راحت تضربو فقلبوا مي مزية كان أنس قدامها شدلها يدها و عوجها طاح الموس من يدها و حتى وين ولا ظهرها مقابل صدرو
أنس:وش راكي ديري هبلتي!؟؟
راحت تجري سمية لباباها اللي كان مخلوع من رونق
سمية:بابا بابا راك مليح أقعد فالكرسي
مدلو جمال كاس ماء و شربوهولو بسيف
دارت سمية لرونق اللي مزال شادها أنس
سمية:أنا قتلكم هاذي هبلت هاذي الدوزيام فوا ديرها!! و زيد راهي غير تكذب مانيش عارفة وين شافت هاذ الحكاية !! وقتاش تزوج سامي بأسماء الي كانت كيما ختو و وقتاش جابو ذراري مانيش عارفة
بقا أحمد و أنيس يشوفو واش راه يصرى بالسكات
ولات رونق تسيي تبعد أنس و تجبد فيدها بورتان توجعت
رونق:أطلقني أطلقني !! أنا مانيش مهبولة نكذب مانيش مهبولةةةة
مالقاش واش يدير أنس ضربها فراسها طاحت تغمت رفدها طلعها لشومبرتها
حطها فوق البونك نحالها صباطها و غطاها بقا يشوف ليها :زعمة واش قلتي صح و لا هبلتي!!؟
خرج مالشومبرة هبط صابهم ڨاع متلايمين فالصالون
سامي:لازم نجيبولها طبيب نفسي راهي تطور حالتها كانت تقول نتوما قتلتوا والدي و قريب قتلت جدي كيما اليوم و دوكا راهي جابت حكاية وحدوخرا
أحمد:مكانش منها واش كانت تقول
سمية:ياك علابالك بلي أسماء ماتت بكونسار و جامي صرات هاذ الحكاية و زيد علاه نخبوها عليكم ما فهمتش
السي السعيد:بعد موت أسماء ولات هكا ماهيش متقبلة موت ختها لازم نداووها قبل ما تروح فيها
أنس:لازم ندوها للسبيطار تداوا
أنيس:لالا دوك نعيط لصاحبي يشوف واحد مليح يجيبولها !! ماشي حفيدة البرناوي لي تداوا فللسبيطار و هاذا السيجي يبقا هنا و ما يخرجش
أحمد:صح مي قل لصاحبك يجيب طبيبة ماشي طبيب منقبلش راجل يدخل بيناتنا و يقعد معانا فدار فيها النسا!!!!
حرك أنيس براسو إيه !!
السي السعيد : أيا دوكا كول واحد يروح لخدمتوا
حرك أحمد راسو بإيه : أنس نتا تدي بلاصة أنيس فشركة الفحم و نتا أنيس تبدا في تع لانفورماتيك و أنا و سامي بتاع الزجاج
هزو كامل راسهم و راحو للخدمة
دخل أحمد البيرو نتاعو قعد فوق الكرسي و بدا يخمم بقاو يومين و يبدا بالخطة تاعو رفد التيلي و عيط
الرجل:خير سي أحمد كي راك !؟؟
شعل أحمد ڨارو دار رجل فوق رجل فوق البيرو
أحمد: بقاو يومين كل حاجة لازم توجد نصيب حاجة ناقصة واحد فيكم ما نرحمو و واحد يسمع بهاذ الخدمة ريسانكم يطيرو
الرجل:ما تخافش سي أحمد كلش واجد و كامل كونفيونص
معياش روحو أحمد باه يريبوندي كوبا فوجهو قاس التيلي فوق البيرو أتكى فالكرسي و طلع راسو جات بين عينيه موت ختوا توحشها أبري شاف تصويرة باباه و يماه و ختو طايحين و الدم داير بيهم كفاه ولا فدقيقة وحدة يتيم و كفاه فقد أختو اللي كان دايمن ينوم يخرجها نهار عرسها ختو الوحيدة اللي كانت كي الألماسة فعايلتهم و من بعد ماراحو كفاه كانو عمومهم يحوسو يحاوزوهم من دارهم اللي كانو ساكنين فيها كفاه كانو يباتو جيعانينو عمتهم ولا على بالها و خطرات يروح يقري ولد الجارة باه تمدلو سوندويتش يتقاسمو هو و خاوتو كفاه كان يروح فالصباح بلا ماكلة و الفطور كانو صحابو يجيبولو يغيضهم و هو بديها لدارهم فرحان يحط طباسا و الكيسان و يعمر طابلة ماعن على جال فتاتة ماكلة يتقاسمها هو و خاوتو و يعمر الكيسان بالما تع العين و خطرات الما لي تقضيهولهم عمتهم يتقشفو عليه حتى وين جا جدهم رجع من بلجيكا على جال ولاد بنتو كان عمبالو عمومهم متهليين فيهم راح لقاهم 3 ذراري وحدهم حالتهم حالة حوايجهم موسخين كي سقسا عليهم قالولو أحمد يروح عند الجارة يقري فوليدها باه يجيبلهم الماكلة و خاوتو يستناوه ب 10 عينين أول خطرة يبكي السي السعيد و يحن قلبو شعال غاضوه عنقهم و قعد يبكي داهم لدارو رباخهم قراهم وكلهم و علمهم حاجة ما خصتهم بعثهم للخارج يقراو و كاسب عمومهم اللي ما حنش قلبهم على يتاما و عمتهم اللي سرقتلهم دراهم حقهم من هذاك النهار حلف أحمد جامي يعصي جدو بالنسبة ليه منقذهم حلف ينتقم منهم واحد بواحد كل اللي شارك فحياتهم التعيسة يتحاسب حتى و لو شارك بمقدار ذرة بعد 13 سنة صبر و يستنى فالوقت المناسب
فاق أحمد من تخمامو على صوت دقديق فالباب قعد كيما راه مسح دموعو اللي طاحو
أحمد :أتفضل
كل عليه السكرتير تاعو وسيم:موسيو كاين ورق لازم تشوفهم
هبط أحمد رجليه و سڨم روحو و أشارالو تع أرواح
////////////
كان أنيس قاعد فوسط قاعة الإجتماعات
مدير قسم التسويق : هذه هي خطتنا للإشهارات داخل و خارج البلاد فكرنا بفكرة عصرية و جاذبة النظر
أنيس و هو يلقي نظرة على المخطط اللي قدامو
دخلت إحسان بعد أن إسأذنت رفد راسو لقاها محجبة دايرة نواضر لابسة عادي جدا
أنت تقرأ
أَقْنِعَة مُزَيَفَة
Actionلكثرة الجواسيس في عصابة السيبال و سهولة حصول المخابرات العسكرية على ملفات العمليات إخترعت هذه العصابة طريقة بكتابة الملفات تسمى ب"التقسيمات" لا يجيد هذه الطريقة سوى زعماء العصابات و من تربى على أيديهم ، خوفا من إكتشاف السر يتزوج الرئيس بنساء يتم إخ...
