#هي_من_سرقت_قلبي
#هاله_محمد
#البارت_الثالث
خرج فهد يدور علي ليلي في كل مكان لكن ليلي فص ملح وداااب
فهد : هي راحت فين.....
.....: هي مين دي يابيبي انا هنا اهو....
فهد : اهلا سميه......
سميه باست فهد من خده وبدلع : في حاجه بتدور علي مين......
فهد بضيق : لا ابدا مفيش حاجه.....
نتعرف علي سميه
فتاه جميله عندها واحد وعشرين سنه لبسها مكشوف جدا تحب السهر وتعشق الحفلات همها الوحيد أنها تتجوز فهد عشان فلوسه مش بيفرق معاها الحب لكن فهد لا يحبها
عند ليلي
علا : ايه يا ليلي وشك اصفر كده ليه ....
ليلي : واحد شافني لو مكنتش جريت بسرعه كان مسكني.....
علا : يالهوي خلاص بقي ياليلي تعالي نرجع الميتم....
ليلي : انتي هبله يابت نسيتي انك اتجوزتي ولا ايه وبعدين انا مستحيل ارجع تاني ......
علا : اه صح نسيت والله.....
تاني يوم عند علا
اشرف : ههههه انا قلتلك يا ليلي مش هتعرفي دي عايزه ناس متخصصه وانتي اول ماهتسرقي راحه وسط ناس كتير.....
ليلي بغيظ : اسكت بقي انا مخنوقه دلوقتي عشان مطلعشي خنقتي عليك....
علا : رايحه فين ياليلي....
ليلي : نازله اتمشي شويه سلام......
نزلت ليلي وفضلت تتمشي وتكلم نفسها : انا فاشله حتي السرقه مش عارفه اعملها ....
ليلي شافت واحد واقف جنب عربيته قررت انها تروح تسرقه
راحت ليلي تسرق راح مسكها لكن ليلي ضربته بالرجل وجريت.
..... :اااااه حرامي الحقني يا شويش ....
الشويش : خير يا استاذ .....
.......: البت اللي هناك ديه كانت عايزه تسرقني....
الشويش فضل يجري ورا ليلي وهي تجري لحد لمه لقت باب مفتوح وراحه داخله فيه
الشويش : ماشفتش بت بتجري من هنا.....
البواب مسعود : لا...
الشويش : يمكن دخلت عندك وانت ماخدتش بالك....
مسعود : ليه يا بوي طرطور جاعد إياك محدش يجدر يدخل ولا يخرج من غير لمه اشوفه.....
مشي الشويش ودخل مسعود يبص في الجنينه لقي باب الجنينه مفتوح راح قافله
مسعود لنفسه : أباه انا نسيت اجفله .....
ليلي مستخبيه شافته بيقفل الباب ليلي لنفسها : لا لا متقفلوش هخرج ازاي دلوقتي.....
مسعود لنفسه : أمه الف في الجنينه أجده ....
مسعود فضل يلف في الجنينه ليلي حست أنه هيشفها لقت باب كان ازازه مكسور راحت داخله منه
ليلي لنفسها : انا هفضل هنا يمكن الغبي ده يتحرك من مكانه وانا أخرج.....
دخل البواب عند باب الازاز المكسور
مسعود : واه دانا نسيت بكره هجيب حد يصلحهو بدل ما البيه يبهدلني....
وراح مسعود قعد مكانه
ليلي خرجت من الڤيلا وراحت عند باب الجنينه اللي دخلت منه لقت الباب مقفول بالقفل والبوابة قاعد عند البوابه مش بيتحرك..
ليلي : هعمل ايه، انا هدخل اقعد جوه وخلاص يمكن يقوم....
دخلت ليلي الڤيلا فضلت تتفرج عليها
ليلي : اه يا ولاد الاغنيه لمه اشوف يمكن الاقي حاجه الواحد يعرف ياخدها ، بس انا جعت اكيد في اكل هدخل اشوف في التلاجه......
ليلي لسه هتدخل المطبخ سمعت صوت في الڤيلا خافت جدا وجريت تستخبه لقت اوضه صغيره دخلت فيها وقفلت الباب
ليلي بتنهج : انا باين عليه هتافش ، (بصت علي الاوضه) ،هي ايه الأوضه دي مش زي بقيت الاوض صغيره كده ليه ...
فتحت ليلي الدولاب لقت عبايه فلاحي وطرحه، اه دي اكيد اوضه الشغاله، انا هفضل قاعده هنا وبعدين هخرج باليل يكون البواب الغبي ده نام
أنت تقرأ
هي من سرقت قلبي بقلم هاله محمد (مكتمله)
Contoاتت حفلا صاخبا حتي تسرق فلم تسرق سوا قلبه لكن للقدر اقوال اخري جميع الحقوق محفوظه للكاتبه هاله محمد جروب الفيس روايات وحكايات للكاتبه هاله محمد رابط جروب الفيس👇 https://www.facebook.com/groups/751227238975450/?ref=share
