كرونيك:🔥🔫عقدة _رجل🔫🔥

🔥65🔥

الحلقة 65 :
خزرت فيه .. و دخلت ل الدار .. #Manelطالعة ل ايمن .. ماشي كل ما تصرا حاجة يهرب .. معقد ل هاد الدرجة..
زكية: ما تشقايش مكاشو ..
درت ليها ..
انا: وينو
زكية: سافر
انا: وينتا لحق يوجد دوزانو .. و يشري البيي ..
زكية: راح مع الخدمة .. عندو مهمة
انا: مهمة و هو ما يمشيش اصلا
زكية: راني نقولك وش قالنا .. و علابالنا بلي ما يمشيش .. ماشي لازم تقولينا ..
انا: اصبري طاطا وينتا يولي
زكية: ما يوليش .. و نتي علاه تحوسي عليه اصلا .. امشي علاء 
استغربت من طريقتها ف الهدرة  .. تحسها منرفزة مني .. و كارهتني ..
انا: تهلاو في رواحكم عمي ..
دارلي اشارة ب راسو .. و راح .. ل ثاني مرة في حياتي نشوف هاد الباب يتغلق قدام عينيا .. اول مرة بكيت .. بصح دوكا دموعي ناشفين .. بكيت  كي  راح صديق الطفولة .. بصح كي راح الحبيب ..دموعي حبسو .. و ماتو داخل عينيا .. قبل ما يخرجو .. قبل ما يقيسو رموشي ..
رحت ل الدار نكركر في رجلي .. يدي مزالت تسيل بالدم .. نخزر ف الدم لي يقطر .. و مركزة معاه .. من الباب قابلني بابا خارج .. شافني حبس .. شدلي يدي و يعيط
بابا: مناار وشبيك يدك راهي كامل ب الدم ..
بقيت نشوف فيها بلا حتى كلمة  .. كركني موراه .. و هو يهدر بصح ما سمعتوش .. و ما ركزتش معاه اصلا .. مخي بعييد بعيد .. قلبي يوجع .. حابة نعيط .. و نكسر .. نخبط .. نبكي .. نخرج الكبت لي داخلي .. ما فقتش غير و انا قدام الكلينيك
انا: علاه رانا هنا
بابا: تتمسخري بيا شوفي يدك
انا: اه ايه ..
تبعتو بالسكات .. لحقنا لداخل .. خيطوهالي .. و دارولي بلاتخ .. نحس روحي تلقت كتر ما نقدرش نزغد بيه نورمال ..
رحت ل الدار.. خلوقي في رقبتي .. تمس نيفي تخرج روحي .. و نطرطق فيك .. قابلتني منى ف الباب .. تهدر .. سكت .. و طلعت ل البيت .. ديراكت ل الرقاد .. نهرب من الواقع لي نفوت فيه .. بصح عينيا ما حبوش يتغمضو .. قلبي يحرق .. يحرق .. و يخبط .. كي نخمم بلي ايمن ماكاشو .. ما راهش قدامي .. ما نعنقوش .. و اصلا ما نشوفوش حتى من بعيد .. دار رايو .. و بعد عليا .. ل هاد الدرجة ما نسوا عندو والوا .. ل هاد الدرجة .. ما يحس ب والوا من جيهتي باش يجبد روحو عليا .. علاجال حاجة ما عنديش ذنب فيها اصلا .. ما زعفتوش .. ما خنتوش .. مادرتش حاجة يكرها .. علاه .. يخليني خاطرش هو انضر .. علاه يهرب مني .. علاه يحسسني بلي انا السبة .. ينفر مني .. مانيش عارفة كيفاه رقدت .. نضت صباح .. لقيت منى .. راقدة فوقي .. و معنقتني .. ب رجلها و يدها .. تبسمت ..و جيت ندور وجعتني يدي ..
انا: ايي منى نوووضي من فوقي ..
منى: اهه وش كاين
انا: نوضي من فوقي يدي
منى: اهه سمحيلي هاني نضت ..
انا: عاونيني نلبس .. ارواحي نوريلك حوايجي و جيبهم .. و لا نقولك جيبيلي شورط جين من عندك .. و تريكو .. عريان و بلا يدين .. باش نقدر مع يدي ..
بقات واقفة حالة فمها .. و تخزر فيا ..
انا: وش بيك خفي ني خارجة ..
منى: راح تلبسي هادو
انا: وي
منى: و ايمن
انا: شكون ايمن .. ماكاش ايمن.. خفي مديلي حوايجي .. و ما نزيدش نسمع اسم هداك الرخيس هنا ف الدار
دارت ل الخزانة .. تجبد و تهدر
منى: نتي هبلتي و الله ليوم يقتلك ..
تبسمت ب وجيعة من هدرتها ..
انا: هههه كي يشوفني
منى: يسكن قدامك .. يطل و يشوفك عينيك يخرجهم انا: كان يسكن هنا .. كان
منى: وش معنتها
انا: راح
منى،: علابيها مشنفة وين راح هاد الخطرة
انا: معلاباليش راح و ما يوليش ..
دارت ليا تمدلي الحوايج ..  شافتني نخرج ف الخاتم من صبعي..
منى: وش راكي ديري #Manel
انا: راكي تشوفي فيا
منى: ماني فاهمة والوا .. راح .. و تنحي ف الخاتم ..
انا: راح و خلاني تفهميها هادي ..
منى: وش راكي تقولي
انا: اففف منى .. راح و خلاني يعني ما ولات تربطنا حتى علاقة .. هو راح يشوف حياتو .. و انا تاني..
قلتها .. و نحس ف النفس حبسلي .. مستحييييل نتخيلوا مع وحدة غيري نقتلوا و نقتلها .. ما نقدرش نتخيل .. وحدة وحدوخرة .. تعنقو .. يبوسها .. و تحط راسها على صدرو .. بلاصتي وحدي هاديك..
منى: علاه
انا: معلاباليش
منى: و راكي تقولي فيها نورمال ..
انا: عادي هو حب ماشي انا هو خسرني
منى: منار ابكي ..
انا: ما نبكيش
منى: منار ماشي لازم تخبي دموعك ابكي ترتاحي
بلخف دموعي لقاو طريقهم .. حتى ولات شهقة
انا: علاه راح و خلاني وحدي .. وش ذنبي انا .. منى .. قلبي يحرق .. يوجع .. حاسة روحي ماشي قادرة نتنفس .. قتلت روحي في بعدو .. كنت ما ناكلش حتى نطمن عليه بلي كلا ما نرقدش حتى .. نعرفو شبع رقااد .. علاه يجازيني هكا .. نحبو و الله نحبو .. #Manel