من بعد موت والديه و ولا يتيم لافامي تع باباه واحد ما سيا يروح يتلها بيهم ولا يشدهم عندو كان مور الباب تع الشومبرة يسمع فيهم متفاتنين كل واحد يقول لوخر نتا أديهم عندك أنا عندي ولادي دخل أحمد شاف فيهم ڨاع بخزرة يخرج منها النار
أحمد:ما نروحو مع حتى واحد نقعدو فدارنا ،كانت عندهم خالتهم ماشي متزوجة هي تكفلت بيهم و كان هذا كامل. باه تدي الخاصة تع بالاهم كانت غير تع سهرات و لعب ما كانت تحوس عليهم ما تقضيلهم ما يشوفوهتش من السمانة للسمانة تجيبهم شوية ماكلة تكفيهم لنهار واحد و تروح
بدات القراية و الذراري صغار وحدهم فهاذيك الدار مزية يسكنو فلاسيتي عاستها الحكومة بحكم باباه و يماه كانو يخدمو مع المخابرات كانت لابوليس تحقق فالموضوع تع والديهم و ختهم و لكن واحد ما مهتم
دخل أحمد للدار لقا خوه أنس يبكي و أنيس يسكت فيه
أحمد:واش بيك أنس!؟؟
أنس: راني جيعان كرشي راهي دارتني !!😢😢
راح أحمد يحوس على كاش حاجة ياكلها ما لقا والو يقدرو ياكلوه
هبط جارتهم دقدق عليها ستنا شوية فتحتلو الباب
الجارة:غير الخير واش تستحق !!😑😒
أحمد:طاطا تقدري تمديلي كاش عفسة ناكلوها أنا و خاوتي
الجارة:وقيلا رانا نخدمو عليكم !! أنا ولادي و بسيف نوكل فيهم و نزيد همك نتا و خاوتك !!
أحمد؛معليش مديلنا غير خبز !!
الجارة: ما عنديش و غلقتلو الباب فوجهو !!
دمعو عينين أحمد مالظروف لي لحقو ليها يطلبو من عند الجيران الخبز باباه كي كان حي ما يخليهم يحتاجو والو كان موفرلهم كلش
"دموع اليتيم تهز عرش الرحمان"
كان طالع أحمد لخاوت. و يخمم واش يقلهم سمع أحمد جارتهم نعيطلو مالتحت
الجارة :أحمد أحمدددد!!
خبط أحمد يجري و يمسح فدموعو بكف يدو
الجارة:نمدلك الماكلة نتا و خاوتك بصح عندي شرط !! علابالي نتا تعرف لي لونڨ قريلي وليدي كل يوم الفرونسي نمدلك كل اليوم سندويتش ليك و لخاوتك
فرح أحمد من عينيه
أحمد:ماعنديش مشكل طاطا
الجارة: نمدلك ليوما و غدوة تبدا !! أقعد عند الباب نوجدلك ونجي
غلقت الباب فوجهو قعد يستنا فيها أحمد بعد 5 دقايق مدتلو 3 سندويتش ليه و لخاوتو طلع أحمد يجري و فرحان لخاوتو.
طبطب على الباب حلو خوه أنيس
أحمد:وين راه أنس!!
أنيس:راه راقد
أحمد:روح عيطلو جبتلكم الماكلة
فرح أنيس و ولا يصوطي !!
أنيس؛من وين جبتو !؟
أحمد؛ماليوم نبدا نقري زكرياء الخراي الفرنسي و يماه تمدلنا الماكلة
أنيس:😟😟
أحمد: هاك روح حط الماكلة و أنا نوض أنس و نغسل يدي و نجي ناكلو
أنيس وجد الطابلة و جبد كامل الطباسا حطهم شباح فوق الطابلة لي يشوف يقول رايحين ياكلو بزاف صوالح
دار السندويتشات فالطباسا حط الماء و فرغهم فثلث كيسان و حطهم قدام الطباسا
قعدو ياكلو و يضحكو ناسيين همهم
أحمد:أنيس كمل ماكلتك !!
أنيس:لالا خلي هاذي الشوية غدوا الصباح ناكلها كي نولي رايح للقراية 😊
أحمد:😊😊كيما تحب
///////////
نورجان : بش بش بش أرواحي يا بيشة
كانت عند الباب تع دراهم فوسط الغابة و تلعب مع قطة
راحت هذيك القطة تجري فوسط الغابة تبعتها نورجان موراها
رجعت لدارهم و هي رافدة القطة فيدها
شافت رجال واقفين عند دارهم راحت تجري تخبات مور الشجرة ما فاتنش دقيقة شافت دارهم تتحرق و يماها مالداخل تعيط دارو هذوك الرجال رايحين و كان باباه يترأسهم
بدات تبكي باىتخبية باه مايشوفوهاش
راحو و هي راحت تجري للدار اللي كانت تطيح و تعيط : ماااماااا ماااماااا!! 😢😢😢😢
بدات تطيح الشتا ناضت نورجان دخلت فوسط الغابة تمشي و تبكي
دخلت فالمدينة و كامل يشوفو ليها يحوسو يعرفو واش بيها
قعدت عند لابوبال و شدت كارطونة تغطات بيها و ترجف مالبرد ما حستش غير بواحد رفدلها هذيك الكارطونة و بدا يشوف ليها لقاتو طفل
أحمد:واش بيك!؟؟ علاه ماكيش فداركم 😕
نورجان: 😢😢دارنا تحرقت !!
أحمد: و ماماك و باباك!؟؟
نورجان:بابا قتل ماما 😭😭😭
قعد قدامها أحمد على ركابتيه و عنقها
أحمد:خلاص أسكتي!! تجي تسكني معايا أنا و خاوتي !؟؟
نورجان:صح!؟؟ 😟😟
أحمد:إيه
ناض أحمد نفض سروالو و مدلها يدو !!
أحمد:أيا نوضي
شدت نورجان يدو و ناضت راحت معاه من جيهة وحدوخرا
أحمد؛شوفي هنايا ما يخلوكش تدخلي حتى يعرفو عليك كلش و باينة كي نتي صغيرة ما تقدريش كاين هنايا باب صغير ما يفوتكش لازم نكسروه أنا و خاوتي أقعدي هنايا نروح أنا و خاوتي و نكسروه الجيهة لوخرة أوكي!؟
نورجان:إيه
قعدت نورجان تستنا و أحمد جاب خاوتو و جابو مارطو من دارهم يكسروه و مزية كان النهار كان الحس تع ذراري يلعبو و تع الطونوبيلات و دخلوها
راحو لدارهم دخلوها
أحمد:أنيس انس هاذي جات تعيش معانا لازم واحد ما يسمع فهمتوا
هزولو خاوتو بريسانهم تع إيه
عاشت معاهم نورجان بدات تلبس من حوايجهم و تاكل معاهم يقسمو معاها
و كانت كي جي عمتهم يخبوها فالخزانة تاعهم ما تشوفهاش
بداو يعلموها تقرا أنس المات و كيفاه تحسب أنيس الحروف و العربية و أحمد كان يعلمها الفرنسي
لقاوها مليحة فكلش تعرف صوالح من بعد الحروف بدا يعلمها أنيس الجمل
حطلها جملة قدامها و قالها أقرايها
"أكل أحمد التفاحة"
نورجان:راهي ناقصة أرقام هاذي الجملة
أنيس:ما خص والو
نورجان :أنا مانيش مداري نقرا هكا
أنيس كفاه مداري تقراي!؟؟
نورجان:نمدلك مثال
"✓معاعلةمااءس5يملدو"
"✓475"
نورجان:هاذي معناها موعد العملية 5 مساءا
أنيس:😕😕😮😮😮راكي غالطة شكون وراهالك
نورجان:أستادتنا قراتهالنا
أنيس:راهي غالطة الاستاذة أرواحي نعلمك
علموها كلش فظرف شهرين
وحد النهار كانت وحدها فالدار كانو راحو يقراو دخلت الشومبرة تع يماه و باباه قاعدة تشوف فيها طاحت عينها على خاتم يماه راحت رفداتو و تشوف فيه دخل أحمد :واش راكي ديري !؟
نورجان:والو ني نشوف برك!!
أحمد:عجبك الخاتم!؟؟
هزتلو راسها بإيه
أحمد:هاذ الخاتم تع ماما و نشالله كي نكبر نعطيه الطفلة لي نحبها
نورجان: 😊
هذاك النهار كانت الشتا دايرة حالة الريح و تريسينتي راحت
بدات تبكي نورجان راح عنقها أحمد
أحمد:واش بيك !؟؟
نورجان ؛ني خايفة
أحمد:ما تخافيش ني معاك راح أنس زاد عنقها هو و أنيس
أنت تقرأ
أَقْنِعَة مُزَيَفَة
Actionلكثرة الجواسيس في عصابة السيبال و سهولة حصول المخابرات العسكرية على ملفات العمليات إخترعت هذه العصابة طريقة بكتابة الملفات تسمى ب"التقسيمات" لا يجيد هذه الطريقة سوى زعماء العصابات و من تربى على أيديهم ، خوفا من إكتشاف السر يتزوج الرئيس بنساء يتم إخ...
