#باقي الحلقات ح تكون بلسان مصطفى..
____________________________________________
في يوم كنا قاعدين كلنا انا وخالة امي ومصعب ولينه ورائد،،بنشرب في شاي المغرب..
خالتي عزيزة (صغيره ياخ م بقول ليها حبوبه😂)
قالت لي امي اها الشغل معاك كيف؟؟قالت ليها كويس والله،،قلتا ليها انا ح انزل الجامعه متين؟،،مصعب قال لي شهرين كدا،،قلتا ليهو جادي؟؟ياخ احسن😂😂😂😂امي قالت لي امشي شوف ليك شغله تقضيها ف الاجازه د بدل تنوم😂😂😂،،قلتا ليها والله انووم لانو راجياني قراية كتيره ف الجامعه😂😂😂
لينه قالت لي احنا نزلنا😭،،قلتا ليها مسكينه ياخ،،انتي ي دابك ف الاساس؟؟مشوارك.طويل عديل😭😂😂😂😂رائد قال لي فرحان كدا مالك التقول ادوك شهادة بروفيسور😂قلتا ليهو انت لمن تصل مرحلتي دي براك بتعرف انا فرحان مالي،،
شربتا الشاي،،ورائد قام قال ماشي الكوره،،امي قالت ليهو ي ولد تعال ماف كوره بعد المغرب،،المهم بقى يحنس فيها وامي ابت ليهو،،ف النهايه استسلم ووقعد😂😂😂😂
بعد خلصنا مشيت لميت العدة مع خالتي وغسلتها😂،،الليلة اليوم علي ف الغسيل😂😂،،والله البنات ديل تعبانين😂الحمدلله البقينا اولاد وم بنضف البيت وبنقش ونمسح😂😂
قلتا لي امي طالع اشم هوا وجاي،،امي قالت لي امشي ،،شكلو امتحان الشهادة لسه واقف ليك ف حلقك م نزل😂😂قلتا ليها جد.والله😂😂
طلعتا وبقيت لافي لحد م وصلتا الظلط،،دخلتا الدكان قلتا اشتري لي بارد،،اشتريتو وطلعتا،،فجاءه اتذكرتا هديل،،قلتا انا هسى مفروض اعمل شنو؟؟،،انا م داير انساها وكدا خلاص،،لا هي صحبتي وح تبقى صحبتي غصبا عن عين اي زول،،😑💜قمتا شلتا تلفوني قلتا يمكن ترد ،،فعلا ضربتا ليها واداني جرس مسااافه بس فجاءه الخط فتح،،لمن خفتا😂،،قالت لي صفصف بصوت واطي💜💜💜،،ياخ فرحتا فرح،،قلتا ليها هدييل💜💜💜💜😍قالت لي مشتاقين ياخ،،قلتا ليها كمياااتت💜💜💜كيفك انتي كويسه؟؟،،قالت لي كويسه ااي،،ولحسن الحظ اخوي ماف وانا سمعت التلفون بضرب في دولابو،،قلتا ف سري(متين انا اتكلم معاك بحرية بدون م زول يتدخل ولا اخاف من زول يعرفك)
قلتا ليها ايوا تمامم،،قالت لي بالمناسبه الف مبرووك للنتيجه💜💜💜،،قلتا ليها الله يبارك فيك+عرفتي كيف؟،،قعدت تضحك قالت لي حافظه رقم جلوسك،،ودخلتو ف تلفون امي ع اساس د صحبتي💛قلتا ليها احييي انا حافظين رقم جلوسي😍😍😂😂،،قالت لي مصطفى قام للعوارة خلاص😑،،قعدتا اضحك قلتا ليها مشتاق ليك والله💛م بتتخيلي فقدتك كيف وكنت زعلان كيف💔،،قالت لي اسكت بس م بتحصلني💔،،قلتا ليها اها احكي لي الحصل شنو،،
وبدت تحكي وتحكي م خلت ليها شي،،اي شي زعلها الفتره الفاتت قالتو لي واي شي بسطها قالتو لي وحكت لي بالتفصيل💛ودي اكتر حاجه بحبها فيها💛💛بعد.انتهت قالت لي معليش م اكون كترتا الكلام😂،،قلتا ليها قولي كلمه واحده وبتكوني تميتي ساعتين بتتكلمي😂😂😂,قالت لي يعرفوك حيوان كيف 😂😂😂قعدتا اضحك،،،قالت لي اها احكي انت،،
وبديت احكي ليها من يوم رجعتا منها بعد شكلة اخوها لحد قبل شوية انا بشتري ف البارد😂😂😂😂(اصلا كدا احنا م بينا حواجز وبنحكي اي شي،،،ايي شي ايي شي د افهموما براكم😂😂😂)
قمتا قلتا ليها انتي هسى م بتخجلي بتحكي لي حاجات كدا.....؟؟قالت لي اخجل لي😂😂م زاتك قاعد تحكي ولا ناسي نفسك،،قلتا ليها محترم شوية انا😂😂😂قالت لي انا زاتي محترمه،،قلتا ليها د الحاله؟😂😂ومال لو م محترمه كان قلتي شنو؟😂😂😂
قالت لي كان قلتا ليك حاليا جاتني البريود🐸،،قلتا ليها غايتو انتي((عادديي جدا بتقولا التافهه😂😂😂😂)قالت لي مالي؟؟،،قلتا ليها اقفلي خلاص امشي شوفي شغلتك،،قالت لي خلاص بايي،،كل م اخوي يطلع بضرب ليك ،،قلتا ليها طيب يلا💛،،قالت لي م نسيت حاجه؟؟،،قلتا ليها بحبك😂💛التقول عاقد عليك 😂😂😂😂قالت لي اصلا يلا بايي بحبك😘💜 وقفلت،،
خلتني اتبسم براايي ف الشارع😂😂😂😂رجعتا البيت وانا مبسوط💜💜💜امي قالت لي مالك رجعتا مبسوط ضربت ليك هديل ولا شنو،،قلتا ليها امي انتي بتعرفي كيف😂😂😂قالت لي بعرفك ي قليل الادب😂😂😂،،قلتا ليها هسى قليت ادبي ف شنو😂😂😂قعدت تضحك وقالت لي ابقى عليها عشرة💛،،قلتا ليها عشرين لو سمحتي🌚💜،،قالت لي احييي انا نبقى هديل ولا شنو😉❤،،قلتا ليها ي حجه كدي بسم الله ف شنو🐸كدي براحه كدا نتفاهم،،انتي عارفه هديل صحبتي،،قالت لي الحرامي ف راسو ريشة هسى انا قلتا شي؟😂😂😂😂😂قالت لي امشي نوم يلا😂😂😂،،ومشت طلعت،،انا بقيت فاتح خشمي وم عارف اقول لي امي شنو🌚💔،،المهم م علينا،،تفهم الدايرة تفهمو😂😂،،
#تسريع احداث
(مرت السنين سرييع وانا خلصتا الجامعه واتخرجتا وحاليا عمري 24سنه،،والجامعه كانت حلوة لانو هديل كانت فيها❤وكنا طوالي سوا لدرجه الناس بتكلمو فينا بقو وقلتا ديل دايرين يحسدونا،،،
بعدها جاتني منحه شغل في قطر وسافرتا❤❤وامي اتزوجت مصعب💜💜💜💜💜واكتر زول كان فرحان ليهم خالتي وكلنا كنا مبسوطين❤❤اتزوجو قبل تلاته سنين،،وامي قالت لي ابوي م ترسل ليهم مصاريف تاني وفعلا ابوي م صدق بقى م برسل،،انا اشتغلتا في شركه في قطر والقروش كتيره الحمدالله،،ورائد في اخر سنه في الجامعه قرأ هندسة معمار💜ولينه في تالتة جامعه وقارية اعلام❤❤،،وانا بقيت بصرف عليهم كلهم والقروش مكفية الحمدلله وزايدة💜💜وهديل قرت نفس تخصصي هندسة اتصالات لكن شغاله ف السودان وانا ف قطر ومتواصلين عادي وعلاقتنا قوت❤❤❤❤وحاليا انا مفكر في اني اعمل بيت كم طابق وكلنا نقعد فيهو وانا ح اعرس فيهو❤
في الشغل هناك اتعرفتا على اصحاب كتار ومنهم محمد وكمال ويسرى💜💜وكلوهم زاابطين❤❤وامي كانت مبسوطه لي شديييد❤❤وقالت لي شد حيلك وقري اخوانك ديل عشان بعدين يشتغلو وتتشاركو تعملو ليكم بيت ليكم ولي زمانكم💜قلتا ليها ان شاء الله❤❤دعواتك لي بالتوفيق بس يمه❤❤
وان شاء الله الجاي احلى💜💜
#اقتباسهه..
لٱ تُأسًفُ على نٌجَمة ضٱعتُ منٌك، فُٱلسًمٱء مليّئة بّٱلنٌجَوِم!.. وِٱنٌ لم تُكنٌ منٌ نٌصِيّبّك ٱحًدُٱهنٌ، فُمنٌ يّدُريّ ربّمٱ يّكوِنٌ منٌ نٌصِيّبّك ٱلقَمر...!
#نتلاقى..
