الصباح كان قاعدين فوق الطابلة يشربو فالقهوة و رونق قاعدة معاهم و ساكتة
أنيس:ليوما نبداو الخدمة ليوما لي ڨروب يروحو و أنا نوجد روحي فليل نروح مع القروب اللول لتونس
أحمد:أوكي سامي يشد الشركة فبلاصتك
هز راسو سامي بإيه بقا يشوف أحمد بنورجان لي بقات تشوف لي جاست تع رونق و تراقب فيها شافتها ما تحملش السي السعيد و بسمة و سامي و احمد تشوف ليه تخبية كفاه حست بيه يشوف ليها شافت فيه و هبطت عينيها
كملت رونق طلعت الفوق تبعتها نورجان
غمز السي السعيد لأحمد هزلو براسو إيه
اليوما النهار الموعود لي يستناو فيه طول حياتو ليوما يبداو بخدمتهم
ناض أحمد خرج برا يهدر
أحمد:وجدو رواحتيكم
و غلق التيلي تاعو
هبطت نور و رافدة دوزانها و رونق معاها
نور: صحيت عمي السعيد دوكا راني رايحة
السي السعيد: وين رايحة بنتي !!! اصبري أحمد يوصلكم و دوزانك خليهم راكم فليتاست ريفيزي هنا خير مالاسيتي
نور: صحا عمي ميي...
السي السعيد: هدرت مع باباك و خلاص بنتي اسمعي الهدرة
//////
كانت البلاد مقلوبة سرقة 5 أطفال و كانو ڨاع أبناء عملاء قدم فالمخابرات العسكرية
كانت الشرطة محاصرة كلش فالبلاد واحد ما يتحرك بلا ما يسقسوه و يديرولو تحقيق
كانت قاعدة رونق بارا فجنينة و تخرب فتيلي تاعها
حست بواحد قعد قدامها لقاتو أنس
ما داتهاش فيه وكملت واش كانت دير
أنس:جوسيبا علاه راني حاب حاجة تقولي راكي تقولي فالصح
رونق:ما يهمنيش تأمني ولا نن! مكاش فرق تامن ولا نن هذاك السي السعيد يخلصها غالية
أنس:مانيش فاهم علاه ما تحبيهش هو إنسان بزاف هايل هو اللي سلكنا أنا و خاوتو من الهلكة قرانا دارلنا كلش فحياتنا
رونق:هذاك بسك نتوما ذراري
أنس:😕واش هو الفرق !؟؟
رونق:كاين فرق عند جدك،آخر مرة كنت مع بابا و ماما كانت أول ذكرى لينا مع بعض لعبنا ضحكنا كلينا درنا كلش كوم فامي لابروميار فوا فحياتنا ، بصح جدك كان لازم يخسرها عيطلو عايرو و عيطلو عر الرجال بسك يجيب بنات ،بابا من الهدرة تقلق فرغ زعافو علا ماما ضربها فالطونوبيل و بدا يعيط حتى الكاميون و ما شفناهش !!
انس؛ 😶😶
رونق:ههه ما تتخلعش هذي حاجة ملي دارهم جدك برك كاين صوالح كثر !! بون تصبح بخير
ناضت طلعت لشومبرتها ما جاهاش الرقاد و هاذي ماشي لابروميار فوا من مور موت ختها الرقاد ولا يجيها بسيف
كانت دايمن تقرا الروايات ولا تشوف دي فيلم ولا دي سيري حتى وين يجيها الرقاد مي اليومة ماراهي قادرة دير والوا راحت تكسلت قاعدة غير تتقلب حتى لوين تقلقت و ناضت ولات تعيط و قلبت الفراش تاعها رفدت كاس كان محطوط على لاطابل دو نوي و قاستو على المراية قاست الدوزان لي فوق لاكوافوز حست بروحها غير كي شدولها يديها دورت راسها لقاتو أنس دمعو عينيها ؛ةنس ما حبش يجيني رقاد
أنس:خلاص أهداي دوك يجيك رقاد
رونق:راننييي نقلك ما حبش يجيييي!!
أنس:خلاص أرواحي معايا يجيك
رونق:صح!؟؟
أنس إيه أرواحي
داها أنس لشومبرة وحدوخرا و كامل يتبعو فيه كامل نخلعو على الزوج تع الليل تسمع هذاك الحس كامل نخلعو
رقدها أنس على البونك غطاها راحت نورجان رقدت قدامها ولات تمسحلها على شعرها :أشش خلاص دوك يجيك الرقاد
هدات رونق و بدات تغلق فعينيها
كل واحد راح لشومبرتو
//////////////////////
كانو فالطيارة رايحين و إحسان تشوف الساعة و تستنا وقتاش يلحقو باه تسقسي صونيا على يماها و خوها اللي عندو يومين ما لازمش أما أنيس راح مع القروب لوخر لتونس و السمانة الجاية يروح للماروك
//////////////
كي رقدت رونق ناضت نورجان راحت جابت البيسي تاعها تقرا شوية و هبطت للكوزينة
بدات تخدم حتى سمعت حس فالكولواى خافت
نورجان:كاش واحد هنا!؟؟
ما سمعت حتى رد نورجان خرجت مالكوزينة تمشي بلعقل تحوس على الضو باه تشعلو صابتو قبل ما تشعلو واحد حط يدو على كتفها جات رايحة تعيط غلقلها فمها
سامي؛أش أش ما تعيطيش أنا
سيات نورجان تبعد عليه مي حبش يطلقها و قاعد يقرب ليها ضرباتو بيدها على كرشو طلقها
دارت ليه نورجان ضرباتو بكف لوجهو
نورجان:شكون مدلك لوتوريزاسيون تمسني !!!
سامي:نفحتلي نتوشيك !!! 😉بصح ضربتك قاسحة
نورجان :المرة الجاية الموس يدخل فقلبك توشيني
كانت رايحة جبدها من يدها و قربها عندو هدرلها فوذنها
سامي؛راني مهموم بسبابك !!والله دخلتي قلبي
عضاتو نورجان فيدو
نورجان:نتا راك حاب تموت بعدني !! راني عايفتك تطلع لوليدك و يماه اللي راني حشمانة نسميها مرتك
راحت للكوزينة ترفد البيسي تاعها و تطلع تبعها سامي و غلق الباب
نورجان:بعد من وجهي و حل الباب
سامي:ما نحبش حتى نتفاهمو
نورجان:بعدني ما عنديما نتفاهم معاك
سامي:أنا عندي !!
نورجان: واش نستحق !؟؟
سامي:نستحقك نتي
نورجان بعدني أقسم بالله نعيط
سامي:ديري واش حابة
راح يجري ليها شدها من يدها حط يدو على فمها باه ما تعيطش
سامي :وريلي كفاه تعيطي
نورجان فشلت ما قدرت دير والو ولات تستفڨ
قرب وجهو ليها
سامي :ليوما ندير حاجة صغيرة و مرة وحدوخرة ندير واش راني حاب
هبط لرقبتها رفدت نورجان قدرة كانت فوق البوتاجي و خبطاتو لراسو هربت منو راحت تجري لشومبرتها غلقت الباب و بدات تبكي
////////////////////
الصباح نورجان كانت ناوية تروح و تحكيلهم واش صرا ستناتهم فالصالون ينوضو حتى لوين سمعت الباب يصوني واحد ما راح يفتح راحت فتحت الباب لقاتو الخدام مدلها البرية لالسي السعيد
لقات على الضرف "¶" تفكرنا هذاك الحرف الي كان كابوس حياتها من بعد ما حوست عليهم طول حياتها لقاتهم وين ما كنتش تتخيل
خلوني نفهمكم عفسة
أنت تقرأ
أَقْنِعَة مُزَيَفَة
Actionلكثرة الجواسيس في عصابة السيبال و سهولة حصول المخابرات العسكرية على ملفات العمليات إخترعت هذه العصابة طريقة بكتابة الملفات تسمى ب"التقسيمات" لا يجيد هذه الطريقة سوى زعماء العصابات و من تربى على أيديهم ، خوفا من إكتشاف السر يتزوج الرئيس بنساء يتم إخ...
