك و المرتك تهنة بي لا حسبالك ترى كرم البارحة سولفلي و كلي انت ضربتة
ام اثير. سوووودة بوجهي ولك اثير صدوك ضارب رجل اختك
ابو اثير. غززززل صوتج يعلة على صوتي ولج
اثير بابة ليش ماد ايدك على زوج اختك
اثير. رجلج لو محترم نفسة ماجان مديت ايدي عليج و جاي يشكيلج الاخوث المخنث اذا بي حظ خلي يجي هنا و يشكي عمود ادفنة بكاعة ولج يباوع على عرضي هذا الساق.... الكو....
غزل. اي اكيد هاية مرتك الحقيرة كامت تغري بشكلهه و بملابسهه الساق.....

اثيير. غزززززززززل رفعت ايدي ردت اضربهه جان يلزمني ابوية
ابو اثير. لا يابة مو هيجي الحجي
اثير. غزل و رجلهه ما الهم كعدة بالبيت و راح يجي يوم و تندمين غزل
ابو اثير. اثير يابة ميصير هذا الحجي يعني تقرر عني انت لو شنو
اثير. اعذرني يابة بس هذا الي عندي
غزل. اتركة بابا اني صرت عالة على اخوية اني رايحة
شهد
اجت يمي غزل
غزل. صدكيني مراح تتهنين
دفعتني و صعدت ليفوك اخذت ملابسهه و ملابس كرم و راحت
عمتي ضلت تبجي و تصيح
ام اثير. الله ينتقم منج فرقتي بين الاخوة الله ياخذج
شهد
ضليت ابجي ما اعرف شسوي
اجة اثير لزم ايدي و سحبني ليفوك
صعد فوك وضل يكسر بغراض الغرفة و يصيح
خفت اتقرب يمية ضليت بس ابجي
بس بعدين شفتة كعد بالكاع و حط ضهرة على الكنتور و لزم راسة بايدة رحت يمة حضنتة و هو هم حضني و اني ابجي
اثير
اخذت شهد و صعدت ليفوك بعد ما اشوف شي كدامي ضليت اصيح و اكسر بالغراض اخر شي تعبت و كعدت اجت شهد يمي و حضنتني حسيت بالراحة حضنتهه
اثير. شهد تعبت تعبت من وضعي بيت مابي بس المشاكل و اني المسؤل عن كل واحد بالبيت دائما جانو امي و ابوية مشاكل و متعاركين اسمهه امي زعلانة اخواني اني الي ربيتهم حتة غزل صحيح اكبر مني بس اني الي حافضت عليهم بس ما كدرت احميهه من كرم و سامحت كرم الخاطرهه بعدين هي هيج تسوي بيهه تعبت والله تعبت
شهد
اول مرة اشوف اثير القوي الاعصابة نار بهاية الحالة و الضعف بحضني و يشكيلي ضليت حاضنتة اخر شي كومتة من الكاع و حطيتة على الجرباية و ضليت العب بشعرة
شهد. صرت احسن
اثير. تكدرين دكولين هيجي شي
شهد. اثير اسمع انت ما قصرت بشي غزل هي الي اختارت طريقهه و بيوم من الايام راح تعرف خطاهه بس انت ملازم تضعف لان انت مغلطت بشي و هسة اريدك دكوم تتريك و تشوف شغلك لا الدنيا متوكف على احد
اثير. كلامج صحيح شهد بس اني هسة خسرت اختي تعرفين شنو اختي