كرونيك:🔥🔫عقدة _رجل🔫🔥

🔥104🔥

الحلقة 104 :
حنان: دخول الحمام كيما خروجو هو
نفخت و جوزت يدي على وجهي
انا: خليهم يخرجو .. ع الاقل على جال بنتك ما تشوفش هاد الشي
حنان: ههههه علاه خليها تتعلم باش تكمل مسيرة يماها ..
انا: لالا نتي مهبولة صح
حنان: ههههه علابالي
قربت من البنات ..
انا: منى .. تبقاو هنا منا ما تزغدوش .. غير تشوفي الباب تحل تهربو .. فوفة اديها و اجرو ..
دارتلي براسها ايه .. و عيطت .. ما جيت ندور .. حسيت ضربة ل رجليا .. طحت على ركايبي .. رجليا ما وليتش نحس بيهم ..
منى: مناار .. ماما حراام علليييك خليييها .. تعيشي تعيشيي خلينا نروحو
حنان: اشششش بنتي ما تبكيش دوك نروحو ..
رفدت روحي .. و درت .. رفدت يدي بطرف السلاح ضربتو ل الراس .. و صاوبتو ل كرشو .. طاح قدامي .. رفدت سلاحي نضرب لوخر ..قستو في رجلوا .. جيت نزيد نضرب لقيتو فرغ من الرصاص .. نفخت و رميتو .. كون نضرب بيدي انا نتعوق و يا ربي لا زغدتلهم شعرة هاد الحيطان .. هبطت .. راسي نشوف ف السلسلة .. لي كانو رابطين بيها فردوس .. رفدتها .. و درت ليه .. ضربتو ل وجهو ... خبشتو .. قرب مني .. رفدت يدي .. عطيتو بدبزة .. شدلي يدي .. و عطاني ب كف .. نحس في وذني تصوني .. و وليت ل اللور .. شديت روحي بسيف .. حسيت ب واحد حكمني من شعري ..  .. و الزاوج من يديا ..
انا: اطلقونييي يا كلااب ..
قربت مني حنان تتبسم .. رفدت يدها جوز فيها على وجهي .. امبعد ضربتني ب كف .. بزقت عليها .. زادت ضربتني ب كف زاوج .. عندها الزهر يديا مربوطين .. رفدت رجلي خبطتها ل كرشها .. طاحت ف الارض
حنان: كلبة كيما نتي تضربني انا لي نربيك الليوم
انا: قربي مني و نوريلك التربية على الاصول .. قولهم يطلقوني تشوفي الضرب كيفاه داير ..
رفدت سلاح واحد فيهم .. و حطاتو في راسي ..
قبل ما تهدر .. نحل الباب .. سمعت صوت طلقات .. طلقوني الزوج لي كانو شاديني .. و طاحو ف الارض .. جبدت روحي .. و ضربتها ب كف .. جات طايحة .. عاودت رفدت السلاح و بعدت علياا ..
حنان: نقتلك اليوم نقتلك
انا: نزلي سلاحك
منى: ماما علااه وليتي هكذاا ما نعرفكش هكذا وين راهي ماما الحنينة لي كل ليلة لازم تتفقدني تغطيني و تبوسني و تخرج وشبيييكم ضهرتو كامل خداعيين ..علااه هكااا
انا: منى ابقاي فما
حنان: معلابالك ب والوا منى .. معلابالكش .. بصح غير هادي لي نقتلها ..
عاوظت رفدت سلاحها في وجهي ..
انا: قتلك هبطيه ..
قبل ما نكمل كلمتي .. طلقت الرصاصة .. نشوف في منى جات مقابلتني .. الرصاصة خرجت .. بصح اخترقت ضهر منى .. بقيت واقفة نخزر فيها .. طيح ف الارض .. فطنت على صوت حنان .. تعيط ..
خنان: منىىى.. بنتيي ..
هبطت راسي تشوف فيها طايحة و دمها قدامها .. طحت على ركايبي .. رفدت راسها .. حطيتو في حجري
انا: منى .. منى ختي .. اتنفسي ما تغلقييش عينيك منى .. منى ما تخلينييش
منى: .. منا..ر..نح..بك..تولي..ل..الدار.. ..ما ت..خليش..ماما..وحدها
انا: نولي انا ويااك ما تغلقيش عينيك برك ..
جات حنان حطت يدها على راسها .. طيرتهالها
انا: نحي يدك المسخة عليييها ايمن اديهااا علياا .. اقتلوهااا ارموها .. بعدوها من وجهي ..
جاو جماعة رفدوها و هي تعيط .. عاودت حطيت يدي على وجه منى .. شمسو مقابلني شادلها يدها و دموعو على خدو ..
شمسو: منى اصبري .. راه جاي الاسعاف .. دوك نخرجوك منا عيش حبي اصبري قاوميي في خاطري
انا: منى هيا اختي شوفي فيا احكيلي وش درتي في غيابي ما تسكتيش
منى: ما قدر..تش م..نار .. قل..بي راه يخ..بط .. نحب نغم..ض عي..ني ..
دورت راسها جيهة شمسو .. و رفدت يدها بالسيف .. حطتها على وجهو ..
منى: نحبكم
انا: منىى منى افطني .. حلي عينك منى .. ما تغلقيهمش .. شمسو اهدر معاها .. شوف راح ترقد .. منى تعيشي ختي .. منى في خاطري
نشوف في شمسو .. وقف .. غمضت عينيها و رخفت روحها .. هبلت في مخي .. حطيت يدي المعمرة بالدم  على نيفها .. ماهيش تتنفس .. قلبها حبس ..
انا: ايمن .. ايمن ماهيش تتنفس .. ديرو حاجة .. منى .. لالا .. منى حلي عينك .. ايمن تعيش .. شمسو شوف ارواح اهدر معاها علاه وقفت .. علاه راك تبكي .. ما ماتتش دوك تنوض .. منى .. حلي عينك .. حلي عينك و نولوا ل الدار كيف كيف مانزيدش نخرج من الدار بلا بيك منى ما شبعتش منك علاه ..
جا شمسو .. رفدها من حجري .. بقيت قاعدة في بلاصتي .. نخزر ف الارض المعمرة ب دمها دم ختي الوحيدة لي عرفتها بعد نص عمري .. جا ايمن رفدني من كتافي وقفني
ايمن: منار هيا نسحقوك
انا: ادوها ل السبيطار ما ماتتش انا علابالي
ايمن: امشي منار
انا: قتلك ما ماتتش وين راهي .. دوك تحل عينيها و تهدر معايا
طبعتو و خرجت نجري .. نحوس عليها كي المهبولة ..
انا: شمسو اجري اديها ل السبيطار .. هما يصيبو حل .. شدني من كتافي يهز فيا
شمسو: منار منى ماتت
انا: ما ماتتش قتلك لالا كذااااب#Manel