ناض أنس راح قعد مقابلها و طلع حاجبو ؛طحتي!!!! 😕
عيطت راسها و سيات تبعد عليه
إحسان:موسيو أنس هاوليك الدوسي درت لي ڨروب لي يروحو
فهم أنس بلي ماهيش حابة تهدر شاف ليها شوية أومبعد دا الدوسي قراه صابها دارت كلش مي مالقاش إسمها
أنيس: وين راكي نتي!؟؟
إحسان؛😅😅حبيت نهدر معاك فهاذ السيجي!!!😧😧أنا مانيش حابة نروح !!
أنيس:وعلاه ا لالا!!!
إحسان؛ بسك عندي يما مشلولة لازم نبقى معاها !!
أنيس؛ما عندكش لي يهتم بيها!!؟
إحسان:سي عندي وحدة تبقى معاها و عندي خويا بصح أنا لي قائمة بكلش لازم ما نخليهمش وحدهم
أنيس:ما راحليش فهاذ الهدرة ماللول علابالك خدمتك واش فيها !!ألور يا الخدمة يا راه قدامك الباب يفوت جمل (ناض أنيس من بلاصتو و قعد مور بيروه يخدم خدمتو ) خرجت إحسان من البيرو و هي تخمم واش دير حالة خوها ما تسمحلهاش تروح و زيد الخدمة تستحقها باه تصرف على الدار و دوا يماها !!!
/////////////
كان فطوموبيلتو و يهدر فالتيليفون مع زاكي
أحمد:خلاص قتلك نجي غدوة و نفريهالك !!!
زاكي:قول والله!! سيبون الطباخ راهو عليك
أحمد:هههه أيا أوكي!!مي ما نخدمش باطل!!
زاكي:يا بنعمي الدراهم لي عندك ما كفاوكش !!!
أحمد:شكون قلك دراهم!!!
زاكي؛ههه إيه واش راك تحوس!!
أحمد:والله أنا و ماعلاباليش أومبعد نشوف و نقلك!!
زاكي؛أيا خلاص صاحبي غدوة نشالله !!
أحمد؛نشالله
كوبا عليه و كمل يسوق حتى لوين حبستلو الطونوبيل
أحمد:دوكا هذي واش صرا لر***
خرج يشوف واش بيها ما عرفش
شاف لساعتو راهو روتار على الخدمة لازم يروح
رفد تيليفون عيط للديباناج و وصل أنس يجي هو يوقف على الطونوبيل راح وقف فلاري تع لي بيس ركب عيطولو من الخدمة بسك كان روتار كان يسيي يسمع و يهدر مع السكريتار تاعو بصح صوت الضحك ما خلاهاش يهدر دار يحوس شكون هذا اللي راه يضحك لقاها طفلة شاف ليها خزرة ما تعجبش قال بلاك تفهم روحها بصح هي ما شافتوش
دار ليها:سمحيلي ختي تقدري تنقصي صوتك شوية ما راكيش وحدك!!!😕😕
الطفلة:باردون😅😅😆!!
حشمت الطفلة الناس كامل تشوف ليها و زيد أحمد حشم كي حشمها قدام الناس
ملي هدر معاها ما زادش سمع صوتها
كانت الطفلة دايرة نواضر و خيمار أكحل و لابسة تريكو فار ميليتار مرسوم فيه سويتي مع بونتالون نوار و أديداس فلفار و دايرة صاكودو فالنوار و رافدة صاشيات مع صحاباتها
نزل أحمد فالطريق قبل ما ينزل شاف الطفلة اللي هبطت راسها مالحشمة بصح هو قاعد يعقل وين شايفها
فات النهار نورمال
غدوة منذاك كانو يوجدو فرواحتيهم و لي فاليز باه يروحو لعرس زاكي صاحب أحمد و اللي كان دايرة كي خوه يدخلو لدارهم على ذيك كامل وحدو رواحتيهم لعرسو
كانو واقفين عند الباب يخرجو فدوزانهم هبطت رونق فالدرج بالشورت و تريكو عريض و لابسة بليغة شافت ليهم وين رايحين
أنس:نتي ما تروحيش!؟؟
رونق:و....
السي السعيد:لالا خليها هنايا ما نقدروش نعرفو واش دير ثماك
سمية:سيرتو ما راهيش فحالها
رونق:إيه كيما تحبوو
دارت رونق طالعة حبسها أحمد بهدرتو
أحمد:رونق وجدي روحك تروحي معانا !!أني نستنا فيك أنا تروحي معايا
دارت رونق باه تهدر شاف ليها تع تزيديش مور هدرتي
طلعت رونق توجد روحها
أنس:أحمد روح أدي جدي و روح أنا نستناها
أحمد:أنس نخليهالك بصح تهدر معاها هدرة خاسرة نتفاهم معاك
أنس:خلاص روح ما تخافش
راحو كامل و بقا أنس يستنا فيها هبطت لابسة جيب فالنوار و بيل فالڨرونا مع أديداس فلامام كولور و طالقة شعرها
شافت أنس دورت عينيها
رفدت فاليزتها خارجة كان عمبالها أحمد يستنا فيها
راح ليها رفدلها لافاليز و راح سبقها حطها فطوموبيلتو و ركب هي بقات رونق تشوف و مخلوعة تروح مع هذا العبد اللي يخرجها من عقلها
راحت ركبت قدامو ديمارا طريق كومبلي و هوما ساكتين
أنس:مزالت الطريق شوية طويلة رانا خارجين علا البلاد إذا حبيتي أرقدي
رونق؛داكور
جبدت من صاكودوها دوا تشربو
شاف ليها أنس
أنس:واش هذا !؟؟😕
رونق:دوا تع الرقاد!!😌
أنس:علاه واش ديري بيه!!؟
رونق :ما يجينيش الرقاد غير بيه
شربت رونق حبة و غلقت عينيها .
أنت تقرأ
أَقْنِعَة مُزَيَفَة
Actionلكثرة الجواسيس في عصابة السيبال و سهولة حصول المخابرات العسكرية على ملفات العمليات إخترعت هذه العصابة طريقة بكتابة الملفات تسمى ب"التقسيمات" لا يجيد هذه الطريقة سوى زعماء العصابات و من تربى على أيديهم ، خوفا من إكتشاف السر يتزوج الرئيس بنساء يتم إخ...
