ف يوم وانا راجعه من الشغل اتصل على مصطفى(ابوهو جاب ليهو تلفون)،،رفعتا السماعه وقلتا ليهو اهلين حبيبي كيفك؟💙قال لي كويس الحمدلله ورائد ولينه كويسين كيف انتي؟،،قلتا اسال اطمن عليك،،قلتا ليهو كويسه انا الحمدلله💙،،اها اتغديت؟؟قال لي اايي،،قلتا ليهو بشنو؟،،قال لي شاورما😘،،قلتا ليهو من وين جبتها؟،،قال لي وفرتا قروش المدرسه البديني ليها ابوي واشتريت شاورما لي ولي اخواني وابيت اقول ليهو جيب لي😒ف وفرتها💙💙قلتا ليهو ايواا تمام ف خيانات😭😂😂،،قال لي حقتك قاااعده هسى انا جايي عليكم،،قلتا ليهو اجي؟؟جاي تسوي شنو،،امشي اقرا ي ولد انت ممتحن،،قال لي ي الله ي امي ياخ انا كل م اقول ليك حاجه انتي تقولي لي امشي اقرا،،زهجتا من القراية د،،قلتا ليهو غلطانه انا الدايرة مصلحتك ودايره افتخر بيك،،قال لي تمام تماام وقفل،،
قلتا اجيي ي خواني؟،،هسى د مالو،،غايتو قلة ادب شديدة،،
رجعتا البيت وسلمتا ع خالتي وع مصعب ومشيت استحميت ونمتا،،صحيت تاني يوم من التعب😭💔انا كبرتا ياخ بقيت م بقدر ع الشغل د😂😭💔عمري 35😂😂😂،،لمن اكون مع مصطفى بقولو ليهو د اختك،، غايتو ياهو الطقوني عين 😂😂،،
اها مشيت الشغل وكان يوم متعب ياخ💔،،رجعتا البيت متأخر ومصطفى نهائي م ضرب لي تاني،،
زعلتا منو وقلتا م بضرب ليهو،،رجعتا البيت،،لقيتو صاني كدا،،دخلتا جوه لقيت الانوار مقفله،،قلتا شكلو الكهرباء قطعت😂اها مشيت استحميت ولبستا لي جلباب كدا وكنت ماشى انوم،،دخلتا الصالون عشان غرفتي بعد الصالون،،اول م دخلتا بس الانوار ولعت،،واسمع ليك صفافير مصطفى والبوالين والورود والتورته والبارد والكيك والشاي والسندوتشات💙💙💙💙💙💙💙💙✨،،مصطفى جاني وباسني ف راسي قال لي كل سنه وانتي طيبه ي احلى ام ف الدنيا💙💙💙💙✨ودمتي لينا والله م يحرمنا منك💙💙💙💙✨واسف لو زعلتي مني ف التلفون😂💙،،جات طايرة لينه ونطت فيني وقالت لي كل سنه وانتي طيبه ماما😄💜💜💜✨ورائد برضو جا وباسني ف راسي قال لي كل سنه وانتي معانا ودايما مفرحانه وباسطانه والله يمد ف عمرك ويحفظك لينا💜💜💜💜💜✨،،وجات خالتي ومصعب قالو لي كل سنه وانتي طيبه💜💜💜
طبعا انا م قادره اوصف ليكم فرحتي د قدر شنو😭😭😭♥♥♥♥♥♥♥♥ياخ والله قعدتا ابكي بكى
💜💜💜💜💜
مصطفى جا ومدا لي بوكس واداني ورقه وقال لي البوكس د مننا كلنا♥♥♥♥♥قلتا ليهو م كان تتعبو نفسكم انتو براكم هدية والله💜💜💜
المهم اكلنا وقطعتا التورته وطبعا مصطفى لازم يتعاور جا ولخبطني بالكريمه😂😂قال لي هسى علسك الله د جلباب تلبسيهو والشعر مباالغه😂😂😂قلتا ليهو انا عرفني شنو انكم جايين وح تعملو لي عيد ميلاد عشان اتجيه واسرح شعري😂😂❤ ،،بقى يلخبطني بالكريمه ،،قلتا ليهو مصطفى الشي د احنا بناكلو،،انت لو عايز تتجلبط استنى اديك قطعتك وجلبط روحك😂😂😂،،قال لي لي كدا ياخ💔😂😂😂😂،،
المهم كان يوم زااابط شدييد وكانت لمه حلوة وبالجد فرحتا💜💜💜💜
قلتا لمصطفى بايتين معانا صح؟؟قال لي والله كنت عايز ابيت لكن بكره شغال امتحانات والله،،قلتا ليهو لي م وريتيني؟قال لي هو ادونا الجدول الليلة،قلتا ليهو م مشكلة،،خلاص خلي رائد ولينه معاي ،،قال لي طيب،،
وقعد شويه كدا وقال لينا هي ي جماعه لي الخميس الجاي،،قلتا ليهو بالتوفيق💜ذاكر كويس واكل كويس وانتبه لنفسك،،قال لي ان شاء الله يلا مع السلامه💜
#نتابع بلسان مصطفى..
رجعتا البيت ولقيت صفيه مرت ابوي واقفه لي ف الباب،،قالت لي صووفي💜💜اخيرا وصلت كنت راجياك،،ووين اخوانك طبعا انا واقعه لي ميه الميه ،،قلتا ليها امممم ان شاء الله خير واخواني مع امي بايتين وانا جيت عشان عندي امتحانات،،قالت لي اكلتا؟؟ومالك اتاخرتا كدا،،
كنت بطلع ف جزمتي ،،قلتا ليها اكلتا ااي،،قالت لي طيب امشي نوم بيبي💜،،م رديت عليها وطلعتا غرفتي،،
شلتا لي بجامه ومشيت استحميت،،طلعتا وقعدتا ف الكنبه ومسكتا كتابي وبقيت بقرا،،
شوية كدا غلبتني القراية،،مشيت جبتا ورقه وقلم وبديت اقرا واكتب لحد م قدرتا احفظ،،كنت شايل حاسوب💜،،امي قالت لي عاد مخير الله،،هسى الاحياء د.عيبها لي ولا الهندسه د عيبها؟قلتا ليها حاشاهم العيب بس انا داير حاسوب😂😂😂
قعدتا ساعه كامله وانا بقرا،،بعدها مشيت البلكونه(عندي بلكونه ف غرفتي)
بقيت واقف وبعاين للشوارع،،فجاءه تلفوني ضرب وكانت هديل،،قالت لي وين انت؟قلتا ليها كنت بقرا😴،،لكن زهجتا ياخ وقمتا قعدتا ف البلكونه وهسى ح امشي انوم طوالي،،
قالت لي انا موش قلتا ليك كل م تزهج من القراية اتذكر امك التعبانه فيكم د،،واتذكر انو هي معتمده عليك انت لانو انت الكبير،،اتذكر انو امك واخوانك معتمدين عليك،،م لازم تزهج وتكسل من القراية،،
اجتهد واقرا وجيب نسبه سمحه عشاه تقرا جامعه سمحه وعشان تلقى شغل سمح وتريح نفسك واهلك وتسكنو سوا بدل كل واحد ف جهه،،
قلتا ليها دقيقه دقيقه مالك هايجه كدا😂😂😂😂
اصلا انا كنت ح اقوم واقرا الصباح بدري قبل مواعيد المدرسه ،،💜واصلا مستحيل انسى امي واخواني ديل 💜💜قالت لي تمامم💜💜يلا تصبح ع خير واظبط منبهك د كويس عشان تقوم بدري💜
قلتا ليها طيب تمام♥وانتي من اهلو♥
قالت لي بااي💜،،قلتا ليها انا موش قلتا ليك م تقولي لي باي تاني😒،،قعدت تضحك قالت لي طيب طيب مع السلامه💜قلتا ليها بحبك ♥قالت لي بكرهك😘💔قلتا ليها برضو بحبك💜،،قالت لي يلا يلا انقلع،،وقفلت الخط..
#طبعا كلكم ح تقولو د حبيبتي😂بس د صحبتي والله💜💜وعادييي م بينا حواجز نهائي وكلمه بحبك د بالنسبه لينا عادية💜واصلا هي م بقولوها المربتطين بس ف عادي يعني😂💜
المهم اتلاقينا ف الكورس ومن وقتها بقت زولتي ،،وامي عارفاها وكل مره بتتكلم معاها😂😂😂وتتونس معاها،،قلتا ليها والله م عارف هديل د.صحبتي ولا صحبتك😂😂
اها زبطتا المنبه وقمتا تاني يوم قعدتا اقرا لحد م دخلت الامتحان ..وكان سااهل الحمدلله،،رجعتا البيت لقيت هديل ضاربه لي،،رديت ليها،،قالت لي اها الامتحان كيف؟،قلتا ليها لا تمام شديد💜💜 قالت لي الحمدلله💜💜اها يلا قد،،م خليتني أكل زاتو كنت شايلة همك😂😂،،قلتا ليها انتي.؟؟؟معقوووووله هديل تخلي الاكل عشاني؟؟الليلة انتي محمومه؟،،كدي اديني امك النتأكد😂😂،،قالت لي امشي ي معفن م تستاهل والله😂😂قلتا ليها خلاص يلا لبعدين بضرب ليك تاني،،قالت لي طيب♥
مشيت المطبخ اشوف لي شي اكلو،،
كلوو م عجبني بس نفسي جات ف الزيتون♥،،حشيت زيتون بجبنه ولفيت ماشي غرفتي،،بس القى ليك مرت ابوي قدامي😒💔!،،انا شاميها واخلاقي واصله فووقق منها😒💔...
#ليس كل شي يستحق المحاربه والتضحيه من اجله ي عزيزي♥✨
#نتلاقى..
