واقفه وبدق ف الجرس بس ماف زول فتح لي،،قلتا شكلو مافي البيت،،كنت عايزه ارجع بس الباب فتح،،كان د حسن شكلو كان نايم وصحى بصون الجرس وشكلو م طبيعي،،عاين لي كدا😕،،ماب؟؟،،زحا لي من الباب قال لي خشي مالك واقفه؟،،قمتا دخلتا جا بي وراي وكر لي الشنطه قال لي انا برجعا خليك انتي،،مشيت قعدتا ف الصالون،،بعد مسافه جا محصلني،،قعد جمبي ف الكرسي،،قال لي مابب؟؟،،قلتا ليهو نعم!،،قال لي بعتزر والله عن كل حاجه بس انا...قاطعتو وقلتا ليهو خلاص م مشكلة الفات مات وانا نسيتو😊💜،احسن نعمل حسابنا عشان البيبي الجاي✨،،قال لي كلامك صاح،،مسك يدي وباسها💜قال لي والله مما مشيتي انا م نمتا وم قادر انوم وتعباااان شديييد وطوالي بقيتي ف مخيلتي لحد م رجعتا اسكر تاني عشان احاول انسى،،قلتا ليهو د يوم واحد بس،،قال لي حتى ولو بعدتي مني نص ثانية انا ممكن اتهور،،قلتا ليهو طيب ممكن تاني م ترجع للسكر د ،،قال لي كلو عشانك يهون💜💜،،قلتا ليهو انت عارف؟،،انا فقدتا اي شي اي شي ف حياتي ويئستا منها عديييل وكنت كل يوم بدعي الله انو بس امشي من الدنيا د لانو الشفتو فيها كفاايه ونهائي نهائي م ضقتا الراحه ولا السعادة والفرح،،ونفسي نفسسسي بسس نقعد.كلنا انا وامي وابوي ف سفره واحده وابوي يضحك ويهظر معاي ويتغزل في امي ويحسسوني اني فعلا بتهم وانو ابوي فعلا عايز امي وم مجبور عليها💜،،نفسي بس احس بشعور الصحبه ولمن يقولو السند والصديق وقت الضيق يكون ف زول ف بالي واتذكرو واخليهو مكانه صديق عندي 💜،،نفسي يوم نطلع رحلة عائلية وجمب البحر ونتونس ونضحك ونجيب الفحم ونشوي وناكل واي زول يدي رايو في اكل التاني،،
نفسي بس احس بالمتعه في حياتي د ياخ💔،،هسى اولادنا بعدين لمن يجو اقول ليهم شنو؟،،لا ح يلقو العاائلة المثاليه ولا الاهتمام من كل النواحي بس الاهتمام من ناحيتنا💔بس اهلي م ح يلقى منهم الاهتمام،،انا م عايزاهم يعشيو شعوري د ولا عايزاهم ف يوم يكرهو الحياة د،،ف عشان كدا عليك الله نبطل مشاكل بس عشان خاطر اولادنا،،كلنا والله مجبورين على حاجات احنا م عايزنها،،ف استحمل معليش يعني💔
وطوالي قمتا من جمبو ومشيت الغرفه،،فرغتا الشنطه وشلتا لي بجامه ودخلتا الحمام،،غيرتا هدومي ومشيت رقدتا ف السرير،،،بقيت بفكر ف الكلام القلتو د،،،سبحان الله عاينو انا زمان م كنت بتكلم وحسّي د زول بسمعو ماف ومرات زاتو بكونو قايليني م في البيت لانو صوتي م بتسمع، لكن هسى بقيت بتكلم وبنصح كمان؟،،فعلا الحياة غريبة💔
جاني حسن ورقد جمبي،،قال لي فعلا كلامك صاح احسن نبطل مشاكل عشان اولادنا💜،،ابتسمتا ليهو بس،،
قال لي بكره ح نمشي لي امي تمام؟،،قلتا ليهو طيب✨
فعلا تاني يوم صحيت بدري طبختا لي اكل وختيتو ف العمود(عباره عن حلة كم طابق بسموهاوط العمود عرفتوها؟🌚💓)وغتيتو ومشيت طلعتت لي توب لونو ليموني وفيهو بالرمادي،،لبستا معاهو فساان رمادي وشنطه وشبط رمادي،،❤
لقيت حسن لابس بنطلون اسود وقميص رمادي،،قلتا ليهو م عندك بنطلون ليموني؟😂😂😂😂قال لي قايلاني حبشي ولا شنو😂😂😂،،قلتا ليهو خلاص ارح شيل معاك العمود م تنساهو،،لمن طلعنا الضهر كان اذن،،وبيت ناس امو بعييد مننا،،قعدنا مساافه ف السكه،،حسن قال لي اها م نفسك ف حاجه؟؟،،قلتا ليهو حاجه زي شنو؟؟،،قال لي اي شي اي شي،قلتا ليهو من ياتو ناحيه؟؟،،،حسن قال لي ياخخ م بتتوحمي انتي؟؟م بتتوحمي؟🌚💔قعدتا اضحك 😂😂😂😂😂قلتا ليهو طيب م تقول كدا من البداية،،قال لي الوحم د بتشتهي ليك حاجه معينه وانا قلتا ليك نفسك ف شنو على اساس اديك المجال تختاري اي شي بدون الح تاكلي مع الوحم فهمتي ي غبيه؟🌚💔،،الله يستر م تعادي لي ولدي،،صريت ليهو وشي وقلتا ليهو م غبيه انا😒،،بس الله يستر تعادي لي ولدي بهبالتك د،،قال لي انا اهبل؟😳،،قلتا ليهو يعني م عارف😂😂،،قال لي لا تمام بعدين لمن نرجع البيت بوريك الاهبل منو،،قلتا ليهو ح تعمل شنو يعني؟😂،،عاين لي وقال لي بتشوفي بعدين😂😂 انا طوالي قلتا ليهو لا خلاااااااصص😂😂😂😂😳معليش والله،،قال لي لا م قبلتا اعتزارك😂😂😂،،قلتا ليهو امشي ي تافه😂😂😂قال لي اهبل وكمان تافه؟؟الجرعه اتضاعفت،،قلتا ليهو م ح تقدر تعمل لي شي،،قال لي بتتحدي؟؟،،قلتا ليهو م لدرجه تحدي بس م بتقدر😂😂،،قال لي اايي ايي كويس بنشوف🌚يلا انزلي وصلنا،،
نزلتا وحسن شايل العمود،،وبيت ناس امو اكبر من بييتنا😂😂😂،،انا قلتا حسن د.كان م شغال تاجر وابو د شغال شنو ي ربي😂😂😂شكلو حرامي،،هييي استغفر الله د كلام شنو د😂،،فتح لينا الباب الحارس،،دخلنا البيت لقيناهم ف الحديقه حقت البيت،،قاعدين وشاي وجبنه وقعده ظريفه،،صراحه الجو عجبني❤في مره كدا قاامت وقالت لينا ي اهلين ي اهلين نورتو والله❤❤وفي وحده صغيره كدا بتكون قدري او اكبر بشوية قعدت تزغرت وف راجل قام وقال لي حسن ابشر ي عريس❤،،المره عرفتا انو دي امو واسمها خالتو محاسن والبت د اختو اسمها الاء بقولو ليها لولا،،وابوهو عمو مرتضي❤،،جابو كراسي وقعدنا معاهم ف الحديقه،،امو قالت لي اها ي بتي كيفك وكيف ناس امك❤قلتا ليهو كويسين والله وانتو كيفكم؟،،قالت لي بخير الحمدلله❤،،اختو قالت لي انتي امتحنتي؟،،قلتا ليها ااي،،قالت لي ايواا يلا انا اكبر منك بسنه لاني حاليا برلومه،،قلتا ليها كويس ربنا يوفقك♥،،ابوهم قال لي اها ي بتي الزول د كيف؟ تعبك؟،قعدتا اضحك قلتا ليهو لا والله م عمل لي اي شي بالعكس كويس معاي❤❤❤،،
المهم الونسه جرررت،،لحد م جو داخلين ناس،،وكانو مره وبت وولدين،،خالتو محاسن وقفت ورحبت بيهم واستقبلتهم سمح والله شكلو ديل معارفهم،،وحسن د.قام وسلم عليهم بالاحضان،،جو سلمو علي عادي وقعدو معانا،،حسن قال لي دي خالتي حسنيه وديل اولادا،،الحمبي د.سامي الصغير والكبير د ملهم والبت بيان♥قلتا ليهم اتشرفنا كيفكم كويسين؟،،خالتو حسنيه قالت لي الحمدلله ي بتي انتي كيفك؟،،قلتا ليهو كويسه الحمدلله♥،،بيان قالت لي حلاتك والله احلى من شفتك ف العرس،،قلتا ليها تسلمي😊❤،،
بعد شوية جات الحبشية وجابت لينا موية،،بيان قامت وجات قعدت جمبي قالت لي انا بيان بت خالة حسن ،،انا امتحنتا شهادة ثانوية ي داب وانتي؟،،قلتا ليها انا ماب وانا برضو امتحنتا شهادة😂😂قالت لي بلاي؟؟😳😳وايييي م باين عليك،،ماشاء الله صحتك سمحه وطويلة ماشاء الله م ظاهر عليك😂❤قلتا ليها طولتا فجاءه بس كنت قصيره وصحتي د عشان الاكل الكتير مع البيبي😂،،قالت لي حااامل😳😳😳،،طبعا مع كلمه حامل د الناس د كلها صنت🌚💔💔💔(الله يجازيك ي فضيييحه🌚💔)
حسن قال احم والله ماب د حامل وكنت ح اكلمكم هسى مفاجاءه،،بلاي امو د وقفت وفكككت الزغروته لمن صنت لي اضاني،،كلهم جو باركو لي،،وانا خلااااص الخجل عايز يشرطني🌚💔💔،،عاينتا لي بيان كدا😠😠،،قالت لي معليش والله😯،،قلتا ليها فضيحه فضيحه،،قالت لي لي فضيحه عادي وين المشكلة؟ د راجلك ود ولدك وديل اهل راجلك عادي يعني،،قلتا ليها م عادي،،هسى اخوانك وابو حسن يقولو شنو😐😐،،قالت لي ها اخواني ديل ولا بجيبو خبرك😂😂😂
قامت بيان طلعت لي تلفونا وقالت لي رقمك كم؟،،مليتها رقمي وقالت لي اسجلك بمنو؟،،قلتا ليهو Øoba♥ Mohammed Ahmed
قالت لي طويل الاسم😂بكتب اوبا بس،،،قلتا ليها تمامم،،قامت عملت لي مسكول،،،قالت لي يلا سجلي رقمي،،قلتا ليها اسجلك بمنو؟،،قالت لي بيبو♥،،قلتا ليها تمامم💜✨،،بقينا نتونس ونضحك وحسن د م خلا نكته ولا قصه حايمه م قالا😂😂😂والله انا ضحكتا لمن بطني وجعتني😂،،بعدها خالتو محاسن قالت لي هي كفاك ضحك بتضغطي على الجنى د😂😂،،طوالي سكتا لانو خجلتا😐💔،،قالت لي بيان ولولا ارح نعمل الغداء العصر اذن،،
مشو كلهم وانا جيت بوراهم،،خالتو محاسن حلفت م ادخل رجلي المطبخ،،قلتا ليها لا والله بعمل معاكم،،قالت لي لاو الله كفاية جبتي معاك العمود م تسوي شي تاني اقعدي ي بت انتي لسه ف الشهور الاولى،،قلتا ليها خلاص بقيف ساي،،قالت لا برضو ،قلتا ليها خلاص بجيب كرسي واونسكم م بعرف اقعد ساي،قالت لي خلاص خلي يجيبو ليك الكرسي وتقعدي بس،،قلتا ليها والله لو خليتيني اعمل معاكم م بجيني شي،،قالت لي خلاص اقعدي ف الكرسي وقشري لي التوم،،قلتا ليها طيب،،قعدتا وجابت لي التوم اقشرو،،قلتا ليها شفتي الخدار د بقى غالي كيف؟؟،،قالت لي مبااالغه والله انتي شفتي الطماطم بقت بكم،،قلتا ليها يعني الزول تاني م يعمل سلطه شكلو😂،قالت لي والعجب البصل،،تاني ماف ملاح شكلو😂قلتا ليها الزول زاتو لو قال ياكل فواكه بس زاتا م هينه،،قالت لي صدقتي والله عاد.د حاله د،،بيان قالت لي انتي هسى بتتوحمي بشنو؟،،قلتا ليها لسه م جاني وحم للان بس بنوم كتير،،يعني لو ختيت راسي ف مخده اقل من دقيقه بتلقيني نمتا،،قالت لي احسن ليك والله😂😂لولا قالت لي النوم احسن شي ياخ،،خالتو محاسن قالت ليهم خلوها تنوم سااي لانو لمن تولد تاني ماف طريقه،،قلتا ليها فعلا والله😂😂😂😂،،
عملنا الغداء ورصيناهو ف السفره واكلنا ♥♥كان يوم حلوو شدييد وغيرتا جو والله واهلو ظريفيين والله♥♥♥،،
المغرب كدا شربنا الشاي وطلعنا،،بعد تعب احنا طلعنا ابو يخلونا نطلع😂😂،،قلتا ليهم بجيكم تاني♥بيان قالت لي خلاص رقمي عندك بتصل عليك♥قلتا ليها تمام✨،،الطريق كلو انا شغاله لحسن والله حبييت امك شديييد وبت خالتك واختك برضو والله ظريفين♥♥قال لي الحمدلله♥♥بوديك ليهم تاني ♥،،قلتا ليهو ان شاء الله
انا طوالي تكلتا راسي ف الباب ونممتا😂✨،،لمن وصلنا حسن صحاني،،نزلنا ودخلت الغرفه وغيرتا التوب ولبستا بجامه وطوالي رقدتا😴♥،،حسن قال لي وييين نايمه؟؟انتي نسيتي جبيل انك اتحديتيني؟؟،،انا طوالي فتحتا عيوني😳😳،،حسن خلاص ياخ كنت بهظر معاك،،قال لي لا ماف هظار😂😂😂وجا علي،،انا من شده م تعبانه م قادره اقاومو زاتو😂😂مسكني ولمن لقاني تعبانه قال لي حننتيني والله خلاص خليتك😂😂😂😂،،م صدقتا طوالي رقدتا نمتا والله تعبانه تعبب م عارفه المتعبني شنو😂😴💔،،
#مرت الشهور وولدتا♥وامي جات قعدت معاي طول فتره الولاده د كلها،،جبتا ولد وسميتو مصطفى♥مصطفى حسن مرتضى❤✨،،كنت فرحانه بيهو فرح م عادي😭😭😭😭😭♥♥♥♥امي وام حسن الاتنين قعدو معاي وم قصرو نهائي والله♥♥♥لحد م تميت الاربعين وعملو لي قعده ف شارع النيل وعملنا نقيمات وشلناها معانا وشربنا شاايي،،وحسن جاب العود حقو وبقى يعزف ويغني😂❤❤❤❤والله يوم كان زابط شدييد♥♥وطبعا انا كسرتا حنك القراية وحتى شهادتي م مشيت شلتها،،فرغتا زمني كلو لولدي❤❤،،لونو طالع زي لوني قمحي😂♥ وبشبهني شبه😂♥حسن زعل قال لي والداهو براك انتي😂😂😂😂قلتا ليهو حظك كعب😂،،
قضينا وقت حلو هناك ♥♥♥وكانو معانا ناس بيان وتشيل وتلعب بمصطفى♥وعاجبها عجب،،وتشيل وتجضمو 😂😂😂قلتا ليها هييي كفاك وجعتيهو😂😂،،قالت لي عسسسل والله😭م قادره اقاوم جمالو ماشاء الله ماشاء الله ربنا يحفظو من العين😭♥،،
#مرت الايام والشهور ومصطفى كان كل حياتي بمعنى الكلمه♥♥بحبو اكتر من اي شي تاني♥وبعمل اي شي عشانو♥وزاتو كان هادئ ❤،،لكن جنو يلعب ويهبش ،،بعدين م بتسمع صوتو نهائي بكركب لكن بصوت واطي😂😂😂،،لمن حسن يمشي الشغل،،بقعدو وبقعد احكي ليهو اي شي،،رغم انو م بفهم بس لمن اتكلم قدامو طاقتي السلبيه بتختفي،،بعد.اخلص من الحكاوي بقعد يضحك لي😂😂😂😂،،انا زاتي بضحك على هبالتي😂😂😂،،وكان بجي يمسك راسي ويعضيني😂عندو عشق مع راسي😂😂😂،،والله كان مالي لي وقتي ♥♥♥بحس نفسي شافعه زيوو والله ،،م بحس اني امو♥♥♥،،وحسن د كان لمن يجي من الشغل بمسكو م بفكو تاني بس شايلو وبلعب بيهو😂😂😂،،ف يوم جيت داخله الغرفه ولقيت حسن لافي فيها وبفتش ف حاجه؟،،قلتا ليهو بتفتش ف شنو؟؟،،قال لي ولدك د م لاقيهو،،بقيت افتش معاهو،،لحد م لقيناهو تحت السرير نايم😂،،جريتو من كراعو لانو داخل لي جوه شديد،،قام صحى وصر لي وشو ونام تاني،،انا قعدتا اضحك وقلتا لحسن مبالغه الزول د.لو راح م ح نعرفو لانو خشمو م بفتحو،،💔💔قال لي نكتب ف فنيلتو اسمو ورقمي 💔😂😂😂😂😂،،قلتا ليهو الا كدا والله😂😂،،شلتو وختيتو ف السرير وغتيتو طوالي اتمغاا واتشتح ورقد نام،،وابا يزح يدو ورجلو عشان ارقد.جمبو،،،ابا عديييل زي الكانو بقول لي م ترقدي😂😂😂قلتا ليهو خليتك ي مصطفى😂😂😂
#ايامنا كانت حلوه شديييد وكنا اسعد عيلة♥♥ وطوالي بنمشي لناس خالتو محاسن ومصطفى د بحب بيان بس من يشوفها يضحك😂😂،،
#لحد م جا اليوم المشؤم مره تانيه وقلب حياتي💔💔
""بإستطاعتنا كسر من يؤذينا لكننا أحن من ذلك 🖤💔!""
#نتلاقى..
