كرونيك:🔥🔫عقدة _رجل🔫🔥

🔥60🔥

الحلقة 60 :
منار تحكي: #Manel
جازو يومين .. يومين .. و انا جثة نمشي على سطح الارض .. لا ماكلة لاشرب .. حتى رقاد لا .. نحب نسمع صوتو .. نحب نشوفو ملي قالي شمسو.. دوك يبعثو طيارة يجيبوهم .. مابان والوا .. مقدرتش نزيد نتحكم في اعصابي .. رفدت روحي.. و رحت ل الڨازيرنة .. هديت على شمسو ف البيرو ..
انا: وين راه .. وين راه عندك يومين تقولي غدوة .. تلعب بيا نتا ولا واش ..
شمسو: منار اهدي .. مازال ما لحقتناش معلومات مأكدة عليهم
انا: وش نهدااا اه وش نهدا تحبو تهبلوني .. نتوما ولا كيفاه ..
خرجت من عندو نغلي .. قلبي يوجع .. مقدرتش نتقبل فكرة ايمن يبعد عليا .. حسيت روحي في كابوس .. اسوء كابوس ممكن نشوفو .. لحقت ل الدار .. يديا مكتفين ما عندي ما ندير .. شفت الاومبيلونس .. عند دار ايمن .. رحت نجري ..  طبعت الباب و دخلت .. لقيت طاطا واقفة عند الدروج .. و عمو علاه يسكت فيها ..قربت منهم ..
انا: وش كاين علاه جاو هادو ..
علاء: والوا طاطاك هبطتلها لاطونسيون
انا: و وش راهم يديرو في بيت ايمن
زكية: جابوه
انا: وش قصدك
زكية: جابولي وليدي
انا: اايمن جا .. راه عايش ياك ..كيما وعدني ..
ما جاوبتنيش و زادت ف البكا .. قلبي ولا يخبط .. فتهم ..و طلعت الدروج نجري .. حابة نلحق .. و يخرجلي من مور الباب يقولي راني هنا .. جيت علاجالك .. حاباتو يوفي ب وعدو .. و يديرلي عرس ما يتنساش كيما حلمنا ..
فتحت باب بيتو بالشوية .. و دخلت .. مغمضة عينيا .. فتحتهم .. نشوف فيه مقابلني .. عينيه محلولين .. بصح ماشينات دايريين بيه .. يتنفس بصح ساكن .. حركة لا .. خزرت ف الفرملية لي كانت فما ..
انا: وشبيه
ف: راه في شبه غيبوبة .. يسمع.. ياكل .. و يشوف .. بصح ما يهدرش و ما يتحركش ..
حطيت يديا .. على فمي .. و قربت منو .. جوزت يدي على وجهو المضروب كامل ..
انا: شكون دار فيك هكا يا روحي .. وعدتني تولي .. بصح ماكنتش حاباتك تولي هكا .. ماكنتش حابة نشوفك ف هاد الحالة .. ادا نتا ضعفت .. انا كيفاه .. تعيش نوض اوقف على رجليك .. ولي ايمن لي نعرفو .. ايمن السامط .. لي يضل يضرب فيا .. ايمن لي يضل يطلع ف الشجر باش يجي يراضيني .. ايمن لي يحبني .. و نعشقو ..
شديتلوا يدو .. و قعدت نشوف فيه .. نزلت دمعة من عينو .. حرقتني انا قبلوا .. مديت يدي .. مسحتها .. و مسحت دموعي .. #Mnel
انا: نتا راجل .. ما تبكيش .. راح تتحسن و تولي خير من قبل نعرفك .. وعدتني و توفي بوعدك .. راح توقف على رجليك .. و نديرو عرسنا كيما وعدتني ..
راح نبنو دارنا .. و يولوا عندنا بزاف ولاد يجرو .. معانا .. نتا اقوى من اي حاجة .. ممكن تفرقنا .. راح تولي كيما كنت .. تولي ليا .. و علاجالي .. علاجال يماك .. و باباك .. علاجال .. مجموعتك .. زملائلك ..  راح تولي .. احسن من قبل .. و تولي ل خدمتك .. و تحمي بلادك .. كيما قبل .. بنفس الشجاعة .. ب نفس الرجولية .. هادي الحمارة لي راهي هنا.. قاتلي اغلب الضن يبطا في هاد الحالة .. معلابالهاش شكون نتا .. معلابالهاش بلي نتا ما تقدرش بلا بيا كيما انا ما نقدرش بلا بيك .. هيا ايمن تعيش في خاطري .. نوض ما تبقاش تشوف فيا هكا .. نحبك تهدر و تقولي توحشتك كيما موالف .. نحبك .. تقولي نحبك .. و نعشقك .. كيما موالف تقولهملي .. شوف ني لابسة روبة .. نوض عيط عليا .. على خاطرش .. خرجت بيها .. اخبط كسر.. عيط عليا .. ما نهدرش نوض برك .. اوقف برك تعيييش ايمن ..
نهدر و نبكي ما قدرتش نزيد نشد كتر .. حسيت بيد تحطت على كتفي .. درت صبتها الفرملية
انا: وش
ف: معليش تخرجي تخليه يريح .. شوفي عيتيه و هكا مراحش يقدر يتحسن ..
مسحت دموعي ... و بستو .. من راسو .. و خرجت ..  لقيت طاطا زكية مازالت على حالتها
انا: علاه راكي تبكي .. راه مليح وقت و يتحسن و يولي خير ملي كان ..
علاء: نشا الله بنتي نشا الله
زكية: وش يتحسن اه وش يتحسن و الطبيب يقولنا مكاش امل يزيد يوقف على رجليه .. كيفاه راح يتقبل هاد الشي ناري على وليدي  ضاع شبابو ضاع ... سمعتي دوكا تقدري تخليه .. و تفسخي الخطوبة.. كيما ڨاع البنات ..
هدرتها طاحت عليا كي الما بارد .. وش قصدها ب مستحيل يزيد يمشي .. يعني راح يبقا مقعد .. 
انا: حتى لوكان ماراحش يزيد يمشي انا ماحبيتش رجليه حبيتو هو ..
خرجت و خليتهم .. قلبي يوجع .. نحب نعيط .. نبكي .. على روحي .. لي ضاع مستقبلوا .. فقدت الامل في حياتي .. تمنيت ع الاقل يهدر .. و يحسسني ب وجودو .. ع الاقل يرفد يدو .. و يعنقني و يقولي شحال توحشني .. دخلت ل الدار .. نبكي بالشهقة .. و ترميت على الفراش نندب .. حتى داتني عيني .. يمكن كي طمنت لي ايمن عايش و راح يبقا معايا .. قدرت نغفا .. فطنت وقت العشا .. ما قدرتش ناكل انا و هو ماعلاباليش كلا ولا لالا .. رفدت روحي و خرجت .. دقدقت .. فتحتلي طاطا زكية .. ترمات عليا عنقتني #Manel