كان أحمد يشوف ليهم و يضحك شاف لبنات و رونق عقلها هي لي شافها فالبيس مع بنات وحدوخرين
رائد:نقسمو معاك النص بالنص كل صباح
أنيس:أتزوجو و ريحو روحكم خير
رائد: ما تخممش ما بقاش بزاف 😏😉😉( و غمز لهبة و شرب الحليب
حتى جاتو خبطة مالور من عند رياض
رياض 'شد عينيك عندك و هبطهم انا فان نفقسهملك
رائد: أحم أحم سيبون ما درنا والو و زيد هية خطيبتي و ندير واش نحب
زاكي:راك حاب نوض نكرفسلك وجهك
راحت قعدت رونق فوق الكرسي رفدت الكاس تع الما من جيهة أنس و شرباتو
رونق:آهه يا ربي واش هذي السخانة
أنس:بصحتك الما 😣
رونق :يسلمك
زاكي:ما عرفتناش أحمد شكون هذي!؟
أحمد:رونق بنت خالي
زاكي:علاه ما كنتش نشوفها!!
رونق:أنا...!! (جات رايحة تهدر و تخلطها)
أحمد 'باسكو ما تحبش تخرج
/////////////////////////////
قبل العصر الدار كانت مقلبة لبنات يجبدو فشعورتيهم و يلبسو فحوايجهم قبل ما يبداو يجو الضياف
كملو لبسو هبطو بداو يجو النسا القراب لبنات مع الماعن و التخمال ما سلكوش جا العشا عشاو النسا و رونق دور مع البنات
أسيل:رونق !! نتي ماشي دايرة خيمار تقدري تخرجي فيت فيت!!
رونق:واش ندير !!
أسيل:هاكي السنيوة تع لاتاي أديها لواحد من الذراري تلقايهم عند الباب
رونق:هاتيها
مدتهالها خرجت عند الباب تع دار الصديق بابات نور تستنى فواحد منهم يجي يديها عليها بعثت طفل صغير يعيط لزاكي ولا رياض
بصح الطفل ما لقاهمش قال لولد خالتهم كبير إسلام جا إسلام شاف رونق عجباتو هي ما عرفتش إيدا تمدهالو ولا تدخل سيرتو كانت لابسة جبة قبايلية عريانة غطات روحها مالفوق بفولارتها بصح طاحت
خرج أنس يهدر فتيلي شافهم ولاو عينيه حمورا و شاف كفاه يشوف ليها إسلام
رفد عليها إسلام السنيوة و دارت تجري تمشي فالطريق باه تلحق لدار خالد لي فيها النسا و هو بقا يشوف فيها
قبل ما تلحق الباب حست بواحد شدلها يدها و دورها قريب عيطت بصح كي لقاتو أنس سكتت و ما حبوش تهدر معاه نحات يدعو و جات دايرة تروح مي عاود حكمها
أنس:ر*** واش هاذ لبسة لي خرجتلي بيها 😠
رونق:راني ساترة روحي واش خصني 😕
أنس:و هاذ الفولار لي طاحتلك !؟😤😤
رونق:راك تقول طاحتلي ماشي بلعاني 😒😒😒و زيد ما دخلش روحك غفيا و زيد مهبولة واحد ما يشوف ليا😌😌
أنس:ر****تزيدي تخرجي نتفاهم معاك ولا والله نديرلك الحجاب بسيف عليك !!!
رونق:مكان ما دخلك فيا
نحات يدها و راحت و خلاتو مسح وجهو بيدو و طلع شعرو من القلق راح وين الرجال ،بقا غير يعاين فإسلام و يشوف ليه بخزرة ما تعجبش
دخلت رونق وين النسا لقاتهم مدولهم لاتاي و قعدو لبنات فوسط النسا لي يدربكو و بدا.و يغنو معاهم
أومبعد دارو الغنا فالبوسط و روبلوها باىشطيح و شعال من مرا تسقسي على رونق
سناء:لبنات رايحين يديرو الحنة لزاكي أزربو نروحو نطولو
لبنات خرجو بالتخبية و راحو بداو يطولو على الرجال كفاه يشطحو
هبة:شوفو رائد كفاه راه يشطح 😍😍
سناء:مام رياض شوفوه ¡😍😍😍
رونق:نور ليوما ندبرو فيها رجال قبل ما نبورو
نور:أنا صح ني بايرة نتي مزال 😂😂
خرج أحمد باه يهدر فالتيليفون شاف نسا واقفين عند التاقة هبط راسو جا رايح يدخل حتى سمع لافوا تع رونق عاود دار
أحمد:رونق!!
رونق:😨😨😧
أحمد:واش راكم ديرو هنا !؟؟
رونق:رانا نشوفو !!
شاف فلوخرين لقاهم بلا خماراتهم هبط راسو
أحمد:أزربو أدخلو قبل ما يشوفكم رياض و لا زاكي ليوما نهاركم و زيد بلا خمار لكان يخرج واحد براني
نور:ما راناش نبانو !!
كامل راحو بقات غير نور تشوف من التاقة و مبرونشيا
أحمد:تبعيهم!!!
نور:أوفف خليني نشوف واحد ما يشوفني
أحمد:أدخلي ولا نعيط لرياض !!!😠
نور:تعيي علابالك !! 😒😣
دخلت نور بسيف
//////////////////
غدوة من ذاك الصباح ناضو بكري لبنات يروحو للحفافة كامل راحو و خلاو نور و رونق يعاونوهم شوية و يروحو
سماح :نور أدي رونق و شوفي شكون يديكم للحفافة !!!
نور:إيه أياي رونق نلبسو باه نروحو
حوست نور على كاش واحد يديهم مي كامل كانو مشغولين
نور:أووف زهرنا دوكا ما نروحوش ولا كفاه !؟؟
رونق:أصبري نزيدو نشوفو كاش واحد فارغ يدينا
شافهم إسلام واقفين عند الباب راح لنور
إسلام:نور ختي واش تستحقو!؟؟
نور:إسلام ما صبناش شكون يدينا للعرس
إسلام:أياو أنا نوصلكم !!
أنس:أنا ني دايهم صحيت أيا رونق تبعيني 😒😒
ركبت رونق مالقدام و نور ماللور
أنس : واش هدرت معاك البارح
رونق:أنس والله ليوما مورالي راهو فور خليني مليحة
/////////وقت يروحو يجيبو العروسة
رونق ركبت مع أنس و تبعوها سناء وهبة و إكرام
نور:يالكلبات تركبو بلا بيا والله ما تحشموا دوكا نروح وحدي !!؛
رياض'نور أيا أركبي مع أحمد راه مع رائد و زاكيدوك نجي أنا
راحت ركبت و البروبلام داروها فالوسط مقابلة المراية
روبلوها فالكورتاج نور طلقت روحها مع ولاد عمومها دايرتهم كيما خاوتها تربات معاهم
///////
كمل العرس و رجعو للدار من بعد ما وصلو زاكي و مرتو لدارهم.
رونق:رجليا قتلوني
إكرام:😂😂😂روبلتيها باشطيح
رونق: والله ما تأمنيش شعال عندي ما ضحكتش هكا
إكرام: رونق حبيت نسقسيك وين راهم والديك
رونق:ماتو !! 😔
هبة:إكرام ماشي وقتك بلعيه !!رونق ماديريش عليها إدا ما حبيتيش تحكي ما تجاوبيهاش
رونق:لالا نورمال!!!
غدوا من ذاك الصبوحي و عشية كي راحو الناس السئ سعيد حبو يرجعو للدار
خالد: يا عمي زيدو ليوما
السئ الشعيد: والله هذيك هي غدوة صباح نصبحو نخدمو
خالد : كيما تحب عمي
////////
نور: 😭😭😭😭والله ما وقتها دوكا كفاه ندير أنا غدوة ما يلحقنيش الوقت يااا ربيي
هبة' اصبري نشوف رياض ايدا يقدر يديك و يجي
نور : والله بزاف علي ديجا راهو عيان
رونق: حنايا رانا رايحين أيتي تروحي معانا
نور: لالا صحيتي ختي دوك ندبرها
رومق؛ مكاش هذي دوك دبريها تجي معانا نهبط نقول لأنيس و نجي
هبطت رونق لأنيس: أنيس نور غدوة عندها تاست و هذا وين عيطولها لازم تروح لافاك و غدوة ما يكفيهاش الحال قالها تروح معانا!!!
انيس: إيه نورمال دوك نهدر مع عمي الصديق
قال أنيس لصديق و السي السعيد حلف تروح معاهم و تبات عندهم ماشي فلاسيتي
راحت معاهم و ركبت مع أنيس هي و رونق
أنت تقرأ
أَقْنِعَة مُزَيَفَة
Acciónلكثرة الجواسيس في عصابة السيبال و سهولة حصول المخابرات العسكرية على ملفات العمليات إخترعت هذه العصابة طريقة بكتابة الملفات تسمى ب"التقسيمات" لا يجيد هذه الطريقة سوى زعماء العصابات و من تربى على أيديهم ، خوفا من إكتشاف السر يتزوج الرئيس بنساء يتم إخ...
