الآغا السادي

جزء 8

فالكلينيك :

كيف العادة كيضور على المرضى و يشوف الوضع ديالهم تا وصل عندهااا..

بقا شحال كيشوف ليهااا يالاه جا ماشي تا كيحس بشي يد شدات يديه..

مشااااا بالزربة عيط على الطبيب المسؤول على حااالتها للي بدااا كيفحص فيهاااا و هي مفاهمة وااالو.. غي كتحل عينيهااا و تعاااود تسدهم..

سارة (بصوت ضعيف) : فين انا؟

الدكتور : مادموزيل.. متهضريش دابا رتاااحي..

*****

حمزة رجع للقصر وعقلو ممعااااهش كيتفكر الحوااار للي طراااا بينو و بين يحيى..

يحيى ( و هو منهااار) : مقتلتهااااااش.. مقتلتهااااااااااش.. انااااا مت معاهااا..

حمزة (طلق منو ورجع خطوة للوراء كيشوف فيه) : شكدير تصويرتها و حوايجها و التقرير عندك؟

يحيى (بحزن ): انااااا كنت كنبغيييييهاااا مستحيل نقتلهااااا.. ا.. انا كنت نفديهاااا بروحييي.. انااااا مكنحملش سيف آه حيت دااا ليهااا ڭاع دكشي للي بغيت ولكن مستحيل نقتل ليه مرااااااتوووو مستحيل نقتل نااااااادية. انا و ولد عمي على الغريب ماااااااشي انا على ولد عمي..

حمزة (تحت سناااانو) : مخبي حوااااايج مرااااتو عندك

يحيى ما حس تااا جاااتو ضربة لوجهو خلات نيفو سايل بالدم..

حمزة : نتا ماشي راجل.. و كون كنتي راجل متبقاش حاط عليها عينك و هي مرااات ولد عمك..

لاح ليه هاد جوج كلماااات و خرج ساخط...

وصل للقصر حط الطوموبيل.. ودخل نيشااان لبيتو سد عليه..

***

سيف كان جااالس فالبيرو خدام تا جاه اتصال بللي ختو فاقت..

ناض بخطى تقااال مشا عند سحر للبيت للي كانت كتهضر هي و خالتها كيشافوه سكتو ..

سيف الدين : لبسي حوايجك غنمشيو عند سارة نجيبوها..

سحر (بصدمة) : فااااقت؟

سيف الدين وما ليها براااسو و دخل كيدوش ..

تا سحر ناضت لبسااات سروااال كحل مع شوميز بيضااا طويلة شوية و ساك ..اما سيف لبس كلشي كحل من التيشورط تال السبرديلة.. رش ريحتو دار سااعتو و خرجو..

لطيفة (شدات فيد سحر قبل ما تركب) : شكون سااارة

سحر : ختو

لطيفة : مااالها؟

سحر : قصة طويلة تااا نرجع و نعاودهاااليك..

خلاتهااا موراها و طلعااات حداااا سيف الدين..

غادي سايق و مكونسونطري فالطريق تا تفكر و هو ينطق..

سيف الدين (بصرااامة) : نلقاااك واقفة و لا كتهضري مع داك الرويجل حسااابي معاااك الكون شكل آخر ..