الحلقة 35:
داني .. مور الدار.. و طلقني .. Manel#
ايمن: نقصي حسك ..
انا: واش نكذب . ولا حاب تسمعني الهدرة و تسبني .. هيا سب سب وش راك تستنا ..
ايمن: منار بلعي فمك عليا
انا: علاه نبلع .. فهمتك ايه خاطرش انا بنت حرام .. معندناش الحق نهدرو حنا سمحلي .. ايمن خلاص روح روح اخطيني و خليني في همي .. اصلا نتا قتلي مزال مبردتش انا هدرت و خلاص ماشي قصدي نجرحك .. حتى انا نحبك و نغير عليك .. بصح ماشي قصدي نهدر هداك .. اصلا هاد الهدرة معندهاش فايدة دوكا .. كل واحد في طريقو خلاص..
جيت راح نكمل .. نهدر .. انا اصلا ماكنتش واعية وش كنت نقول .. قلبي تغم .. و فرغتو .. كيما كانو يتفرغو دموعي .. قبل ما نزيد نحل فمي .. جبدني عندو و هبط على شفايفي .. نزل عليهم .. ب قوة .. حتى حسيتهم راح يطرقو .. بعد عليا شوية
ايمن: تسكتي ولا مزال ..
#Manel
انا: اممم
ايمن: هكا تسكتي ..
جبدلي يدي لي كنت دايرتها على صدرو .. و لبسلي الخاتم تاعي ...
ايمن: هدا ر** ما يزيدش يتنحا من قسام يدك .. سي نون مخك الصغير لي راه الداخل .. انا نعاود نفورماطيه .. مفهوم ؟!
يهدر و يطبطبلي ب صبعو في راسي ..
انا: ما نقدرش انا و نتا ماشي كيف كيف .. انا طفلة غير..
عيط عليا ..
ايمن: بلعي ر* فمك انا قلتلك حاجة ديريها و تسكتي
زدت ف البكا .. عنقني .. دورت يديا عليه .. و زيرت عليه ..
ايمن: اييي
بعدت عليه
انا: وجعتك
عاود رجعني ل حضنو
ايمن: معليش كلش من عندك حلو ..
انا: ايمن سامحتني ..
ايمن: اممم مزال شوية
انا: و الله هدرتها و خلاص ما قصدتهاش
ايمن: بوسيني نسامحك
انا: اوك ..
طلعت نبوسو على خدو ..دور وجهو . جات في فمو .. جبدت روحي بلخف ..
ايمن: هكا يبوسو الناس
انا: نبوس كيما نحب و نتا علاه ..
ايمن: ارواحي نوريلك كيفاه
انا: لالا
ايمن: قتلك ارواحي ..
عاود جبدتي عندو .. و غطس في شفايفي .. حتى وليت نتخبط تحتو باش جبد روحو يتبسم
ايمن: هكا
انا: حمار ..
ايمن: امشي نروحو ل الدار ..
انا:ما نروحش ماشي دارنا هاديك ..
ايمن: منار متهدريش هكدا .. هما والديك هما لي رباوك .. و تعبو عليك .. هما لي مخلاوك تخصي حتى حاجة ..
انا: علابالي و مانيش ناكرة هاد الشي بصح افهمني
ايمن: اوك امشي تروحي معايا ل الدار
انا: ما عنديش وجه نقابل بيه طاطا زكية .. زعما تقبل بيا بعد لي سمعاتو
ايمن: و انا واش دخلني ف الناس يقبلوا ولا لالا
انا: هادي ماشي ناس هادي يماك
ايمن: و انا وليدها و اصلا كانت عارفة من صغرك
انا: حتى هي
جيت ندمع
ايمن: منار ما تقلبيهاش دراما يرحم والديك .. دموعك خلاصو .. من وينتا ضعيفة ڨاع هكا ..
انا: نتا ماكش حاس واش راني نحس .. تخيل تلقا روحك حياتك لي كنت عايشها ڨاع ماشي حياتك كذبة باباك ماشي باباك و يماك لي كنت تتكل عليها .. و تحبها كتر من روحك .. يجي نهار و يقولولك ماشي يماك ..
ايمن: الام ماشي لي تولد الام لي تربي و تكبر و تشيب في جالنا
انا: ايمن اديني عند سلمى ..
ايمن: اوك امشي معايا ..
جيت نركب ف الطوموبيل .. خرجت ماما تعيطلنا .. محبيتش نخزر فيها ..
ماما: منار : الطفلة لي جبتيها ناضت و راهي تحوس على باباها
تبسمت على جنب و انا لي قلت جات علاجالي ..
فتحت الباب و نزلت .. بلا ما نعبرها ..طلعت ل البيت لقيت منى تبكي ..
انا: منى وشبيك
منى: بابا وين راه ..
حكيت راسي و خزرت فيها ..
انا: نوضي
منى: وين
انا: عند باباك
مسحت دموعها و ناضت ..جا ايمن مورايا حبستو بيديا .. بحكم شفتو يمشي بسيف
انا: ني رايحة ل المركز مكالاه تجي شوف حالتك .. تشوف باباها و نولوا
ايمن: تولي هنا
انا: اممم
ايمن: متأكدة ماكيش تسكتي فيا برك
انا: قتلك نولي هنا
ايمن :اوكي بالاكي على روحك ..
باسني من راسي .. و رحت فتحتلها الباب .. و ركبت انا .. لحقت ل المركز .. لقيت غسان عند الباب
انا: غسان حميد وينو
غسان: التحتا
انا: اديه ل غرفة الزيارات ني جاية
غسان: حاضر #Manel
أنت تقرأ
كرونيك:🔥🔫عقدة _رجل🔫🔥
غموض / إثارةهااااي أنا جيت 😍😍😍 و جتلمكم كرونيك أقل ما يقال عنها هايلة 🔥🔥 منقولة للكاتبة : منال😍😍 بعنوان : عقدة رجل🔥 نلقا تفاعل نهبطها 😍 #منقولة اذا احب الله عبدا ابتلاه" ربي دائما يحطلنا في حياتنا عقبات .. باش يمتحنا .. و يشوفنا اذا نصبرو .. بصح الانسا...
