هيلاااو حلوياتي
شهد
كعدت الصبح بس جسمي متكسر و نفسي تلعب حسبالك اني الي اكتلت الكتلة مو يحيى ردت اكوم ما كدرت رجعت نمت
يحيى
كعدت الصبح الساعة ب9 استغربت شهد ليش ما كعدتني باوعتلهه بعدهه نايمة ع غير العادة و حسيتهه تون تقربت يمهه و خليت ايدي على جبينهه مصخنة نااار
شهد
نايمة حسيت ايد انحطت على جبيني بس ما كدرت احجي من التعب
يحيى. شهد شهد شبيج
شهد.هممم لا مبية شي بس شوية تعبانة
يحيى. يا شوية تعبانة منتهية انتي اليوم الحلقة الاخيرة
شهد.هههه لا مبية شي هسة اسبح و اصير زينة بس جود اليوم تأخر عن الروضة و اليوم اول يوم
يحيى. مو مشكلة اني اودي
انتي كومي سبحي اني حروح اسبح جوة و ابدل الجود و اودي للروضة عمود اجي ناخذج للدكتورة ميصبر تضلين هيجي
شهد. بس
يحيى. بدون نقاش ما احب الجدال يللة بسرعة
شهد. اوك
كمت للحمام بالكوة سبحت و نشفت شعري حسيت نفسي صرت احسن شوية الكسل راح بس بعدني مصخنة يمكن من الهبطة مال البارحة رحت لبست فستان تركوازي مخصر من فوك و كلوشة من جوة و لفيت الشال و اني بالكوة اتحرك خليت شوية مكياج اخفي اثار التعب نزلت جوة لكيت يحيى ماكو عرفتة رايح يودي جود
خليت الجاي على النار و سويت ريوك بين ما يجي يحيى شوية و اجة
يحيى.ها شلون صار الحلو
شهد. شوية احسن
شصار عمود جود قبلو يدخلو و هو متأخر
يحيى. اي قبلو كلتلهم امة مريضة و طلعت الف حجة يللة قبلت المديرة
شهد. الحمد لله يللة تعال خلي نتريك
يحيى. اكول شهد اليوم اوديج للدكتورة و اروح للشركة
شهد. بس اني لازم اروح وياك
يحيى. لا محاجة اني ارهم الامور
شهد.تمام لعد وديني يم اهلي اشوف شصار عمود استبرق
يحيى. مثل متردين
شهد
طلعنة اني و يحيى صعدنا للسيارة
شوية وصلنة العيادة
''''''''''''
اثير
كعدت الصبح و اني شابك صورة شهد صفنت عليهه اوووف يا شهد شوكت ارجع اصبح بعيونج اني اثير الي كلبة حجر الي البنات يتوسللي عمود نضرة اني هيجي يصير بية و اكوم اتحصر عمود بنية
كمت سبحت و بدلت نزلت جوة لكيت امي و ابوية و امير يتريكون يتريكون
اثير. صباح الخير
الكل. صباح النور
ام اثير. تعال وليدي تريك
اثير
سحبت الكرسي و كعدت
ابو اثير. امير يابة هم حجيت وية البنية عمود باجر ناخذ المشية
امير. والله ما اعرف يابة اتصل بيهه مترد
ابو اثير. حقهه بعد الدكة الي سواهه الباشا البارحة شيكولون حقهم
امير. الله كريم يابة
اثير. كمت سفرة دايمة
ام اثير. وين رايح وليدي كمل اكل
اثير. شبعت يوم اريد اروح
ام اثير. لعد اذا تكدر اخذ هاية الوصفة مال طبيب جيبلياهه وياك خلص علاجي
اثير. تمام بعد معتازين شي
ام اثير. لا يمة سلامتك
اثير
نزلت و اني العصبية تقرة عندي الف واحد من الصبح يسمع كلام يغث استغفر الله ردت اروح للشركة بس اذكرت علاج امي كلت اخذة هسة احسن لان اني اطلع من الشركة دنيا الضهر ما الكة صيدليات مفتحة لكيت صيدلية نزلت من السيارة رحتلة انطيتة الوصفة و طلعت فوني اشوف الاتصالات لان البارحة من ىجعت غلقتة لكيت امجد كالب الدنيا بالاتصالات رجعت اتصلت بي
اثير. الو
امجد.الوات وينك ولك ليش فونك مغلق
..والله شوية تعبان و ما الي خلك غلقتة ليش صاير شي
..لا ما صاير شي بس استغربت من لكيت جهازك مغلق خفت اكو شي ولو هو العار ما يصير بي شي ها صدك عندي موضوع وياك
.. اي احجي
.ماعندك نية تزوج ترى والله بالي ضال وياك بس اشر اني اروح اخطبهه الك بي ميصير اضل هيجي ملطلط
.. انت لو سالفة بيهه حض ما تصلت بيه سوالفك كلهه تعبانة يللة ولي
.. مو صوجك صوجي اني اريد اجمع راسين بالحلال
..بارك الله فيك يللة ولي لضل تمسلت باي
.. كبوووور بايات
سديت الخط و اني ابتسم على سوالف امجد انطاني الصديلاني العلاج رفعت راسي شفت شهد طالعة من العيادة مبين عليهه تعبانة و يحيى ساندهه ردت اروح اخنك يحيى بس اذكرت البارحة و كلت اكيد هية تمرضت لان خافت بس ضل بالي عليهه ليش هشكل تعبانة و ذبلانة صعدو بالسيارة و راحو رحت اني دخلت للعيادة ت ارف شبيهه لان ضل بالي عليهه انطيت فلوس للسكرتيرة دخلتني فورا لكيتالدكتورة كاعدة
الدكتورة. تفضل
اثير. عفوا بس ردت اسأل عن البنية الي ستوههه طلعت من العيادة شبيهه
الدكتورة. اسفة بس ما نكدر ننطي معلومات المرضة
اثير. بس اني خفت عليهه و ادري بيهه مراح تحجي عمود لتخوفنة
الدكتورة. اني شتصير منهه
اثير. اني اني اخوهه
الدكتورة. شنو اسم المريضة
اثير. شهد
الدكتورة. بابتسامة هاا قصدك هاية الي اجت هية و زوجهه؟
اثير اخذت نفس عميق. اي هي و زوووجهه
الدكتورة. الف مبروك اختك حامل
أنت تقرأ
عشك من بعد عذاب فصلية
Romanceيتيمة تروح فصلية بس مو بسبب اخوهه او شخص من عائلتهه منو ممكن يكون السبب و شنو حتشوف هناك؟؟
