تاني يوم مشيت الشغل وكان عادي.لحد م جات مواعيد الفطور،،مشيت اشتريت سندوتش من برا،،ولمن جيت داخله العيادة لاقيت بيان..(بت خاله حسن)
اتخلعتا لمن شفتها،،هي لمن شافتني زاتا اتخلعت،،جات وسلمت علي بالاحضان وكيفك واخبارك،،قمتا قعدتها وقلتا ليها الا اجيب ليك سندوتش تفطري معاي بس هي ابت وقالت لي فطرتا والله،،قمتا قلتا ليها خير مالك عيانه؟؟قالت لي لاا قامت اتوترت وقالت لي ااايي ايي عيانه،،قلتا ليها مالك؟قالت لي شكلو جاتني جرثومه معدة لانو بتقوم علي طوالي والادويه البدوني ليها م بتنفع معاي ف قلتا اجي للدكتور د.يمكن يكون شاطر،،قلتا ليها ايواا الف سلامه ليك💕قالت لي الله يسلمك،،وانتي شغاله هنا ولا شنو؟قلتا ليها اي والله،،قالت اممم كويس طيب،،
قمتا قلتا ليها ح اكتب اسمك وح اخليك تخشي للدكتور ماهر طوالي،،قالت لي منو؟؟قلتا ليها اسمو دكتور ماهر،،عاينت لي مساافه وقالت لي ايواا طيب تمام،،فعلا سجلتا اسمها وكلمت الدكتور وخليتا تدخل،،قعدت كتييير شديد قريب الساعه،،ف النهايه لمن طلعت،،طلعت وهي بتبكي وقامت جاريه طلعت من العيادة كلوكلو،،انا اتخلعتا وقلتا مالا ي ربي💔💔ان شاء الله خير بس،،
باقي اليوم م حصل فيهو شي،،بس بالي مشغول مع بيان،،فكرتا اني امشي ليها واعرف الحصل،،
فعلا تاني يوم مشيت ليها ف بيتهم((عارفه بيتهم بوين لانو قبل كدا مشينا ليهم انا وحسن))
امها استقبلتي وسلمت علي،،قلتا ليها بيان موجوده؟قالت لي ااي ف غرفتها فوق امشي ليها،،وصفت لي وطلعتا،،دقيت باب الغرفه وسمعتها قالت اتفضل،،قمتا دخلتا،،قلتا ليها مفاجاءه💓اتخلعت وقعدت تضحك قالت لي احلى مفاجاءه💓💓سلمتا عليها وقعدتا،،قلتا ليها خير ان شاء الله الدكتور قال عندك شنو لمن طلعتي بتبكي شلتا همك والله💔عاينت لي واتوترت وقالت لي زي م اتوقعتها جرثومه معده،،رفعتا ليها حاجبي وقلتا ليها بلاي؟؟مدام انتي اصلا متوقعه انو تجيك جرثومه معده بتبكي مالك؟💔
قامت قعدت واخدت نفس طويييل وقالت لي اوبه💛انا من زمان برتاح ليك شديد واحنا اصحاب يعني من زمان وكدا ف ح احكي ليك يمكن تلقى لي حل💛قلتا ليها احكي سامعاك،،
بيان:طيب مع اني م عارفه ابدا من وين بس يلا
زمان اخوي سامي د كان متعقد لابعد درجه،،م كان بخليني اطلع اشم هوا وطول اليوم حابسني💔،،لحد م جا اخوي ملهم الكبير من السفر لانو كان مغترب،،لمن جا واستقر هنا وشاف معامله سامي لي وانو حابسني ود.كانت عامله لي نفسيات وحتى صحباتي بقو لمن يطلعو م بحسبوني ولا بوروني اصلا لانو عارفين سامي م ح يخليني،،ف ملهم لمن جا قام فكاني،،وبقى يقول لي اعملي الدايروهو تعويض عن الايام الحابسني فيها سامي،،،وكان بقول لي انا بثق فيك 💛
ف انا شوية شوية طلعاتي بدت تكتر،،وطول اليوم مع صحباتي ولمن لقيت ماف زول ف البيت بسالني،،بقيت بتاخر،،وبرضو ماف زول بسالني،،ف بقيت شوية شوية اتعرف ع اولاد،،واتكلم واتونس معاهم،،والحال زي م هو ماف زول سائل فيني،،
لحد م يوم ربطت لي مع واحد اسمو مروان وعرفتني بيهو صحبتي اسمها فرح،،،وعندي صحبني اسمها زينه كانت بتقول لي ابعدي من فرح د م كويسه وو..الخ
انا الكلام بدخل بي اضان وبطلع الاضان التانيه،،
لحد م وصلتا مرحله اني اشرب خمر،،ود كلو فرح معاي ،،لمن اطلع من البيت بكون لابسه عبايه بس بتحت بكون لابسه لبس كعبب💔وعادي بلاقي الاولاد وبكون عندي معاهم موعد والموضوع كان بالنسبه لي ايزي،،
لحد م وصلتا مرحلة.. واستغفر الله العظيم يعني انا توبتا ،،وصلتا مرحله اني امشي شقق مع مروان حبيبي💔💔
ود كلو زول بسالني ماف..ف انا كل يوم بزيد الجرعه زياده..
