(اليوم سأثبت برائتي)

Part 9

ورجعت الكم بقصة (اليوم سأثبت برائتي)

#الكاتبة_نمارق_الاسدي

#الكاتبة_N

Part 9

مهند.. اتصلت على ناديه علمود أخبرها على براءة لجين..

مهند: سلام عليكم شلونج دكتورة

ناديه: عليكم السلام الحمد لله انت شلونك

مهند: عايشين الحمدلله.. بس حبيت ابشرج انو الدكتوره تكدر تطلع حاليا بكفالة بس تبقى احد المشتبه بهم..

وسولفت الها على بعض التفاصيل...

ناديه: والله اني ما اعرف شلون اشكرك الله يجازيك بكل خير...

مهند: ولو دكتوره تدللون انتي ودكتور لجين..

ناديه: يله مع السلامه

مهند: محروسه بعين الله..

_______________

ناديه... من خبرني مهند بهذا الخبر الفرحه مسايعتني لو ما الفون بأيدي جان كمت اكمز من الفرحه اتصلت بالمحامي مالها للجين وطلع منطي الخبر محقق القضيه وصدك بعد مرور يومين اجرائات الكفالة طلعت لجين من السجن واني رحت استقبلتها...

ناديه.. من طلعت وشفتها (حضنتها حيل) :شلونج عوبه اشتاقيتلج كوومه

لجين: والله اني اكثر شلونهم الجهال هم زين رضا ما اجى علمود ليحسون الجهال خطيه سوده عليه بعدهم صغار..

ناديه: ايي اني هم كتلة لجين هيج تريد و هو تعرفي ميرفضلج طلب..

لجين: ادري بي فدوه لقلبة.. يله ولج ترى كلش تعبانه اريد ارجع للبيت انام...

ناديه: يله امشي.. وصلتها لبيتها واني هم رجعت للبيت...

____________

لجين: الايام اللي عشت بيها بالسجن والله ايام سودة لا اكل بي خير كول حيوانات مو بشر ولا فراش زين وكلها تسوي مشاكل بحيث مو عيشه خيسه حشاكم..

والله حقه المجرم إذا طلع من السجن يصير مجرم أكثر من قبل واخبل لأن مو عيشه خيسه بمعنى الكلمة..

واني كاعده وادعي ربي بأن تفرج عليه وصدك الله مضيع دعائي وصارت هاي الشغله مال اكو واحد غيرنا داخل للبيت..

جانت هاي الشغله مثل الإنقاذ الي من الخيسه إلى عشت بيها بالسجن مو استنكاف الله شاهد بس والله عيشه حتى الحيوان ميتحملها...

من رجعت للبيت كبل رحت للحمام لأن حتى الحمام جانوا حارمينا منا وكل اسبوع مره ندخل وريحته جيفه اتوقع محد ينظفه..

وراها رحت صليت ونمت كعدت على صوت الجهال جاين من بيت اهلي وخطيه فرحانين بيه كلش..

وكالولي اشتاقينا لاكلج الطيب وسويتلهم اكل وجان اليوم كله ويه عائلتي إلى همه أطفالي و زوجي أكثر شيء احبه بالحياة همه...

صار ثاني يوم كعدت الصبح سويت ريوك جان عدهم عطله الجهال وبقوا نايمين كعد رضا و دا اهيء الاكل الي واله...

لجين : شلونكم ويه غيابي

رضا بابتسامه : والله جنى مرتاحين اقصد لا جنى مو زينين

لجين: هههه صدك

رضا: ولج احنا شنو عدنا شيء أغلى منج ياعمري انتِ

لجين: ادري معدكم شيء أغلى مني

رضا: يله حبابه بسرعة خلصي ترى جعت

لجين: يله جهز الاكل... حطيت الاكل على الطاوله وكتله : اكلك رضا

رضا: كولي حياتي

لجين: اريد اعرف شنو قصه القضية وشنو التهمه إلي اتلبست برأس واني في غنى عنها...

رضا:..... يتبع
.
.
.
.
.
.
.
.
انتظروني بالبارت القادم من قصة (اليوم سأثبت برائتي)احبكم 😍😍🥰