كرونيك:🔥🔫عقدة _رجل🔫🔥

🔥31🔥

الحلقة 31:
نضت الصباح نغلي ..#Manel من جيهة ايمن لي رافد شنايفو .. و ما حوسش عليا .. و من جيهة حميد هدا لي ركب في راسي .. شفت الحوايج المغسولين .. و معاهم .. روبة فلوري .. غسلتهالي ماما .. قصيرة شوية .. رفدتها و لبستها .. زكارة في ايمن .. و زيد لازملي حاجة presontable باش نبان صح .. مديرة شركة .. هبطت ل الكوزينة صبت بابا يشرب ف القهوة ..
بابا: تروحي معايا
انا: وي قتلك
بابا: اوك
انا: اصبر عليا شوية وقت و نفهمك .. و نحبك مور ما تعرفني عليه تروح ..
خرجت ل الجنينة كي عيطلي غسان ..
انا: اعطيني تقرير شامل ..
غسان: ...
انا: اوك غسان شوف راح نفهمك واش راح دير .. و بلا حتى غلطة ..
غسان: ....
انا: متأكد من واش راك تقول .. هي هدرت ..؟!
انا: اوك اوك .. ما تبعثش دورية ل الشركة حتى نمدلك اشارة ..
حسيت بيد على كتفي درت نشوف شكون . صبتو بابا ..
بابا : نروحو ..
انا: وي
بابا: ماشي لازم منها ڨاع هاد الروحة ..
انا: بابا علاه حاساتك ماكش حابني نروح اصلا .. واش كاين .. ما تخبي عليا حتى حاجة ..
حسيتو تلبث من سؤالي ..
بابا: لالا والوا . غير على الخدمة ما نحبش نخسر الشركة ..
انا: ما تتقلقش هيا ..
رحنا انا وياه .. كل ما نقربو .. كل ما يحكمني احساس غريب .. لحقنا ل الشركة .. نزلت قبلوا .. و تبعتو .. يوريلي البيرو .. لحقنا ل بيرو .. مضخم .. ستنينا شوية .. و دخلتنا السكرتيرة ..
رفدت راسي جات عيني في عينو .. عينيه كحولة غامقين .. يخوفو .. شعرو كثيف .. و نصو شايب .. و لحيتو تاني هايجة .. خزر فيا خزرة ما فهمتهاش ..
حميد: تفضلوا .. اقعدو
بابا: يزيد فضلك سي حميد ..#Manel
قعدت انا و بابا .. و خليتو يهدر معاه ..
حميد: شكون هاد البوبية لي معاك
بابا: بون موسيو حميد .. هادي بنتيي منار .. و انا جيت اليوم باش نقلك بلي انا راح نتقاعد .. و هي لي راح تتحكم بالشركة منا و رايح .. و القرار تاع الشراكة .. بيدها هي ..
حميد: اممم من وينتا نمدو اللعب ل الذراري الصغار ..
بابا: وقت باش نتقاعد .. و راهي كبيرة .. و تعرف صلاحها .. و عندي ثقة كبيرة فيها ..
حميد: و جيت مخصوص باش تقولي هاد الهدرة ..
اكيد مدامو ذيب ماراحش تخفا عليه هاد الشغلة .. تدخلت انا قبل ما يهدر بابا ..
انا: انا لي طلبت منو نشوفك ..
حميد: امم ادا هكا مليح ..
خزر فيا ب نظرة قززتني .. 
بابا: مالا نخليك معاها تتفاهمو ..
حسيتو ماشي حاب يخليني معاه .. بابا بيه حاجة و نعرفو كي يكون متوتر .. وقف .. باسني من خدي ..و همسلي ..
بابا: تهلاي في روحك .. اي حاجة بعثيلي ميساج
انا: تهنا ..
خرج .. و بقيت في مواجهة السي حميد .. تكسل على الكرسي و خزر فيا تحت عينو..
حميد: ايه .. بقينا وحدنا خير ما جابك ..
انا: جابتني الشراكة ..
حميد: ههههه علاه طفل صغير نلعب قدامك .. انا حميد و ما ادراك ما حميد .. المحققة منار ما تشرفناش بلا سبة .. وقيلة جاية تتهميني ب كاش حاجة دخلت اه
انا: اممم عندك نسبة من الذكاء مشاء الله
حميد: نعتبرها اهانة ولا مدح ..
انا: لي عجباتك خوذها ..
حميد: ايه نولوا ل الصح .. وش حاجتك ..
انا: تقدر تكتبلي رسالة ..
حميد: ل من ..
انا: ل البرلمان .. باش يتهلاو فيا ..
حميد: هههه بنت صاحبي(قالها ب تمسخير) .. و علاه لالا
مد و رقة و ستيلوا .. و كتب .. ف التالي سينيا ب اسمو كامل .. و لاقبو ..
جبدت الورقة من يدو .. الورقة نفس نوع الورق لي عندي .. و حتى الكتابة .. جبدت الورقة من جيبي .. و حليتها .. و حطيتها قدامو.. و قربتهملوا .. رفدت حاجبي .. نخزر فيه .. نستنا يجاوب ..
حميد: ايه عرفتيني و بعد
انا: نتا تحديتني .. وانا  ربحتك
حميد: ههههههههههه ربحتيني ؟! انا لي خليتك توصلي ليا .. علاه .. اسبابي .. بصح انا درت لي كنت حابو .. و ما عندك ما تثبتي ب زوج رسائل .. خاطرش اي واحد يقدر يقلد ..
انا: الرسائل ما تثبتش بصح الشهادة تثبت ..
حميد: واش قصدك ..
قبل ما نردلوا ..  صونا تيليفوني ..خرجت .. نهدر .. لقيتو غسان... قالي اهبطيلي .. هبطتلوا نجري .. قالي اخبار ما تسرش .. ماشي ما تسرش .. ما تقبلتهاش .. عاودت طلعت نجري ف الدروج .. و هديت عليه ..الباب خبطتها ..
انا: ايمنننن وينو ...
حميد: خطيبك ؟! سقسي روحك ..
انا: حميد ما تلعبليش ب اعصابي .. اخرتك حبل المشنقة .. انطق حل فمك ما تخلينيش نطلع ب روحك هنا ..
حميد: راح حبيبك ل بلاصة بعيدة .. يترجل على اسيادو .. هدا جزاؤو .. هدا ماشي قراري .  قرار من الفوق ..
انا: اوك ايمن راجل .. و نعرفو يخرج كي الشعرة من العجين .. بصح نتا شوف كيفاه تسلك بنتك .. و مانيش نهدر معاك ك شرطية .. راني نهدر ك منار .. تتمس شعرة من ايمن .. بنتك تنساها ..
للحظة تحولي عينيه ل الخوف .. و الرعب ..
حميد: بنتي تتمس شعرة منها نقتلكم كامملل كامللل
انا: ااابون
خزر فيا شوية .. و طرطق بالضحك .. رما روحو فوق الكرسي .. و خزر فيا .. حسيتو مهبول .. اكثر من انسان عادي ..
حميد: تقتلي ختك ؟!
انا: انعم سي حميد ..
حميد: تقتلي ختك .. من باباك
انا: ههههه عفوا ما فهمتكش ..
حميد: لالا فهمتيني مليح بنتي هي ختك .. يعني انا شكون .. ههههه انا باباك .. اممم و يماك وينها ... ههههه انا قتلتها بيديا هادو .. هههه خنقتها هكا .. و نتي نتي .. بنت حرام .. ههههه .. تقتلي ختك .. اقتليها .. معندي ما ندير بيكم كامل ...
وقفت ساكتة من هدرتو .. يعني هادا هو سبب توتر بابا .. تمالكت روحي لازم نتهنا منو قبل ..
انا: حميد نتا رهن الاعتقال للقيام ب اعمال ارهابية .. نكملوا التحقيق ف المركز اخرج قدامي ب السكات ..#Manel