ابوي كان بين صاحي ونايم،،بقى بهبش ف عيونو عشان يشوف كويس،،قال منو؟؟،،قلتا ليهو انا ي ابوي💔،،عاين لي كدا😳😳😳مااب؟؟،،في شنو مالك؟،،قلتا ليهو خليني اخش بحكي ليك،،زحا لي من الباب ودخلتا،،قلتا ليهو ابوي معليش الوقت متاخر💔،،قال لي ي بت قولي بسم الله ف شنو؟،،قعدتا في الكرسي وقلتا ليهو اقعد كدي،،قام قعد،،قال لي احكي ف شنو ""وكان ملهوف وخايف💔""
قلتا ليهو والله صراحه انا م دايره اقعد مع حسن د تاني،،قال لي كيف الكلام د؟،،دا راجلك،،قلتا ليهو بس ي ابوي انا م دايره اقعد معاهو،،وبديت ابكي💔،،ابوي حضني قال لي م تبكي ي بت كدي قولي بسم الله واحكي لي،،قلتا ليهو ماف شي بس م دايره اقعد معاهو،،ف اللحظه دي مرت ابوي جات وقالت دا منو الفي الباب دا ي محمداحمد؟(((نسيت اقول ليكم انو ابوي اسمو محمداحمد وامي سوسن💓)))
ابوي قال ليها اي دي ماب،،
جات وسلمت علي قالت لي ان شاء الله خير؟،،ابوي قال ليها كدي هسى خليها ترتاح دخليها غرفتها وبكره نشوف الحاصل،،قلتا ليهو لا بدخل براي ماف مشكلة💓وعاينتا لمرت ابوي قلتا ليها معليش جيتكم ف وقت متاخر،،قالت لي البيت بيتك،،
دخلتا غرفتي ورميت الشنطه وطوالي رقدتا ف سريري ،،،بقيت راقده وبعاين ف السقف،،وبتذكر ف ايامنا الحلوه انا وحسن❤،،هسى احنا قربنا نتم السنه وكمان جايينا بيبي في الطريق وختيت يدي ف بطني❤❤بس م عارفه حياتنا ح تكون كيف،،اذا احنا هسى بدينا نتشاكل وحسن بقول عني م مربية ولافه طيب لقدام ح يقول لي شنو؟؟،،ح يطلعني شنو المره الجايه؟،،دموعي جات نازلة💔💔،،م عارفه بس في اللحظه ديك اتمنيت اني اولد سريع واقعد مع جناي ويونسني❤❤،،بقيت بتخيل ح يطلع يشبه منو؟،،ان شاء الله يشبهني😂😂بس ح اسميهو منو؟؟،،طيب لو طلع ولد بسميهو رائد او وسيم❤اما لو طلعت بت ح اسميها..هيام او عناب 💓،،اثناء م انا بفكر ف الاسماء نمتا❤..
تاني يوم صحيت اتسوكتا وصليت ومشيت المطبخ،،لقيت مرت ابوي عملت الشاي قالت لي تعالي كبي ،،وشكلها زي الزهجانه مني،،قالت لي امبارح مالك طلعتي من بيتك متأخر كدا ان شاء الله خير😒،،قلتا ليها خير بس بقعد كم يوم هنا وبرجع😊،،قالت لي اهااا لالا تمام ومشت،،كبيت وشربتا الشاي وبقيت بس قاعده بفكر،،لو حسن م جا صالحني ح اقعد مع مرت دي كيف؟؟،،والله د قصه واخرها لسه،،😯💔
جاني ابوي صبح علي وقال لي كبي لي معاك شايي،،كبيت ليهو وقعدنا ف الحوش،،قال لي عاييني ي بتي،،انا م برضى فيك الشينه وانتي قولي لي عدييل الراجل د عمل لي كدا وكدا وكدا وان لزم الامر طوالي طلاق وتجي تقعدي معاي،،مرت ابوي سمعت الكلام قالت ليهو كيفن يعني طلاق؟؟،،انت بدل تقعدهم مع بعض وتصلحهم تجي تطلقهم،،طبعا انا فهمتها ليك انو م عايزاني اقعد مع ابوي،،ابوي قال ليها والله الحاجه د بترجع ليها لو عايزه تقعد معاهو عشان خاطر البيبي الفي بطنها د م مشكلة ولو عايزه تطلقيهو الا بعد تضعي لانو م بقع الطلاق،،قلتا ليهو طيب بفكر وبوريك ي ابوي،،قال لي خلاص تمام انا هسى ماشي الشغل يلا فتك بالعافيه،،قلتا ليها مع السلامه❤،،مرت ابوي لوت لي بوزها وقالت لي احسن ليك تتعدلي ي بت وختي مخك د في راسك واقعدي ف بيتك واستري نفسك وكوني ليك اسره تنفعك بدل الشكل وخراب البيوت د م بنفعك،،قلتا ليها كلامك صاح والله بس كمان ف مواقف بتخلي الزول م برجع ويمسك بيتو تاني ،،قالت لي ي بت هي هاا انتي لو بقيتي مرا وست بيت بتقدري تمسكي بيتك وتخلي راجلك خاتم ف اصبعك بلاش حركات البنات المدلعات ديل،،ضحكتا وقلتا ليها كلامك على عيني وراسي بس كمان الحاجه لمن تبقى ليها علاقه بمستقبلي معاهو ومستقبل اولادي يبقى وجب التفكير وان شاء الله بقرر انا وبوري ابوي😊يمكن م ينفع معاي واتطلق ،،
عاينت لي وقالت لي غايتو جنس دلع،،انتو دايرات رجالكم يدلعوكم وطوالي يغشوكم بالكلام السمح وم دايرين التعب ولا الشقيان اي شي جاهز ،،،بري بري عاد اولادكم يطلعو خيابه سايي،،
قلتا ليها لي انتي هسى ابوي د م مدلعك؟؟م جايب ليك عربية؟؟وم عامل ليك بيت ومسجلو باسمك؟؟وم جايب ليك داك ي الدهب الم خمج؟؟وم بتعامل معاك كويس؟؟،،م بحترمك؟م بقدرك؟؟دايره اكتر من كدا شنو؟؟،،العملو ليك م عملو لي امي،،😒
(م عارفه جاتني القوة د من وين وقلتا ليها الكلام د💔)
