(اليوم سأثبت برائتي)

Part 11

ورجعت الكم بقصة (اليوم سأثبت برائتي)
#الكاتبة_نمارق_الاسدي
#الكاتبة_N
Part 11

لجين... مرن كم يوم واتصل عليه مهند وكالي انو ضابط التحقيق مال قضية قتل سارة وافق انو اكون وياهم بس بشرط انو تكون بسرية تامة و كون السالفه محد يعرف بيها...

واني هم وافقت وبلغت رضا على الموضوع اني ادري تدخلي غلط بس اي احد بمكاني رح يسوي هيج.. لذلك بالبدايه رضا عارض على الموضوع بس قنعته و وافق..

المهم اتفقوا ويايه أنو من باجر رح ابدي وياهم... وبعدين ذكرت انو الجلسة الثالثة ما بقى عليها غير اسبوعين... كلش خفت من اذكرت موعد الجلسة الاخيره قرب.. وهسه صارت عليه جريمه قتل سارة لحد هسه براسي.. دعيت من كل قلبي انو تنحل الامور...

ثاني يوم اتصل عليه رقم غريب فتحته راسن حجه  ما انطاني مجال احجي..

كال: اسمعي اذا تردين ضمنين حياة عائلتج باجر تجين للمكان والموعد الي رح انطيجيا...

لجين: لحظة لحظة منو حضرتك؟؟؟

.... :اني كتالچ اسمعي لج متتصلين باحد وتسوين روحج البريئة المظلومة باجر تجين (...) وساعه ب٩ بليل وإذا ما اجيتي ترقبي موت عائلتج واحد واحد وثقي واعتقدي حخليج تبجين دم عليهم يا دجاله...

لجين.. .. ردت احجي وياه ملحكت ومنطاني مجال لان بسرعة غلق الفون.. اني هنا راحت كل القوه الي بيها وانهاريت كمت ما اسيطر على دموعي وتهسترت لان لو اي احد بمكاني ويكون بهيج موقف رح ينهار..

واحتمال حتى اسؤ مني يصير.. وره ما هدئت نوبه البكاء مالتي شويه شويه هدئت نفسي و بسرعه اتصلت على مهند وسولفتله كل الي صار..

وكالي : شوفي ست لجين رح ترحين باجر للموعد واحنا رح نكون وياج بس سويتي الي كتلج من قبل عليه...

لجين: اييي سويته.. وبعد شويه ادزه

مهند: اوك تمام هاهيه مع السلامة

لجين: مع السلامة... غلقت الفون من مهند واجوا الجهال و سولفت لرضا على الي صار وشنو رح يصير.. وكلش ضاج حسيت بي بس طلبت منه يكون قوي لخاطر الأطفال مو لخاطر احد..

صار ثاني يوم وسويت ريوك للجهال وتريكوا وراحوا للمدرسه بس رضا بقى ويايه واخذ اجازه علمودي..

طلعنا رحت لبيت اهلي وبيت اهل رضا الصراحه حسيت روحي هاي اخر مره اشوفهم بعد وكلش متاذيه...

بس لازم اكابر على نفسي و ما اضعف لان ادري بيهم كلهم رح يضعفون اذا ضعفت.. صارت ساعة ٩ وقبلها اني كلشي سويت من الي كال عليه مهند..

رحت للمكان الي انطانيا هذا الرجال الي معرفته وجان حديقه عامه بس ماكو بيها احد و ما احس..

الا شيء وانحط على خشمي ضليت اقاوم..

لكن جسدي ما ساعدني بسرعه استسلم ومحسيت بشيء......يتبع
.
.
.
.
.
.
.
.
.
.
.
.

.
انتظروني بالبارت القادم من قصة (اليوم سأثبت برائتي) احبكم 😘😍🌹