الآغا السادي

جزء 4

إليك عني أني هائم وصب

أما ترى الجسم قد أودى به العطب

*******

حب التملك محتويني ؛

يَ وجه الرضّىٰㅤㅤ

انت ؟ قديمي وجديدي

أنت ؟ ليّ وإنتهىٰ !

الغد ليه ايفيكتيفمون كي سالا خدمتو فالشركة.. و حول كلشي للفرع الصغير للي فالمنطقة كانو

سيف و سحر فالريف..

سحر للي كيوصلات طلعات كتجري عند سارة.. كتحس بللي هي الشخص الوحيد للي مستحيل يأديها و نفس الوقت جاها فضول تعرف شنو مخبيا و شنو عاشت تاوصلات لهادشي للي راها فيه..

فالتحت كان جالس سيف مع باه و مو فالكوزينا مع الخدامات كيوجدو العشا..

الحاج : خاص ضروري تطبق عليهم الاعراف.. البنت خوتها كيقلبو عليها و غي غيلقاوها غيقتلوها

سيف الدين بانزعاج : الحاج.. واش ماجاش الوقت فين ايتبدل هادشي؟

الحاج : سيف الدين نتا آغا و كلمتك خاصك تفرضها.. الا رفضتي يطبق عليهم الحكم.. كلمتك غطيح بين القبايل ..

سيف الدين : مهم ايكون خير ان شاء الله.. غدا عيط ليا على باها يجي عندنا

الحاج : و عليه..

الحاجة : الغدا و جد ا الحاج.. رقية.. رقية..

رقية : نعام الالا..

الحاجة : طلعي عيطي لمرات سيف تغدا..

سيف الدين : رجعي شوفي شغلك.. و ضار عند الحاجة.. انا غنعيط ليها..

طلع سيف عند سارة حيت كان متأكد ايلقاها مخشية تما.. و لكن سارة كانت غي بوحدها.. خرج بزربة كيقلب عليها فالبيوت للي كاينين فالقصر كاملين و والو.. للحظة تفكر السطح و هو يطلع كيجري ..

سحر كانت كتقلب على منين تهرب و كطل على الدار و السطوحة لقراب.. تا دخلات لواحد البيت تما .. و هي تلقا فيه الحماااام.. عرفاتو د سيف خصوصا ان وحدة فيهم كانت فيها تيكي فرجليها مكتوبة فيه سيف الدين...

معرفاتش علاش فهاد اللحظة شدات كاع داك الحمام و طلقاتو يطير .. يمكن حساتهم تولدو احرار باش ايبقاو احرار.. و يمكن تجسد ليها راسها فيهم.. فالاخير بجوجهم مسجونين ... كانت كتخليهم يطيرو و هي فرحانة تا حسات بيدين عنقوها من للور و ضارو على كرشها..

عرفاتو هو غي من ريحتو.. اكيد.. اصلا شكون غيقدر اشدها من غيرو.. قلبها بدا كيمشي ويجي بالخلعة... لكن فنفس لوقت هي منادماش على شنو دارت.. شكون بغا يكون فملك الله باش احبسهوم..

سيف الدين كيهضر حدا ودنيها بهمس : شنو ڭالك راسك؟ هم؟ واش باغاني نقتلك؟ نطق كل كلمة و هو كيغرس يديه فلحمها