عشك من بعد عذاب فصلية

جزاء 23

اثير
رجعت للبيت بدلت لبست دشداشة لونهه بهاري هاية اول مرة البس دشاشة و غترة حطيت عطر

و نزلت
لكيت اهلي مجمعين
ام اثير و هي تبجي. يمة صلاوات على محمد طالع تخبل وليدي يوم الافرح بيك
اثير. مشكورة يمة
امير.ها ولك هسة يتيهون منو العريس
اثير.شجاب الثوم للحلقوم😌
امير.خب دطير هواي نفخنة راسك
اثير.بلا حجي زايد يللة فضنة
طلعنة من البيت و اني متوعد الشهد بمصيبة اليوم اخذنة خمس سيارات وصلنة الببتهم فتحنة يزن الباب سلمنة علي و دخلنة كعدنة بالاستقبال الاستقبال صاير مقابيل الطرمة يعني تدخل من الباب اكو استقبال و منة باب للصالة ف الي يمشي بالطرمة تشوفة من الاستقبال شوية جابو الجاي لمحت شخص مشة من الطرمة عرفت هاية شهد ترخصت منهم كلتلهم اريد اروح للحمام طلعت للطرمة شفت ليورة اكو حديقة كلش جبيرة و شفت شهد واكفة بيهه بس دقيقة هاية دتحجي وية احد تقربت شوية شفت يحيى يحجي وية شهد و يمسح بدموعهه و يهي بين التبجي و التضحك اني هنا ما ضل براسي دين ركضت على يحيى و لزمتة من ياختة و توليتة بوكسيات و هو هم ما قصر اجت شهد ضلت تصيح بالنص
شهد.عوووفة عوووفة انت شبيك مخبل
اثير
رفعت راسي و خليت عيوني بعيونهه تقربت يمهه و لزمت اديهه بثنين ادية
اااااااي مخبل 😠انتي خبلتيني لج شلووون هيجي تسوين بية و ليش ابن عمي
وكف يحيى ابتعدت عن شهد اجة يحيى وكف بصف شهد و اني اباوعلهم ابتسمت و كمت اصفك
براااافووو مخطط رهيييب صراحة يعني انت فجأة لكيناك برتكيا و انتي طفرتي ورا و بعد خمس سنين تجوووووني و مزوووجيين
ولج ليييش صحيح اني غلطت بحقج بس مو هيج تعاقبيني و انت يحيى شلون قبلتهه على نفسك تاخذ مرت اخووك و لك تطعني بضهري
شهد. كااااافي اثير ما اسمحلك تحجي اكثر من هيجي و تهين يحيى هذا الب ما عاجبك يسوة عشرة منك
اثير.وللللللج تلصمين لا ادفنج هنا و انسة انتي حامل
شهد.يحيى.حامل؟
يحيى. شهد اعتقد صار لازم تحجين الي صار الاثير لان الوضع زاد عن حدة
شهد.لا يحيى اني ممضطرة ابرر الاحد و بالاخص الة
اثير.عن شنو تحجون انتو
يحيى.هسة شهد تشرحلك كلشي
شهد.بس
يحيى. بدون نقاش
شهد.بس هسة استبرق حتكطع مهر

يحيى. مو مشكلة
ضلو يحيى و شهد يحجون و اني واكف مثل الزمال كولشي ممفتهم
راح يحيى اجت شهد وكفت كدامي
شهد.تعال وراية
اثير
رحت وراهه بدون ما احجي دخلنة جوة بالحديقة اكو جذع كعدت علي و اني كعدت بصفهه و هي تباوع ليكدام و صافنة
شهد. اثير شنو الخطرلك من كولت حامل
اثير.شفتج من طلعتي من الدكتورة
و دخلت سألتهه عنج كالت حامل
شهد.اثير اني مو حامل جنت رايحة للدكتورة لان مريضة و كلع عندي فقر دم و فلاونزة
اثير. بس
'''''''''''''
شهد
نرجع لبداية اليوم
دخلت للعيادة و كعدنة اني و يحيى ننتضر صحت السكرتيرة
شهد دورج الجاي بعد هاية المريضة
اني كمت و بنية يمي هم كامت
السكرتيرة. منو شهد
شهد.البنية. اني
شهد.هههه اعتقد اكو لخبطة بالاسماء
السكرتيرة. شهد اسماعيل
شهد. اني
البنية.ههه اسفة بس اني هم اسمي شهد
السكرتيرة. انتي بعدهه
كعدنة اني و البنية ضلينة نسولف بنية كولش حبابة من اهل ديالى و جاية جديد لبغداد قبل شهرين
و جاية هية و زوجهه لان دتحس بدوخة و تنام هواي فأجت تتاكد انو حامل او لا
شهد. انشا الله يناولج البالج
البنية. تسليمن يكلبي
السكرتيرة. شهد اسماعيل تفضلي احة دورج
دخلت للدكتورة طلبت تحاليل طلعت عندي فقر دم شديد و فلاونزة كتبتلي علاج
و دخلت وراية البنية
طلعنة اني و يحيى صعدنة بالسيارة
و وداني البيت اهلي و هو راح للشركة
شهد. مرحبا
يزن. يا مراحب حمد الله على السلامة شهود شبيج شو خلصانة

شهد.اي والله تعبانة شوي
يزن. يللة لعد استعجلي لسويهه طوالة اريد ناكل تمن و لحم بفاتحتج
شهد.كبووور اي والله خلي نشوف من يرهملك شغلت الحب اذا اني متت
يزن.لا يبعد عمري عمرج طويل يبعد بيتي
شهد.ناس متكيش الة بالعين الحمرة
يزن. مالك ينشراح حتستعبطي ولا اي
شهد. 😂خبااال
عفتة و مشيت و هو يدردم
رحت
للاستقبال لكيت احمد و فرح كاعدين و ملك و ملاك بالروضة و ادم و ادهم بالمدرسة
شهد.مرحبا
الكل.هلا و مرحبا
شهد.لعد وين استبرق
فرح.بغرفتهه مترضة تطلع من البارحة
احمد. شهد من البداية كتلج هاية العالم ميتوبون
شهد. احمد بس امير ما الة ذنب بالي صار ولا اهلة
احمد. ليكن اني هسة اتصل بيهم و اكلهم ماعدكم مرة يمنة و نخلص
شهد.لااا احمد الخاطري لسوي هيجي خطية استبرق و امير شنو ذنبهم ليش نعاقبهم عمود واحد مثل اثير
احمد.شهد هسة شتردين
شهد. اريدك تخابر الجماعة دكولهم موافقين
احمد. اففففف تمام بس شهد صدكي اذا صار بعد شي حتلو عاقدين هم اخذ استبرق منهم
شهد.هسة الله كريم
لو اكولك اني اخابر امير احسن
احمد.براحتج
شهد
ردت استبرق هي تخابر امير
صعدت فوك لكيتهه كاعدة على الجرباية و علبة الكلنكس يمهه و الخشم احمر من البجي و منضرهه يموت من الضحك
شهد. شبي الحلو زعلان
استبرق.شهدددد😢

شهد. ولج شبيج جنج وحدة مطلكة و ماخذين جهالهه
استبرق. ولج احمد يكول بعد الي صار مننطيهم مرة
شهد. ي احسن
استبرق. لييييش😢
شهد. لان حننطيهم خبلة مو مرة
استبرق. يعني احمد قبل😄
شهد.ههههه اي قبل يللة اتصلي بأمير كوليلة
استبرق.اوك اوك اوك يمة سودة علية اتصل علية 100 مرة و ما رديت
شهد.يمة الحب يمة ههههه
طلعت من يمهه عمود تاخذ راحتهه ورة شوية نزلت و كالت انو باجر المشية
كعدنة نسولف اني و فرح اتصل علية رقم غريب رديت
احجي و محد يرد اخر شي سديتة عرفتة هذا واحد فارغ
رحنة سوينة غدة اجة يحيى و جايب ويا جود و البنات تغدينة خلصنة غدة
اجت استبرق تركض
يزن.هوب هوب هوب
شبيج تركضين جنج جارجر
استبرق.وهي تلهث
ولك المشية اليوم مو باجر
احمد.شهل حجي شنو هو لعب مو اتفقنة باجر
استبرق.مدريني هسة اتصلت عمتي و كالت(طبعا ما اكول امير الي اتصل😂) انو المشية اليوم
شهد.ماكو فرق اليوم او باجر
احمد.الله كريم هلة بيهم
شهد
ضلينة نحضر لكطعان المهر ما ودينة استبرق للصالون انب مكيجتهه و راحت فرح اشترتلهه فستان ابيض السمجة طلعت اجنن
اني لبست فستان بصلي قصير لليل اجو و اني اباوع الهم من دخلو يمة اثيير طالع صااك ابن اللذين اول مرة اشوفة بالدشداشة طالع هيبة ينكرط

رحنة سوينة جاي شوية اني اختنكت معرف ليش كولت اطلع شوية للحديقة قبل ليعقدون رحت وكفت و ابجي حسيت على ايد نحطت على كتفي ندرايت لكيت يحيى واكف
يحيى. شهودة ليش تبجين و اليوم فرحة اختج
شهد.يحيى ما اعرف بس شو كلبي يوجعني
يحيى.لا انشا الله ماكو شي و بعدين ما اريد اشوف هاية الدموع اطلعين جنج وحدة ميت رجلهه و بركبتهه سبع ايتام
شهد.هههههه احتاريت ابجي لو اضحك
جان يجي اثير و يجفت على اثير حسبالك مخبل و هم ضليت افاكك و هذا يغلط و يصيح لا انوب مخلي ابالة ارجعله ههههه نجوم السمة اقرب يحيى كلي انو اسولف الموضوع الاثير بس اني شفت انو حتة ميستحق احجيلة بس اصرار يحيى جبرني اخذتة و دخلت جوة بالحديقة حتة محد يشوفنة و قررت اسولفلة الي صار بهاية ال5 سنين الي راحت

و انتهى البارت
لا تنسون التصويت
معقول هاية الحقيقة راح تغير شي بالقصة لو كبرياء شهد الي انكسر الي رأي ثاني
باي حلوياتي
😘😘😘😘😘😘😘😘😘😘😍😍😍😍😍😍😍😍😍😍🍭🍭🍭🍭🍭🍭🍭🍭🍭🍭