عشك من بعد عذاب فصلية

جزاء السادس

نزلت و جان اشوف رجال جبير واكف هو هذا رجلي يابوياااااااي هذا بعدلة يومين بالهواي و يودع
جماعتة شبعو مي و بخور
نزلت و الدمعة بعيني اجتني المرية الي شفتهه قبل شوية اعتقد هاية ام الوليد الي توفة
حوراء(ام اثير). انتي يللة ما خلصتي
شهد. ها لا خلصت
ورة شوية اجة السيد احسهم دا يحفرون كبري مو يعقدولي كضيتهه بجي كولشي ما افتهمت
غزل. انتي فضينة تعاي كعودي هنا
شهد. ترى اني عندي اسم
غزل. و فوكاهه لسانج شطولة احجي عدل لا هذا لسانج اكصة
سكتت لان مابية طاقة انو احجي بس صدوك اختنكت
كعدت ورة الباب عمود اسمع صوت السيد
سألني السيد و اني صافنة مدا استوعب رجع كرر السؤال
غزل. متحجين انتي شبيج بلعتي لسانج
شهد. موافقة
سمعت السيد سألة بس تفاجئت بصوتة لان صوت وليد شاب
طلع مو ذاك الشايب و اني بلعت طن هوة هههه
يللة نفس الشي هي المكبرة وحدة مو مهم منو الي يدفن بس تمنيت واحد من اهلي وياية اففففف
اثير. رحت نمت ورة شوية سمعت سيارة طبكت نزلت منهه بنية لابسة بدي ابيض و بنطرون جينز عرفت انو هاية الفصلية ابتسمت بالم و اني افكر شلون راح اعذبهه و اخليهه تندم ع اليوم الي اجت بي للدنيا
اني دخلت سبحت و بدلت نزلت جوة لكيت السيد جاي و جاي ويا عمي صادق دخلت سألني الشيخ و جواب موافق و سألهه سمعت صوتهه كان صوت ناعم و حلو صراحة بس طولت يللة جاوبت راح الشيخ و اني ما صار عندي فضول عمود اشوفهه او بالاصح ما اريد اشوفهه ع الاقل مو هسة  طلعت شغلت و طلعت من البيت
شهد.كملنة العقد صعدت النفس الغرفة و تمددت لان كولش تعبانة نفسيا و جسديا جان تجيني امة صحيح مرة جبيرة بس حرام اقوة مني
حوراء(ام اثير) هاي عيني الخانم نايمة كومي لج كتلتي ابني و جاية هنا ترتاحين الى اخليج تتمنين الموت و ما تحصلي
ما احس الى اجانة راجدي(كف) فر راسي 180 درجة ضلت تضرب بية و تشتم و تغلط الحد ما احس شبه قطعت النفس اجت بنية و بعدتهه عني
ريم. يمة عوفيهه البنية ماتت
غزل. عوفيهه موتتهم خليهه تربيهه الساقطة ال.. امج معرفت تربيج
اني اسمع الكلام و دموعي ما نشفت بس من سمعتهه حجت عن ماما مكدرت اسكت وكفت بالكوة و كولت
شهد. لتجيبين سيرة ماما ع لسانج لا اكصة الج
حوراء. ولج انتي والله عينج وكحة

و اجاني الراجدي من حيث لا اعلم فر راسي فر و رجعت وكعت و بالكوة اتنفس
عافتني و طلعت
اجتني هاية البنية تريد تكومني بس اني بعد ما اكدر اتنفس و اني عندي ربو
ريم. يمة عزة البنية ماتت
اشرتلهه على الجنطة ركضت جابتهه الي طلعت البخاخ شوية رجعلي النفس هي عافتني و راحت
اني كعدت ابجي و اذكر اهلي بالكوة وصلت للحمام كعدت ابجي جوة الدوش طلعت بدلت ملابسي لان صارت كولهه دم و نشكت
ما احس غير الباب اندفر خير انشا الله شنو داخلين على مكافحة المخدرات
حوراء. لج كومي يللة للمطبخ مو كاعدة هنا ترتاحين
شهد. اجيت😔
لبست. تراك اسود و رفت شعري ذيل حصان (لحد يكولي شنو يعني ذيل حصان)ههههه
دخلت للمطبخ جان كولش حلو و مأثث من كولشي و اكو مرية كو كولش جبيرة واكفة عرفت انو هاية هي الخدامة اذا عدكم خدامة شعندج صحتيني عوذة
ام سعيد. هلا بنيتي
شهد. خلا خالة كالولي انزل للمطبخ بس ما اعرف شسوي
ام سعيد. هسة انتي كوعدي اكلي و بعدين اني اكولج شسوين
شهد. تسلمين خالة اي والله ميتة من الجوع
ام سعيد. ههه يللة كوعدي
كعدت اكل و ام سعيد مرية حبابة من اهل الله كالت انو صارلهه5 سنين تشتغل عدهم و سولفتلي عن العائلة و كالت انو هم عائلة مو كولش جبيرة و كالت انو هاية امهم
شهد.زين ذني البنات منو الي ياهه
امي سعيد. ذني ريم و غزل بناتهه
شهد.امم
زين رجلي المحروس شنو اسمة
ام سعيد. اسمة اثير الي مات يصير اخو و جان كولش يحبة حتة اكثر من اخوانة هو وليد حباب بس من يصير عصبي محد يتقربلة
شهد. اهاا لعد اكلنة تبن
ام سعيد. شنو
شهد. ها لا ماكو شي اكول الله يرحمة
كملت اكل و كمت وية ام سعيد
سوينة تمن احمر وسمج و زلاطة و معرف شنو
رحت اني سويت خلية النحل وصعدت لنفس الغرفةاني ما تعبت من الشغل لاني اني متعودة بس من الملحمة الي صارت قبل شوية تعبت
ورة شوية اجت نفس البنية
ريم. انتي شنو اسمج
شهد. اسمي شهد

ريم. اني ريم اخت زوجج
شهد. بكلبي(هه زوجي البنت دي عبيطة ولة اي)
ها عاشت الاسامي هاي غرفتج؟
ريم. اي هسة اخذج الغرفتج
شهد.تمام
اخذتني لغرفة انقبض كلبي من شفتهه الديكور عبارة عن اسود صحيح اني احب اللون الاسود بس الغرفة بيهه مبالغة بالسواد مابيهه لمسة انثوية
شهد. هاية غرفت منو؟
ريم. غرفت اثير
شهد. لعد شنو اني ويا نفس الغرفة
ريم. اي غير زوجج
ما احس غير اجت هاية العكربة
غزل. اي مو زين منا مخلينج بغرفة انتي مالت واحد يشمرج بالمخزن هواية عليج غرفة
غلست ودخلت للغرفة حطيت ملابسي بالكنتور و رتبت غراضي و نزلت صبينة الغدة اني و ام سعيد
حطينا و اني رحت و اني اصعد سمعت صوت رجال جبير حجة
كرار. لعد وين البنية ليش ما اجت تتغدة
حوراء. شنو هاية الفصلية تجي و تكعود ويانة خليهه بغرفتهه و نذبلهه اكلهه مثل الكلب
دمعت عيوني و صعدت
ضوجة ماكو شي اسوي لان الحمد الله البيت مسحتة من فوك ليجوة بي كومة نسوان و هو وسخ حتة معطر ماكو بي
اتصلت على تقى
.الو
تقى. الوات ها حبيبتي وين اختفيتي اتصل بيج و ماكو
سولفت الهه الصار ضلت تلطم
تقى. كول هذا يصير وياج و اني اخر من يعلم
شهد والله ما صار وقت اكولج احجي و اني ابجي
تقى. افففف يربي زين خوما اذوج؟
شهد.يا مااذوني احس الدلال مالت ال19 سنة طلع من عيني هههه
تقى. كسر بايدهم كون

شهد. الله كريم
صدوك ولج ما كملتي شصار وياج عمود حبيبج الي رحتي ويا هههه
تقى. يا صدوك نسيت اكولج
اي مو رحنة للمطعم جان يكولي اريد افاتحج بموضوع عاد اني هنا تختارين حتة لون طلاء الاضافر مالت العرس
شهد. ههههه خبلة
تقى. اي جان يكولي اني ممعتبرج حبيبتي لان اني معتبرج مثل اختي
شهد. طننننن و اجت بالعارضة هههههههههه اويلي بطني هههههههه
تقى. اي انتي ضحكي ام حلك بس صدوك انقهرت
شهد. انتي تحبي؟
تقى. نعم يختي؟ لا مو شغلة احبة بس معجبة بي يعني هو شكلة حلو و يجذب النضر و فلوس اهم شي يعني ههههههه
شهد. اي انتي ضلي بهذا تفكيرج المريض يللة اني رايحة
تقى. يللة ولي
شهد. باي😘
سديت الخط و ضليت افتر طلعت جبس من الجنطة و ضلتي اكل بعدين كملت لبست دشاشة قصيرة و سرحت شعري و نمت
اثير. طلعت من البيت رحت للشركة و بعدين طلعت تغديت و رحت للشلة ضلينة نفتر للليل رجعت للبيت دخلت شميت ريحة المعطر بلبيت شعجب منهن من الشيطان
رحت صعدت للغرفة دخلت لكيتهه ضلمة و بااردة شفت احد نايم ع الجرباية شغلت الضوة شفت بنية سبحان الله دكول حورية شكرة و بيضة و ناعمة من شغلت الضوة هي طفرت لابسة دشاشة قصير و عيونهه بلون البحر و مليانة خوف
اثير. منو انتي(بصياح)
شهد. ش ش شهد
اثير. يعني انتي الفصلية يعني انتي الي كتلتي اخوية يعني انتي الي حرمتي عيني من شوفتة مووووو
شهد. ضليت ابجي
اجة جرني من شعري و ركع راسي بالجرباية ما حسيت غير بحروة الدم على وجهي رجع رفعني من شعري واستلمني اكس مربع ما خلة بية شي صاحي
وطلع و عيونة تجدح نار
ما كدرت اتحرك و ضليت ابجي الحد ما غفيت
اثير. لزمتهه كسرتهه ما خليت شي بيهه صاحي لمن حسيتهه ماتت جوة ايدي اباوع لعيونهه الزرك و يزيد حقدي عليهه و ارجع اضرب بيهه اخر شي عفتهه و طلعت شغلت سيارتي و طلعت ضليت افتر و اذكر ليث
رجعت للبيت الساعة ب2 شفتهه على وضعيتهه و نايمة اباوعلهه و افكر هاية عايشة و ليث جوة التراب
رحت نزعت و نمت
شهد. كعدت الصبح و ضلوعي تفصيخ و اشوف الواحد ازدحام
التفتت و جان اشوووف...
هيلااااو شلونكم
عيوني الي اتابعون بصمت ممكن تصويت بلا زحمة ولو اتعبكم هههه
يللة صووتوو علقو اي شي بس المهم تفاعل
و كلولي شنو رايكم بحياة شهد وين راح توصل و هل حتستمر وية اثير او القدر مخبأ الهه شي اكبر