سلام عليكم✋
المره دي جيتكم بي رواية حقيقه ✨،،طبعا القصه م ح احكيها زي م الزول حكاها لي،،اكيد ح اضيف حاجات عشان تبقى زي الرواية ،،لانو لو حكيتا ليكم زي م الزول حكاها لي ح انتهي ليكم ف خمسه بارتات بس😂💔ح احكيها بأسمي 💗
#تابعوها
___________________________________________
انا اسمي مآب،،عمري 16سنه ممتحنه شهادة،،انا ممكن اقول انوو انا زولة كتوومه شدييد وضعيفه ومسكينه،،
دايما بحب اقعد برايي،،وبحب اللون الاسود شديييد،،
وم بحب اقعد مع زول،،وم عندي اصحاب ولا اي شي،،بس عندي خالتي واحده بحبها شديد ودي الوحيده الممكن اقعد معاها،،
انا فيني كل مراحل الاكتئاب والنفسيات💔،،وصلتا مرحلة اني اقطع الظلط بدون م اتلفت بس بدعي انو تطقشني عربية واموت وارتاح💔،،
بقرا في مدرسة قريبة لينا وانا حاليا رراجعه من المدرسة للبيت وبرااي وم معاي زول واصلا ماف زول بحب يمشي معاي،،بقولو علي متوحده ومتخلفه وجاهله وكل الاهانات الممكن الزول يقولا،،بس انا م بقدر ارد ليهم وم عندي الشجاعه ارد ليهم،،ومرات بحس انوو هم المتخلفين م انا ولو اتكلمتا معاهم ابقى انا المتخلفه،،
اي مرات لمن اتحرق شدييد من كلام زول برد ليهو ف سري بس💔💔،،
رجعتا بيتنا وكالعاده سامعه اصواتهم وهم بكوركو وكسير العدة والمراية. والصواريخ من شده الضرب💔💔،،
وقفتا جمب باب الشارع ودموعي نازلة وم قادره اتكلم واقول حاجه بس كل العلي اني اسكت واعمل االبقولوهو لي عشان م يحصل لي كدا💔💔،،
غسلتا وشي من الوضاية البرا،،ودخلتا جوه،،كالعادة استلمني بالقاش وقال لي متاخره مالك،،سكتا م رديت لاني اتعودتا،،وبدا يضرب فيني وانا دموعي نازلة بس💔
ضربني لحد م فتر،،بعدها شالني ووداني غرفتي ورماني ف الارض وقفل الباب💔،
ابوي اتعود على ضربي كل م اجي راجعه من المدرسة واتعود على ضرب امي💔كل يوم بسمع صواريخهم واصواتهم وف النهايه بنتهي بالضرب وانا معاهم مع انو م عندي زنب💔،،
انا وحيده امي وابوي 💔💔،،وبحمد ربنا اني واحده لانو م عايزه يكون لي اخوان يتعذبو كدا💔،،
امي وابوي لو م اتشاكلو معناها ف حاجه غلط💔والمشكلة انو بدون سبب او ف اتفه الحاجات واناواصلا اتعودتا،،غايتو ماف حاجه مصبراني غير صلاتي واستغفاري❤❤،،ربنا م بنسى عبدو💜
#في جانب تاني..
ي ولد تعال هنا،،خش خش قبل م ابوك يجي،،ابوهو سمع اوصواتهم جا ولقى ولدو سكران وم قادر يمشي لمن امو متكلاهو،،بس استلمو ليك بالقاش ووقع فيهو. ضرب لحد م جرّح جسمو كلو💔،،والولد اتعود على البرنامج د لانو م اول مره،،بعد م اتدقا مشى استحمى واكل ليهو حاجه وطلع تاني💔،،ضرب ليهو صحبو قال ليهو وين انت؟قال ليهو ي داب طالع من البيت،،قال ليهو انا ف الشقه تعالي لي،،قال ليهو تمام،،ومشو الشقه 💔
#في جانب تاني،،
والله ي حاج بتك دي عاجباني وانا عايزها،،الحاج قال ليهو ي زول هاك ليها تب وانت شكلك زول طيب وود ناس واكيد ح تستر بتي❤،،تعال بكره ي زول طوالي عقد،،قال ليهو عديلة ❤❤،،
#في جانبي،،
جاني ابوي قال لي جهزي نفسك انتي بكره ح تمشي من هنا،،امي كوركت كيف يعني ومودي بتي وين ووو..الخ،،
قال ليها اسكتي انتي،،قال لي بكره ح نعقد ليك واحد طيب وود ناس وح تمشي معاهو جهزي نفسك،،م عارفه لي انا فرحتا كدا❤❤❤اخيييرا ح اتخلص من الانا عايشاهو د💔،،وامي د تبكي وانا ولا اشتغلتا بيها..
مشيت جهزتا حاجاتي كلها وانا مبسوووطه،و
وبقيت مستنية بكره بفارق الصبر،،
لحد م جا بكره ومواعيد العقد ولبستا احلى فستان عندي وعملتا ميكب وباين الفرح ف وشي،،
م فكرتا حتى الزول العايز يعرسو لي د هل اخلاقو كويسة؟؟؟وممكن يسعدني فعلا؟؟،،وم فكرتا الح يحصل لقدام شنو،،
جا وقت العقد وسمعتا صوت الزغاريت وكلهم جو باركو لي وانا بس دايره اتخارج من هنا،،
ابوي باسني ف راسي وم عارفاهو مالو،،قام اعتزر لي عن اي حاجه وبدينا صفحه جديده،،بس انا برضو م دايره اقعد هنا بس اتخارج سريع سريع،،وكان علي تاني م اجيهم زاتو
ابوي وداني لي راجلي ولقيتو راجل كبييير بالنسبه لي،،يعني باين عمرو كم واربعين وانا طفله عمري16💔💔💔وشكلو بسكر ووبلع وم تمامم،،رغم د كلو م خفتا قلتا احسن من القعده هنا،،سلمتا عليهوو وركبنا العربية،،
عربتو سمممحه❤❤ولمن وصلنا البيت اتخلعتا بيتو قصر بس❤❤❤❤اول مره اشوف لي بيت كدا❤❤❤❤
نزلنا وشال لي حاجاتي ودخلنا،،قال لي ح نكون برانا واصلا البيت د.حقي م ح يكون معانا زول❤❤،،فرحتا فرح انا❤❤،وبقيت اتبسم،،قال لي انا اسمي حسن وانتي؟،،قلتا ليهو ماب❤❤،،قال لي اسمك حلو،،
ارتحتا لمن اتكلمتا معاهو حسيت انو م زي م اتوقعتو❤❤❤
عدينا فتره شهر هنا وكل يوم احلى من التاني بديت احب حياتي شدييييد وانتهيت من تالت وانا حاليا حامل❤❤❤❤،،حسن نهائي م بقصر معاي وداايما واقف معاي❤❤،،
مرت فتره شهرين بدون احداث مهمه،،انا وحسن كنا كوويسيين ومتفاهميين❤❤،،
لحد م جا اليوم القلب حياتي كلها 💔💔
#نتلاقى..✋✨
