الآغا السادي

جزء 7

فالليل دخل سيف عياااان للدار.. كان العشية كااملة و هو فشنوتيي.. فين غيبدااا مشروع جديد فالمنطقة .. و كان خاااص ضروري يوقف برجليه على ديكشي باااش يشوف النوااقص و الخدمة كيغادا..

غي دخل سلم على الحاج و الحاجة و جا طالع..

الحاجة : ولدي سيف مغتعشاش؟

سيف الدين : اندوش و نزل ا ما

الحاجة : بالصحة اولدي.. رقية ااا رقيييية..

رقية : نعااااام ا لاااالااا

الحاجة: متحطيش دابااا تسنااااي تانعيط ليك

رقية : هي الاولة ا لالا..

حنااااات راسها و مشااااات..

دخل لبيتو لقاااها كيالعادة جالسة فالبالكون كتمنضر اصلا معندها مدير من غير هادشي.. تيليفون محيدو ليها من نهااار الاول باش كانت وقعات الواقعة.. التلفااازة هي ماااشي من المحبين ديااالها بزاااف.. لكن فهادشي كااامل هي مكانتش كتحس بالقنط.. كل مااا جلساات بوحدهاا كل ما فكراااات و فكراااات و تفكيرهااا كلو على حاجة وحد.. كيف تهرب من سيف الدين و من هاااد البلاصة كاملة..

سيف الدين دخل نيشااان للدوش.. مكاملاش 20 دقيقة خرج كيلبس سرواال كحل ديال توني و من الفوق لبس قبية كحلة تاهي.. كان شوية بردان.. رش ريحتو و مشاا نيشان عندهاا ..

سيف الدين : نوضي تعشاااي..

سحر ناضت و هي دور عندو قربااات حداه و تعلات على صباع رجليها تا وصلات لمستوااه شوية و باااستو فخدو..

سحر (بنعوومة) : على السلاااامة..

سيف الدين بقااا مصدوم فيها لكن معطلهاااش ياك بغاات غي تلعب.. تاهو غيمشي معاها على قد عقلهاا..

ضور يديه على خصرهاا و قربهااا عندو تا تزدحات مع صدرو و هو يبوسهااا ففمهااا و نطق

سيف الدين (بابتسامة خبيتة زعما ها كيكون السلام مللي باغا باغا تسلمي) : الله يسلمك

سحر (بدلع) : فياااا الجوع

سيف الدين : يالاه نزلو راه كيتسناونا

خرجو بجوج من البيت و فطريق نزولهوم تلاقاو بحمزة تاهو خارج من بيتو زادت سحر قدامهم و حمزة و سيف بقاو موخرين.. كيهضرو ويضحكو .. تا تجمعو على الطبلة و بدات رقية كتحط الماااكلة ..

سااالاو العشااا و سحر غي كضور عينيهااا ..تا طلعو البيت.. مشاات نيشان لبساات شوميز دونوي فالاحمر.. و خرجاااات..

سيف كان جااالس فالبيرو تاا كتبااان ليه.. نزل عينيه فالبلاصة على البيسي متجنب انه يشوف فيها حيت الا طول النظرة كتر مغيتحكمش فراسو..