مهما كانوا هناك ناس يريدون تفشيلك فعليك ان تكون دائما في مواجهتهم..
كن دائما صادقا مع الناس ..
ولا تجعلهم يستهانون بك .....
قصتي لهذه المرة ستكون عن الدكتورة لجين ..وكيف واجهت مصاعب الحياة وكيف واجهت الناس التي حاولت ان تطمح في تفشيلها ...ستعرض ادلت...
لجين: شوف حضرت القاضي اذا سمحت اني رح ارويلك قصه وانت من خلال القصة رح تكدر وبكل تاكيد تاخذ حكمك على القضيه ...
القاضي: تفضلي ست لجين كلنا نسمعج ... . .
لجين: بيوم من الأيام جنت نايمه اني و زوجي وجانت ساعه ب4 الفجر تقريباً دك التليفون مالتي ....
شلت التليفون جان صوت مريه تبجي وتتوسل بيه وتكول : ست لجين ارجوج ساعديني معندي غير الله وانتِ ابني رح يضيع مني بعده بزهرة شبابه ...
لجين: اصبر حبيبتي على كيفج استهدي بالرحمن و هو رح يساعدج ...
المرية: والله يا عيني تعبت كبال عيني ويروح مني والله اني و ابوا يأسنا منه والاطباء مديعرفون شبي تعبت ..
لجين: ربج موجود ويحلها ان شاء الله اليوم الظهر اني يمكم بس وين بيتكم ..
المرية: متقصرين ست بيتنا ب(...) منطقة تكدرين تكولين شويه شعبية ..
لجين: ان شاء الله اني يمكم اليوم ..يله مع السلامه ...
المرية: مع الف سلامه ... . . لجين...بعد ما غلقت الخط منها كمت صليت صلاة الصبح ودعيت من رب العالمين يفك الضيق عن هاي المرية ...
رجعت للفراش نمت وشفت حلم ..اكو بيت وكأنما بمنطقة شعبية وجان اكو عليه غيوم سودة وناس كلها مجمهرة يمه وكلهم واكفين بي نسوان و زلم ...
واني كمت دا اتمشى للبيت اريد اعرف شنو بي الي هيج الناس كلها يمه ..وحان تصيحلي مرأة من ورايه صاحت عليه وكالت ارجوج انقذينا رجت ويه المريه وكلش ابتعدنا عن هذا البيت الي عليه غيوم سودة ودخلتني ببيت جان عبارة عن كائنات والعياذ بالله كلها كائنات شيطانية من العالم الاخر ..
واكو غرفه بهذا البيت بيها واحد مريض ومدد بالفراش جان اكو يمه ..الشيطان الاكبر الي هو يحرك الكائنات الي موجودة بالبيت الشيطانيه ..وهذا الشيطان جان عبارة عن ظلام وكلش جبير وبس ايدة كدرت اميزها جانت مثل الهيكل العظمي ...
ومتروسه محابس اشكالها تخوف واظافيره بعد اطول من اصابيع ايدة وتخوف اكثر بحيث صارت بيه رجفة وعيطه وبنفس الوقت فزيت من النوم ..واشوف نفسي غركانة بالعرك مالتي والغرفة ظلمه وتخوف اكثر ...
وجان فجأة يطفر كبالي من هاي الكائنات واعيط عيطه احس حبالي الصوتيه انقطعت ..وفزيت من النوم جان رضا ديكعد بية ..طبعا رضا زوجي وهم قصتنا طويله يله تزوجنا ...
على العموم من كعدت وشفت رضا ارتاحيت وضل هو يهدئ بيه لحد ما ارتاحيت شفت الساعه جانت ب7 كمت حضرت الريوك للجهال علمود المدرسه ويتريكون ويطلعون ورضا هم علمود يروح للشغل ...
سولفت لرضا على هاي المرأة الي صبح خابرتني وكتله احتمال ابقى يمهم لان خطية لازم انقذ هذا الشاب باجر عكبه اكيد جهالي رح يحتاجوا او اني احتاجه فلازم اساعد الناس علمود الناس ساعدني ...
خطيه هو هم مكال شيء وكالي براحتج واني هم اجي وياج اخذ اجازه واجي وياج ..رتبت ملابسي وملابس لرضا ويايه بالجنطه ...
واتصلت على امي وابويه وطلبت منهم يجون يم ميار و زيد ...وراها اجوا رضا والجهال حضرنا الغدة ...
وخلصنا غدة نيمت الجهال واجوي اهلي عفتهم ويه الجهال وطلعنا اني ورضا رحنا للمنطقه بالGPS وصلنا لهناك اول مدخلنا المنطقة شفت نفس البيت الي شفته بالحلم بس ماكو عليه غيوم سودة ..
وجانوا الناس كلها واكفه عليه زلم و نسوان ..مشينا بالاتجاه المعاكس لهذا البيت طبعا بس شفته للبيت انقبض قلبي وراها وصلنا لبيت المرية دكينا الباب ...
