طبعا لمن سمعت كلام رائد ،،عرفت قدر شنو هو متألم
ومتأزم من حته انو ابوهو بعيد منو وف نفس الوقت م قادر يتكلم معاهو بحرية كأنو ابوهو فعلا نسبه للمشاكل الحاصلة💔💔بقيت م عارفه ارد ليهو بشنو بس بعاين ليهو،،بس دخل مصعب ف اللحظه دي بدون انتبه لي انو سمع كلامنا،،مشى لي رائد وقعد تحت رجلينو،،وكان باين عليهو انو كان معصب،،بس هدأ كدا وقال ليهو،،رائد انت بقيت كبير،،وعارف براك المشاكل الحاصلة د كيف تجي تقول لي امك ارجعي ليهو؟ايي انا م بلومك ف حته انك عايز تبقى زيك وزي الناس امك وابوك جمبك بس كمان انت م تفكر ف نفسك ،،م ختيت ف بالك انو بعد السنين دي كلها والعذاب العاشتو امك د ممكن تفكر ترجع ليهو تاني؟؟ امك دي نهائي م عاشت حياتا،،كانت في مرحله اكبر من عمرها،،وقضت عمرها كلو تربي فيكم ،،وتعببت تعبب م عارفو الا الله💔تفتكر د لمن ترجع لي ابوك انت ح تنبسط ولا هي ح تنبسط،،انت م تفكر ف نفسك بس،،فكر ف العواقب التانيه الح تترتب على الحاجه د،،خليك عارف ماف حاجه بترجع،،ابوك امشي ليهو في اي وقت م حميناك وامك ياهو بتجيها وبتقعد معاها،،لكن امك وابوك يتلمو سوا د ماف💔،،
رائد بقى يعاين ليهو ويحمر ليهو شكلو اتغاظ من كلامو ،،قال ليهو انت الدخلك شنو؟؟انا بتكلم مع امي ود مشاكل عائلية 💔،،طوالي اديتو كف،،
قلتا ليهو رائد متين انا علمتك ترفع صوتك على زول اكبر منك وتتكلم معاهو بالاسلوب د؟؟،،
رائد نزل من السرير وبقى يعاين لي،،وانا بحمر ليهو،،بس فجاءه ابتسم وقال لي كويس كويس ومشى،،
قلتا لي مصعب معليش لانو ر...قاطعني قال لي م كان تضربيهو هسى انتي عقدتي المشكلة زياده،،قلتا ليهو م تخاف برجع زي الم حصل شي،،اصلا هو كدا م بزعل لوقت طويل،،قال لي لكن د كان زماان هسى الزول د والله كبر وفي فتره مراهقه ومرحلة صعبه وعادي لو ضربتي يمشي من البيت،قلتا ليهو لا م للدرجه د ويلا ماشى اجهز الغداء،،قال لي طيب
ومشيت..
#في جانب بيان..
سامي مسكها من شعرها وبقى يشلت فيها،،قال ليها دا اخر م اتوصلتي ليهو من الانتطلاقه صح؟؟اديتك حريتك وانتي ماشاء الله عليك غتسطي راسنا،،
بيان: ساميي عليك الله خليني والله توبتا😭😭💔
سامي بقى يضرب فيها شديد :اسكتي اسكتي م داير اسمع حسك،،اخر شي اتوقعتو انو انتي تربطي مع صحبي وتلعبي بي وراايي وبقى فيها شقق صح💔💔اصبري انا الا اشق راسك د
ساميي دقا بياان لمن جسمها كلو اتورم وكبا دم💔💔💔سامي مشى جاب المفتاح وطبلها جوه وقال ليها تاني تشمي الهوا قدحه وخليك جوه كدا لمن اشوف الزفت التاني الاسمو ملهم وسبب المشاكل د كلها موقفو شنو،،،
#في جانب مصطفى..
اول م دخلتا الغرفه القى ليك اخوها ماسك هديل من شعرها وبضرب فيها وقال ليها بس تاني القاك مع البت دي تاني ويلا قدامي،،
لمن جيت اوقفو عاين لي من فوق اي تحت وعاين لي هديل نظام د منو،،قلتا ليهو انا مصطفى ممكن افهم الحاصل شنو؟؟،،قال لي عايز تفهم لشنو،،ومصطفى منو زاتو؟،،قلتا ليهو هديل اختي زي م هي اختك،،
قام ادا اختو عين حاره نظام بقيتي تعرفي اولاد يعني(انا ولد وبعرف النظرات دي)
وهديل بس بتبكي،،م اشتغلتا بي اخوها ومشيت ليها قشيت ليها دموعها بيدي،،وقلتا ليها بتبكي مالك هسى،،موش كنت بقول ليك م تبكي قدامي تاني،،بس بقت تبكي زياده،،بس قام اخوها قال لي اهااااا انت مصطفى صاحب هديل؟؟وبقى يعاين لي هديل،،
بس اخوها جا اداني بنيه😂لمن اتعترتا،،هو طبعا في الجامعه كدا،وصحتو كويسه،،قلتا ليهو م ح ارد ليك هسى،،
وبقيت بقول لي هديل يلا لبعدين،،قام اخوهو ثبتني ورفع لي اصبعو،،وقال لي هيي انت شنو لبعدين؟؟
هديل د.تاني تشما قدحه وانا بعرف أادبا كويس بس انت ابعد.منها ولو لقيتك بس بتعاين ليها بقد ليك عيونك ديل يلا من هنا وزاتو ح اشيل تلفونا ونشوفك ح تعمل شنو،،بس بقيت بعاين ليهو،،وهديل تبكي💔💔لحد م مرقو،،
رجعتا البيت وانا قلبي واجعني ياخ💔ومتغايظ من اخوها شديد،،لكن ليهو حق يعمل معاي كدا،،هسى برضو لو في زول جا وصاحب لينه اختي بقتلو موش بدي بنيه بس،،بس برضو كنت متضايق من فكره انو انا وهديل تاني م ح نتكلم💔((الوقت داك ظهرت التلفونات الصغيره ديك والثابت))
دخلتا البيت وانا زهجاان واخلاقي فوق،،بس لقيت ليك مرت ابوي،،جات تتظارف معاي،،وانا بس بختصر فيها،،قامت قالت لي مالك زهجان كدا م تكون اتشاكلتا مع هديل؟؟،،بس لمن قالت كدا هجتا فيها..
انتي مالك ومالا ياخ؟؟سالتك هي؟؟خليك منها،،انا انا خليني في حالي ياخ،،براي م طايق زول،،وياخ عشان م تكتريها معاي اقول ليك كلام،،يلا انا زاتو م قاعد.هنا ماشي ،،وخليت ليكم البيت د،،
كلها اسبوعين وانتهي من امتحان الشهاده،،ومدام كدا كدا ابوي م شغال بينا وم جايب خبرنا،،احسن اقعد مع امي وابوي يرسل القروش هناك،،لاني قرفتا من البيت د صراحه،،قامت قالت لي هيي بسم الله مالك انت هسى هجتا كدا لمن قلتا ماشي؟؟،،قلتا ليها عليك الله م تكتري كلام براي زهجان،،
وطلعتا فوق وبديت الم في هدومي وقرفان من اي شي وهمي كلو مع هديل💔،،
والله يعني صراحه كدا هي بالنسبه لي اكتر من صحبتي،،يعني انا قدر م احاول اوصفا م بقدر،،يعني زوله طييبه وقلبها ابيض💜وظرييفه شديد وم عندها حركات البنات والغتاته ،،وبعدين يعني هي سندي بالجد وزي م بقولو الصديق وقت الضيق،،يعني انا بعد.م اتعرفتا على هدييل عمري م فكرتا اصاحب زول تاني لا ولد ولا بت غيرها،،💜
يعني بالجد كل م امشي ليها زعلان ومهموم من تالت بتهديني وبتقنعني بحاجات كتيره💜(اصغر مني بسنتين،،هي ف اولى ثانوي،،واتلاقينا ف كورس المدرسه )
،،يعني مراااتت عاقلة ومرات روشة،،ومراات مسكينه وهادية ومرات عندها نفسنه كدا بتقوم عليها😂يعني والله بس ماف زول بعرفها زي م انا بعرفا💜💜،،وبحمد ربي عليها والله هي جاات دواء ومسكن لي💜💜💜
وحاليا انا فقدتها بسبب اخووها د💔💔والله يعني الحته واقفه لي ف حلقي💔،طيب ي ربي لي اخوها قال ليها م اشوفك مع البت د تاني؟ الحصل شنو،
لملمت هدومي ومشيت ناس امي..
استملتني ليك اسئلة كتيييره،،رغم اني زهجان لكن اصلو م اتزهجتا فيها ولا بينتا ليها اني زعلان من شي،لانو والله امي د الفيها مكفيها وبعدين لو وريتها وجع بتتوجع هي اكتر منك لانو انت منها💜،،بعد خلصت اسئلة ختيت هدومي وسلمتا على لينه،،سألتها من رائد ،،المهم حكت لي،،
وطبعا عملتا فيها زي الم عارف شي،،طوالي طلعتا مشيت كافيه كدا بحبو رائد،،💜
لقيتو قااعد،،سلمتا عليهو،،قلتا ليهو صدفه اتلاقينا؟؟،،هز لي كتفو نظام م عارف..
قلتا ليهو عاين ي رائد،،انا عارفك زعلان عشان شنو و...قاطعني قال لي عليك الله ي مصطفى انا م ناقص خليني ياخ،،
قلتا ليهو طيب براحتك لكن عايز اقول ليك حاجه،،
امي د تعبت فينا بما فيه الكفااية ولسه هي تعبانه،،هي متأزمه اكتر منك،،ومهمومه اكتر منك،،وموجوعه انو احنا م معاها طوالي،،يعني باختصار مهما حزنتا وزعلتا م ح يكون زي الحزن الحاسه بيهو امي،،ولاحظ!!هي للان بتربي فينا وبتعلم فينا،،اصلو م حصل يوم صرت في وشنا بدون سبب او م حصل اتزهجت فينا عشان شي بخصها،،رغم د كلو بتعاملنا كويس وبتحاول بقدر المستطاع انو تبقى لينا الام والاب سوا،،عشان تجي انت تقول كلامك داك؟ااي انا م بلومك ،،ليك حق تكون عايز ابوك جمبك،،انا زاتي عايزو جمبي،،بس كماانن م ع حساب امي صح؟؟
هسى انت استفدتا شنو يعني؟؟،،بدل م نقيف معاها عشان م تحس انو هي تعبانهه ف الفاضي تجي انت تثبت ليها انو هي فعلا تعبت وم ربت،،خليك زول مسؤل،،وكلنا شايلين عمر م عمرنا،،بس يلا قدر ربنا ودي نصيحتي ليك💛💛✨
ومشيت رجعتا البيت استحميت واكلتا ولقيت امي بتقري ف لينه،،
قدتا شوية كدا رائد جا واعتزر لي امي ومصعب وامي باستو وقعدت تبكي الا انا هديتا بعد تعبب،،
المساء كدا..كلهم نامو الا انا بتلقب ف السرير وبفكر ف هديل💔،يعني بالجد د اسوا يوم مر في حياتي💔💔،،هسى انا اعمل شنو💔الحمدلله الحمدلله غايتو المصايب كلها ف يوم واحد💔
#نتلاقى..
