كرونيك:🔥🔫عقدة _رجل🔫🔥

🔥56🔥

الحلقة 56 :
انا: صباح الخير #Manel
ايمن: صباح النور .. ايا نوضي يا الفنيانة خلينا نخرجو ندورو
انا: امم دقيقة ..
نفضت روحي من الفراش .. و هو هبط يستناني تحتا .. غسلت وجهي .. و لبست .. و هبطت .. شربنا قهوة كيف كيف .. امبعد خرجنا .. نهار كامل و حنا ندورو و نضحكو .. نسيت بلي راه رايح من الفرحة .. كي عيينا رجعني ل الدار .. و هو راح يوجد دوزانو .. غدوة يروح .. كي لحقت ل الدار .. تفكرت طرطقت بالبكا .. و ماما و منى يصبرو فيا ..
انا : ني خايفة عليه يا ماما
ماما: ما يكون غير الخير يا بنتي .. خليه يخدم خدمتو
انا: علاه انا شديتو بصح حاباتو يخدم هنا قدام عيني ماما: ماهوش رايح يعييش فما مدة و يجي
انا: و شكون راه عارف اصلا هاد المدة شحال
ماما: استغفر الله العظيم .. يا منار .. ماعرفتكش هكا حبسي البكا ما تخليهش يروح مقلق عليك
انا: اوك ..
طلعت ل بيتي رميت روحي ف الفراش نبكي بالساكتة .. حتى رقدت الماكلة و ما حبيتش ناكل ..
نضت صباح بكري .. خرجت ب بيجامتي .. و شعري مشبشب .. و رحت نطبطب عندهم ..
فتحتلي طاطا زكية عينيها حمورا من البكا .. ترميت عندها و طرطقت ب البكا انا تاني .. شفت ايمن هابط يكركر ف الڤاليزات موراها .. زدت ف البكا ..
ايمن: لا حول و لا قوة الا بالله .. علاه راكم ديرو هكا .. حابيني نروح مقلق ..
انا: طاطا قوليلوا ما يروحش تعيشي
حطت يدها على شعري تمسح فيه
زكية : خدمتو يا بنتي .. وش نديرو .. ادعيلوا برك
انا: حتى نتيا حتى نتيا تقوليلي خدمتو .. يحبس جد يمات الخدمة .. ما تروحش تعيش
جا ايمن جبدني من عندها .. عنقني يسكت فيا
ايمن: منار انا كي دخلت ل العسكر علابالي وش راح نلقا .. علابالي 50 بالمية نموت و انا نأدي في واجبي .. حابتني دوكا نجبد روحي كي الجبناء .. و نموت رخيس .. و لا تحبيني نموت شهيد و ندخل ل الجنة
انا: مانيش حاباتك تموت اصلا .. تعيش ايمن ادا تحبني ما تروحش .. تعيش #Manel
ايمن: مناار ما تزيديش عليا راني رايح بالسيف ..جامي رحت ل كاش مهمة ضعيف و منكسر كيما راني رايح اليوم .. خليني نروح مهني .. فترة و نولي و نديرلك عرس ما يتنساش
انا: ما نسحقش عرسس المهم تكون معايا
ايمن: باذن الله راجع .. نتي ادعيلي برك مفهوم ..
درتلوا براسي لالا و زدت زيرت عليه
ايمن: يا ربي .. منار علاه هكا حرام عليك و الله
انا: نتا لي حرام عليك .. ماشي انا .. ماتروحش ما نخليكش
زكية: يا بنتي يهديك ربي .. خليه يخرج مهني عليك .. ما تقطعيليش قلبي عليك نتي تاني ..
سكت ما جاوبتهاش و قعدت معنقاتو
ايمن: ايا عاونيني نكمل ندي دوزاني
انا: اوك ..
قلتها ب سيف .. كون نصيب نغلق عليه الباب .. شدني من يدي و طلعني ل بيتو
ايمن: هيا حبسي عليا البكا .. و وريلي ديك الضحكة الشابة خليني ندي منها الطاقة ..
تبسمتلوا ب سيف .. قرب مني باسني من عينيا ..
ايمن: ب معزتي عندك ما تزيديش تبكي .. شوفي عينيك كيفاه راهم .. وليتي ماشي شابة .. دوك نخليك و نشوف وحدة سوريا ..
خبطتو ل كتفو .. و ضحكت .. علابالي حاب ينحي عليا الغمة .. بصح مدامو رايح ماراهيش راح تتنحا ..
شدلي وجهي بين يديه.. و طابس عليا بشوية . لحق ل شفافي . بقا يخزر فيا .. غمضت عيني باش ما يهبطوش دموعي .. هاد الوجه راح نتحرم منو .. حط يدو على كرشي .. و طبعني عى الحيط .. و هبط على شفافي ... وجعني .. مرة يرخف .. و مرة يكبس .. كل ما يزيد يتقوى دموعي يزيدو يهبطو .. طلعت يديا .. و حطيتهم  على رقبتو .. زاد قرب مني كتر .. و غطس اكثر من الاول .. نفس تقطع عليا .. و هو ما حبش يبعد ..جبد روحو شوية .. و هبط يمسحلي دموعي ب لسانو .. كي شافني رديت النفس .. عاود باسني ..
ايمن: نحبك
انا: ما تروحش تعيش ..
ايمن: راح نتوحشك ..
انا: ما نقدرش بلا بيك ايمن تعييش
ايمن : ايا خليني نكمل نلم حوايجي .. بعدت عليه و مسحت دموعي ...قد ما نبقا نبكي يروح يروح .. قلت نودعو ب ابتسامة امبعد نوح وحدي ..
خرجنا معاه ل المطار تاعهم .. خلا شمسو يسوڨ .. و قعد معايا م اللور .. بقيت لاسقة فيه .. و حاكمة تريكوه بيديا .. و هو يمسحلي على شعري .. و يطبع بوسات خفاف عليه .. كل ما نزيدو نقربو .. كل ما قلبي يزيد يخبط .. ملي نزلنا من الطوموبيل و انا شادة فيه .. حتى جا وقت المرواح .. وقف باس يماه و باباه .. و سلم على الباقي .. و جا ليا ..
ايمن: تهلاي في روحك .. و فيهم كامل .. نعرفك قوية .. و لا كاش ما صرالي
انا: بلع ما يصرالك والوا وعدتني تولي
ايمن: اوك يا لالة نولي تهلاي في روحك برك
انا: اوك نتا تاني وعدتني
ايمن: نحبك .. نتي احلى حاجة في حياتي ..
عنقتو .. نشبع ب ريحتو .. هبط باسني من راسي .. و جبد روحو مني .. باش يروح .. هبطو دموعي وحدهم يحرقو .. نشوف فيه يبعد و انا ما نقدر ندير والوا توجع .. تقتل .. كنت خايفة من المجهول .. من مصيرو تما ..#Manel