كرونيك:🔥🔫عقدة _رجل🔫🔥

🔥الحلقة 01🔥

الحلقة 01:
############################
انا: دبدوب علاه ماكش حاب تهدر معايا ..
أيمن : ....
انا: ايوو وشبيك مشنف .. و علاه راكم تخرجو في القش تاعكم ..
ايمن: رانا راحلين و تقدري تولي ل داركم ما تبقايش واقفة هنا خفي
انا: ني رايحة علاه راك تعيط واش درتلك .. بفف
############################
كنت مكسلة فوق الفراش معنقة مخدة تاعي .. و نتفكر نهار لي راح فيه دبدوبي .. نهار ل وليت ل الدار و دموعي على خدي .#Manel. كان اكثر صديق مقرب ليا .. بالاحرى الصديق الوحيد لي عندي كان يعرف كامل اسراري عاداتي واش نحب و اش نكره كنت نعتمد عليه في كلش ..هو تاني كان ينقهر كي يقولولو سمين .. يكره هاد الكلمة .. هو صح سمين بزاف .. بصح شباب .. عينيه عسليين .. و شوافرو طوال .. نيفو طويل و شواربو صغار .. كان عمري 15 سنة كي راح و خلاني .. قعد سمانة ما يحبش يهدر معايا .. مفهمتش علاه.. كل يوم نروح ليه ل الدار .. يليكيديني ولا يعيط عليا .. و اخر السمانة .. رحل .. نقلوا من ديك الدار .. و خلاني وحدي ..ماكاش لمن نحكي و نشكي .. ما ناثق في حتى واحد .. كنت نحبو ..حب اخت ل خوها .. كنت نعتبرو خويا لي جابتو الدنيا .. المرا تقعد متفكرة حبيبها لي راح و خلاها .. انا بقيت متفكرة صديق طفولتي لي من الصغرة و حنا كيفكيف .. انا منار .. عمري25 سنة .. محققة في الشرطة.. حلم حياتي .. حققتو ب قرايتي .. واحد ماكان عارف ب حلمي غير دبدوبي ... ماما انجليزية و بابا جزايري .. اسلمت و تزوجو و هي خيرت تهبط تسكن في دزاير .. تربيت و كبرت في تقاليد مخلطة نصف غربي و نصف شرقي .. انا اصغر وحدة ف العايلة و بين بنات و ولاد عمومي .. و كانو يحبوني اكثر وحدة .. عينيا خضر حشيش ديتهم من ماما.. مانيش بيضة .. نو سمرة .. من بابا .. شعري .. مخلط لونو بين البني و الكحل .. طويلة .. و رقيقة .. بحكم السبور لي نديرو .. صح نبان ضعيفة .. بصح قبضتي قوية .. جرت السلاح لي نرفدو دايمن ... خدمتي ماشي ساهلة بصح نعشقها .. نعشق نضرة الانكسار في عينين المجرمين .. فيقني من سرحتي صوت التيليفون .. نداء الخدمة..
انا: انعم غسان
غسان: منار كاينة مرا جات و تسحقك نتي بالاسم
انا: شكون هادي اليوم repo تاعي
غسان: منعرفهاش المهم موسيو محمد م الصباح يحوس عليك
انا: اففف واش يحب عندي انا هدا ..
غسان: ازربي روحك و ارواحي دوك تعرفي
انا :ني جاية ..
لبست تريكو نواغ و سروال كيما جات لميت شعري و خرجت ..
ركبت الطوموبيل .. لحقت مرنكة .. الدجاج لكحل داير بيا .. يعرفوني ف الخدمة اللعب مكاش نحب التنظيم .. هنا واحد ما يهدر معايا .. ڨاع يحترموني حتى رئيسي محمد .. دخلت ل البيرو تاعو .. لقيت مرا شعرها صفر .. ومعاهم غسان ..
انا: مسلخير
محمد : بنتي جيتي ارواحي نسحقك ..
انا: سي محمد علابالك عندي غير اليوم نريح فيه علاه هكا ..
محمد: يا بنتي حاجة لازمة مدام إلين هنا راح تفهمك كلش ..
خزرت فيها .. وقفت مدتلي يدها .. شديتها ..
إلين: bon نجو م التالي .. انا مبعوتة من الوزارة .. القضية الارهابية يحبوك نتي تتولايها
لغتها العربية مكسرة .. اكيد ماشي منا ..
انا: القضية الارهابية!!
إلين: وي
انا: ماشي خدمتي هاديك انا détictive
إلين: علابالي شكون نتي
انا: مدام علابالك تقدري تمدي الخدمة ل المختصين
إلين: لا القضية نتي راح تحكميها اوامر من الوزارة .. هادا لي عندي و تقدري تبداي خدمتك ..
انا: انا منخدمش مجبورة فهمتي .. ما عندك ما ديري نتي ولا هما ..
إلين: واحد ما جبرك .. بصح نتي راكي امل بزاف ناس باش يسلكو اهلهم باش ما يبقاوش كامل يرقدو و هما خايفين .. خمي في بلادك ..
انا:...
إلين : القرار الاخير في يدك نتي bien sur
دخل بوليسي من الاعوان يلهث ..
ب: سيدي .. عدنا اخبار بلي المنضمة توجد ل تفجير غدوة ..#Manel
دارت خزرت فيا إلين .. حكيت شعري .. و نفخت
انا: اوك موافقة ..
جبدت العون .. و دخلنا ل بيرويا .. و معايا غسان
انا: هات واش عندك ..
العون: غدوة في حي ##### مستودع قديم وسمو ****
انا: متأكدين ..
العون: متأكدين عندنا جاسوس معاهم .. و هو يوصلنا ڨاع المعلومات
انا: و هدا المخلوق موثوق فيه
العون : كل الثقة ..
انا: و ماقاللكش واش م الساعة ..
العون: قالنا نص النهار يكون فما بالاك تكون عملية انتحارية
انا: عملية انتحارية ؟! اممم اسمع تعيط ل صاحبك هدا تقولو يهرب اليوم قبل غدوة فهمت
العون : علاه نسحقوه معاهم
انا: دير واش قتلك .. و تقدر تخرج .. حتى نعيطلك
جا قابلني غسان ..
غسان: فاش راك تخمي
انا: ما بانلك والوا
غسان: كاينة عملية تفجير غدوة في ***