#هي من سرقت قلبي
بقلمي هاله محمد محمد سالم
#البارت الثاني
اشرف : ايه يا ليلي كنتي عايزه حاجه....
ليلي: اه يا خويا اهو نستفيد منك بحاجه....
اشرف : مفيش فايده فيكي ....
ليلي : اسمعني كويس،انا وعلا لازم نهرب من هنا...
اشرف بصدمه: ايه طب ليه.؟!
ليلي : اسمعني يا غبي احنا في ميتم ومش هيخرجونا الا لمه نتجوز ، وانت عايز تتجوز علا صح....
اشرف بص لعلا بحب وعلا بصتله بابتسامه
اشرف : طب وايه اللي يمنع يعني طب ما انا كده كده هطلبها من ابلا عفاف....
ليلي بدموع مصتنعه : يعني انت وعلا هتتجوزوا طب وانا....
علا : ماأنتي كمان هتتجوزي....
ليلي : ماهي دي بقي المشكله اني هتجوز...
اشرف : مش فاهم...
ليلي :. مش بقولك غبي....
اشرف : طب قولي يا نصحه فهميني .....
ليلي : اولا انت وهي بتحبوا بعض لكن أنا اكيد هيجوزوني جوازه من اللي انتم عارفنها ثانيا انا مش عايزه اتجوز اصلا عايزه أخرج من هنا باي طريقه......
علا : طب لو خرجنا هنروح فين ولا هنعمل ايه...
اشرف : هتشتغلوا.....
ليلي : اه هنشتغل بس مش عند حد
علا : ازاي يعني يا ليلي متوضحي كلامك...
ليلي : بصي يا ستي بدل ما نروح نشتغل عند الناس ويطلعوا ملاليم من جبهم احنا بقي اللي هنطلع الفلوس منهم من غير ما يحسوا، بمعني أوضح هنسرق....
علا : ايه نسرق....
اشرف : انتي مفكره بره زي هنا طب هنا بتسرقي اكل من عفاف لكن بره هتسرقي ايه....
ليلي : بقولك ايه انت تساعدنا أننا نخرج من هنا وخلاص وانتي يا علا لومش عايزه تخرجي برحتك لكن انا لازم أخرج انا مش هقعد استني لمه يجوزوني .....
اشرف : طب قولي عايزاني اساعدك ازاي ....
ليلي : بص انا عايزاك تيجي باليل لمه كلوا ينام وتجيب معاك سلم وحبل متين وتحط السلم عند سور الجنينه من بره وتربط الحبل في الحديد اللي عند السور كويس وتحدفه لجوه....
اشرف بانتباه : وبعدين.....
ليلي : بعد كده تروح تقعد مع عمك حسنين البواب عشان تلهيه وأمه نخرج هشورلك من بعيد ماشي....
اشرف : ماشي يا ليلي....
ليلي بتحذير : اشرف اوعي يا اشرف تتغابه..
اشرف : خلاص يا ليلي متقلقيش.....
*************************
في مكان تاني
فهد : ايو يا سميه انتي فين وايه الدوشه اللي عندك دي......
سميه : انا في حافله يابيبي سوري مش هعرف اكلمك نتقابل في حفله الفندق...
فهد بعصبيه : هو احنا مش هنخلص من موضوع الحفلات ده بقي ولا ايه ...
سميه : الو الو فهد فهد انا مش سمعاك ....
وقفلت السكه فهد بص في الفون لقي الخط قفل فهد حدف الفون بعصبية كسروا : انا كان ايه اللي خلاني اتنيل واخطب هفففف.....
باليل عند ليلي
علا : ليلي اشرف قاعد مع عمي حسنين..
ليلي : طب ياله هما كلهم ناموا بسرعه بقي قبل ما حد يحس بينا....
علا : انا خايفه يا ليلي .....
ليلي : متخفيش جمدي قلبك.....
أنت تقرأ
هي من سرقت قلبي بقلم هاله محمد (مكتمله)
Short Storyاتت حفلا صاخبا حتي تسرق فلم تسرق سوا قلبه لكن للقدر اقوال اخري جميع الحقوق محفوظه للكاتبه هاله محمد جروب الفيس روايات وحكايات للكاتبه هاله محمد رابط جروب الفيس👇 https://www.facebook.com/groups/751227238975450/?ref=share
