(اليوم سأثبت برائتي)

Part 12

ورجعت الكم بقصة (اليوم سأثبت برائتي)

#الكاتبة_نمارق_الاسدي

#الكاتبة_N

Part 12

بعد مرور يومين :

لجين: كعدت وراسي يأذيني كلش ومبين المخدر الي شميته ٠ان كلش قوي.. ما اعرف الوقت ولا اعرف شكد صايرلي هنا بهذا المكان المهجور وكل الي احس بي انو اني جوعانه و عطشانة كلش بس كعدت بسرعه انفتحت الباب..

كأنما مشكل كامرات الي خاطفني...

.... : يا زين من كعدتي اني كلت ماتت و وفرت عليه طلقة

لجين: احجي شتريد لو ما جبان جان مخطفتني

..... : اشششش ولا نفس شوفي اني من جبتج لهنا علمود اقتلج على البطيء واخليج تموتين شوكت ميعجبني اني اوووك...

لجين: واااو وفوكاها تكفر كلش فلحت حضرتك

... :شوفي لج لتستفزيني ترى اطلع شياطيني عليج

لجين: لو بيك حظ متستقوي على مراة اوك يا جبان...

... :اخخخ لو ما عبد مأمور جان قتلتج من زمان

لجين: واني اريد اعرف منو الي امرك يا عبد مأمور

.... : يربيي رح اكتلج خل اكوم احسن

لجين: تسوي فضل ما اريد احد يقذر المكان الي اني بي.. عافني وطلع وره شويه اسمع صوت الشرطة..

ودخل عليه مهند ورضا ومن فرحتي رحت بسرعه على رضا وحضنته....

اخذوني ورجعنا للبيت وقبل لنرجع بالباب سئلت مهند : اكول مهند شون عرفتوا مكاني وتحديدا بالوقت الي صحيت بي...

مهند: قبل اربع ايام وصلتج هديه من ناديه مو صح

لجين: صحيح

مهند:وجانت ساعة مو صح

لجين: صح

مهند: ونفسها الي هسه انتِ لابستها مو صح

لجين: ايي صح

قبل أربع أيام :

لجين...وره ما اخذت الرقم مال مهند من ناديه واتصلت عليه بليل اجت يمي ناديه وكعدنا نسولف و طلعتلي هديه ساعه كلتلي خليها هاي رمز لصداقتنا لان اني هم رح البس مثلها..

وحتى من نطلع نلبسها والصدك اني كلش عجبتني ولا من ناديه اذا هاي الساعه غاليه عليه وصدك وراها وين ما اطلع البسها..

نرجع على مهند... اتصلت على ناديه بعد ما غلقت الفون من لجين وكلتلها نحط GPS بالساعه علمود نأمن عليها لان اكيد هيه حاليا مستهدفه لازم تلبس جهاز تعقب..

وهذا الجهاز رح يشتغل ويه ميكون هذا الشخص يحرك ايده.. وصدك اشتريت اثنين وحدة لناديه و وحده للجين وكلتلها لازم تخلين لجين تلبسها باي طريقة..

وبيوم الحادث كلتلها للجين تشغل الGPS بالفون علمود نعرف مكانها و اي تحرك غلط يصير.. وصدك تعقبنا الGPS ولكن وصلنا لمنطقة ولكينا الفون مشمور بيها ومكدرنا نحدد مكانها..

لكن هيه صحت بعد يومين من الاختطاف لان جانت معترضة لكمية مخدر جدا عالية ومركزة.. وااي جان خاطفها هم لحكنا والزمنا واخذوا الولد لمركز التحقيق وباجر رح ينفتح مجلس التحقيق...

لجين: وااو يصير كل هذا واني ما ادري

مهند: لعد خو مو نكلج واحنا دنحقق

لجين: زين اكدر احضر التحقيق مال باجر

مهند: اذا تكدرين عادي بس اذا لا فلتضغطين على روحج

لجين: لا اريد ارتاح من القضية لان تعبت

مهند: الله يكون بعونكم.. يله مع السلامة

لجين و رضا: مع السلامه..... يتبع
.
.
.
.
.
.
.
.

انتظروني بالبارت القادم من قصة (اليوم سأثبت برائتي) احبكم 😘🌹😍