(اليوم سأثبت برائتي)

Part 3

ورجعت الكم بقصة (اليوم سأثبت برائتي)

#الكاتبة_نمارق_الاسدي

#الكاتبة_N

Part 3

لجين: وصلنا لبيت المرية الي اتصلت بيه دكينا الباب ..طلع رجال جبير بس من دخلت للبيت نفس البيت الي دخلت بي بالحلم وجان ممتلئ بالكائنات الشيطانية ..

بس شفته رجعت اختنكت ونفسي ضاق عليه وكمت اشوف واحد بيهم ديخنك بيه ..كأنما جانت هاي رؤيا لان حسيت اني واكعة على رضا وديصحي بية ..

دخلنا الرجال للبيت وشويه اخذت ريست لان جانت ركبتي تاذيني ..ورة شوية اجت مرته جانت نفس هاي المرة الي شفتها بالحلم طلبت مساعدتي واني رحت لبيتها ...

المرية: اهلا وسهلا بيج ست لجين

لجين: اهلا بيج حبيبتي ..خليني اشوف البيت بلا زحمه عليج ..

المرية: اي عادي تفضلي وياية

لجين...رحت وية المرية لغرفة ابنها وجانت الغرفة نفسها الي شفتها بالحلم وجان كاعد بيها الشيطان يم الولد حسيت هذا الحلم الي شفته حقيقي لهذا اليوم بس شفته من نظرة العالم الاخر ...

انتبهت للولد جان عبارة عن جلد وعظم مباقي منة شيء بس هو مبين جبير سئلت امه...

لجين: شنو اسمه الله يحفظه ويبعد عنه كل شر ...

المرية: اسمه مصطفى سودة عليه متهنى بحياته جانت هيه سنه تخرج وسنه بؤس عليه سودة عليه ..

لجين: ليش هو هسه تخرج

ام مصطفى: اي هاي السنه تخرج

لجين: زين ما لحظتي عليه اعراض لشيء او جان مبين عليه شيء قبل هاي الوكعه مالته ..

ام مصطفى: تردين الصراحة هو ورة متخرج اجه النا اني وابوه راد يزوج وحدة وياه بالجامعة من سئلنا عليها طلعب بنيه من عائله غنيه اكثر منا واحنا اني وابوه رفضنا وعارضنا ضل زعلان فتره بيت عمه ومن رجع صالحنا وجان عادي بس مرات يطلع من الفجر يرجع بليل ...

حاسبه ابوه كم مرة بس مفاد صار كل يوم هيج يطلع من الفجر يرجع للوحدة بليل وراها بفتره ...كام حتى جم ميروح وصار جسمه جنه واحد عجوز ويتخربط كل شوية وبليل يضل يصيح ..

ومن يفز من النوم عيونه حمر ويكسر اي شيء يمه ..كمت انطي مهدئ في سبيل يبقى نايم ومأذي احد لان حتى اخته الصغيره هم خبلها وياه خلاها تحبس روحها بالغرفه ...

لجين: ليش عندة اخت اصغر منه؟؟

ام مصطفى: ايي بس على طول كاعده بغرفتها وحدها من يوم الي وكع اخوها ..

لجين: ممكن اشوفها ؟

ام مصطفى: اي عادي تفضلي...
.

لجين...طبيت لغرفة الطفله ابدا ما شفتها بالحلم بس جانت بيها ريحه مطيبه معرفت ريحه شنو ..والبنيه كاعده وصافنه على الحايط حاولت انو احجي وياها بس تعاين عليه وتسكت ..

اني يأست منها عفتها وطلعت من الغرفه اني وامها ..طلبت من ام مصطفى تشغل سورة البقرة وبليل قبل لتنام تحط خل وملح وتحطهن يم شباك ..

وبعد كم حاجه هم كتلها سويهن ..صار اليل اخذونا بغرفه الضيوف اني ورضا نام بيها ..دخلت للغرفه نزعت الحجاب ولبست تراك وتمددت بالفراش وفكره توديني وفكره جيبني عن هذا البيت وعائلته ..

والي بي من شياطين نمت وجان اشوف هاي الطفله الي هيه اخت مصطفى جانت .....يتبع
.
.
.
.
.
.
.
.
.
.

انتظروني بالبارت القادم من قصة (اليوم سأثبت برائتي) احبكم 😘🙊💓💕