(اليوم سأثبت برائتي)

Part 14

ورجعت الكم بقصة (اليوم سأثبت برائتي)

#الكاتبة_نمارق_الاسدي

#الكاتبة_N

Part 14

لجين: وين مكانه هذا الشيخ...

حيدر: بمنطقة بيت ابو مصطفى الي رحتي بيتهم.. بيته دائما متجمعه يمه الناس

لجين: الي بوسط المنطقة؟؟؟

حيدر: اي صح..

لجين: شنو غايتك من هذا الكلام وليش كلت على هذا الشيخ وانطيت بي

حيدر: ما اريد وحدي ادخل السجن لازم اصير حقير وانطي بيهم لان همه رادوا يخلون براسي قتلج..

لجين: عمري وحياتي كلها مشفت بحقارتك و وقاحتك

حيدر: هههه ولا رح تشوفين

لجين: طلعت الضابط الي مسؤل عن قضية سارة وكان مهند هم موجود وكم محقق.. دائما يحطون بالتحقيق مسجل كدليل على كلام المجرم و اي شيء يكوله المجرم..

اخذت المسجل ويايه من طلعت ورحت للغرفة الي مقابيل غرفة التحقيق الي شوفنه منها اني والمجرم.. فتحت الهم التسجيل وكان كل الاعترافات بي..

الكل اندهش ليش بسرعة على القضايا كلهن بس من سمعوا انو هاي من حقارته و لانه وغد وميتأمن على شيء..

مهند و زيد محقق قضية سارة كالوا نفس الكلمة قليل بحقه حكم الشنق لان هيج انسان حرام يعيش..

لكن اني كان مو هيج قراري بحقه صح هو انسان حقير و وغد بس بسبب منوو بسبب احنا صنيعتنا منو خلى يكون قاتل غيره الشيخ امجد ومساعداته ضحكوا عليه للمسكين نرجع لموضوعنا...

اخذ زيد دوريه وراح على بيت الشيخ امجد..

مهند: مجنت اعرف اذا شافج رح يعترف بكل شي..

لجين: تدري شغلة شكد كنت خايفه منهم وكنت عايشه برعب..
بس اني حسيت بحلمي بي شيء وبي رسالة تريد توصل الي بس ما اخذتها على محمل الجد وكلت لا هيج مجرد اغضاض احلام من بعد سالفه مصطفى..

مهند: ليش شنو شفتي بالحلم ؟؟؟

لجين:شفت انو اكو بيت بمنطقة ام مصطفى نفسه البيت الي كال عليه المجرم حيدر..
بالحلم شفته يريد يبلعني البيت بس مادري شنو الي صار و كلشي تحول ابيض وفزعت من الحلم وكعدت على حيلي كل هذا قبل لا ترفع عليه سارة القضية...

مهند: الحمدالله عدت على خير ربي يحفظج لاولادج..

لجين: اشكرك.. وانت هم ربي يرزقك بنت الحلال.. وها ترى هيه كبالك بس شوفها زين...

مهند: ههههه ان شاء الله

لجين: يله في امان الله

مهند: الله وياج..
____________

لجين... وصلي مهند الاخبار انو القوا القبض على الشيخ و نسوانه الي مزوجهن الي يساعدنه انو يجيبوله نسوان يضحك عليهن بدجله..

والمشكله انو اكو زلم تصدك بيهم وتجي الهم.. بس رضا مقبل انو اروح واشوف الشيخ.. ولكن أثناء التحقيق مهند دزلي التحقيق الي صار ويه الشيخ و نسوانه طبعا كان كلام هواي..

بس مختصر مفيد انو اني بعد ما ساعدت ام مصطفى وخصلتهم من الشر الي كان محاوط بيتهم وصارت عندي شعبيه بمنطقتهم وعافوهم الناس والتجئوا الي لان أولاً ما اخذ فلوس وثانياً معندي سوالف دجل وهسوالف التعبانه..

همه حقدوا عليه مديحصلون وقلبوا السحر على زوجه حيدر و خلوها تموت عمدا.. والمكالمة الي صارت اصلان كانت مفبركه منهم علمود يبعدون نفسهم من الشبهه وخلوها براس حيدر..

بس ميدرون انو حيدر من حقارته حتى اعترف عليهم....... يتبع

.
.
.
.
.
.

 
انتظروني بالبارت القادم من قصة (اليوم سأثبت برائتي) احبكم ❤️😍😘🌹