في دار كيما كامل الديور الجزائرية كانت ليلي تشوف من طرف الباب على خاوتها اللي يلعبو بالبلاي و هي تبكي
ليلي: يا نلعب يا نخثر!! دوك نوريلكم
راحت ليلي الكوزينة رفدت كرسي كبير عليها بقنطار ترفد و تريح حتى وصلت وين الكونتور تع تريسيتي
ليلي؛ دوك تشوفو ليلي واث دير!!!
طفات الكونتور سيات تهبط مي طاحت ولات تبكي
ليلي؛ 😭😭😭😭😭ماااماا!!
سماح: ليلي وين راكي ؟؟
ليلي؛ أني هنا !!😭😭😭
سماح؛ ما فهمتش واش جابك هنا رفدتها و ولات تسكت فيها دارت باه تروح ضربت رجلها فالكرسي ؛احححح شكون جاب الكرسي هنا أنا مافهمتش!؟؟
رفدت راسها الكونتور و الكرسي و لليلي
سماح: ليلي قوليلي ما درتيهاش بنتي ربي يخليك
ليلي؛ هوما ما خلاونيث نلعب 😭😭😭
سماح؛ أنا عييت منك ماشي أنا نهدر معاك نديك لزكرياء يهدر معاك
شعلت الكونتور و راحت وين زكرياء
زكرياء: واش بيها !؟؟
سماح: لكان نقلك ما تأمنش
زكرياء؛ واش كاين ؟؟
سماح؛ في بالك شكون طفا الكونتور!؟؟
زكرياء؛ 😯😯 ما تقوليليش ليلي
سماح؛ إيهههه ينتك حابة تقتلني
زكرياء؛ حطيها قدامي
هبطتها سماح ووقفت قدامو ليلي .زكرياء؛ ليلي راكي حابة تموتي خلطتي فكلش بقا غير التريسينتي ما خلطتيش
ليلي؛ كنت حابة نلعب ما خلاونيث😭😭😭
زكرياء ؛ ما خلاوكش تروحي تخلطي فتريسينتي!؟؟ارفدي يديك قدامي أزربي! رفدتهم و قلبتهم ضريها و عيط لولادو
هبطو وقفو قدامو ؛ علاه ما خليتوش ختكم تلعب معاكم
أحمد: يا بابا كنا نلعبو تع ذراري
زكرياء؛ ما علاباليش بيكم ختكم تلعب معاكم ديرو جو تلعبوه كامل المرة التالية تاعكم ني هدرت
رفد زكرياء ليلي يسكت فيها غاضتو
ليلي؛ بابا
زكرياء: اممم
ليلي: حابة ثيكولا
زكرياء: إيه نشريلك
ليلي: و بوبية
زكرياء: إيه خلاص
ليلي: و حوايج جدد ما عنديث خلاصولي
زكرياء: ليلي معليش خزانتك راهي معمرة نخدم غير عليك
ليلي؛ باااباا هادوك كرهتهم
زكرياء: أيه خلاص ما عرفتش من وين تعلمتي تكلخيلي
ليلي ؛ من عند ماما
سماح؛ 😮😮😯😶😶
زكرياء: والله غير جبتيها 😏😏😏
/////////
كانو يستناو فيها برا ليكول يدوها للدار و يرجع. هوما باه يقراو
خرجت شافتهم قلبت عينيها و دارت روحها ما شافتهمش راحو ليها أحمد شدلها كرطابها و أنيس و أنس شدوها من يديها
أنيس : أزربي نوصلوك و نرجعو نقراو
ليلي: أوووف حبثووا عييت
أنس: ليلي ماشي وقتك دوك نروحو و نخلوك
ليلي. علابالي ما تروحوث بلا بيا!
أحمد: ماناش نلعبو معاك ماشي وقت اللعب
ليلي: أوفف يا لبي عييت واث ندير !!
أنس؛ أنيس الخطة ب
واحد رفدها من يديها و واحد من رجليها
ليلي: أطلقونننييي يا لبي واث راكم ديرو !! عاونووونيي
أحمد؛ نتيا بغيتي
ليلي؛ خلاث خلاث هبطوني نمثي وحدي
أنس؛ ما نأمنوكش
ليلي. والله خلاث
هبطوها بدات تمشي معاهم و زعفانة
دخلت للدار تفاتن
ليلي: أنا ولادك هبلوني ما تزيديث تبعتيهم
سماح: والله يا لالة و معامن باغية تجي
ليلي؛ مع ثليم!!
سماح؛ و شكون دا ثليم؛؟؟😂😂😂😂
ليلي: يقرا معايا
سماح؛ والله لا ربحت كي يجي باباك نقولو😂😂😂
/////////////////////
دخلت للدار تجري و رافدة البالون فيدها و خاوتها موراها
انيس؛ ليلي أعطيني البالووووننن رانا نلعبو
ليلي؛ مآآه باااباا!!!
خرج زاكي يشوف ولادو : واش كاين
أنس؛ أهدر معاها تمدلنا البالون كنا نلعبو سرقاتو و قاتلنا نلعب معاكم !!
زكرياء: ليلي روحي تلعبي مع صحاباتك
ليلي: مآه حابة نلعب معاهم!! نلعب مع خاوتي
أحمد: نتي طفلة ماشي طفل
زكرياء : ليلي مديلهم البالون و كي يدخلو للدار تلعبي معاهم
ليلي؛ 😭😭😭 و أنا معامن نلعب 😭😭
زكرياء: أنا نلعب معاك أياي للبالكون نلعبو غير أنا وياك 😉
ليلي؛ ثااااح 😀😀 مدتلهم البالون و راحت تجري مع باباها للبالكون يلعبو لحقوها خاوتها يلعبو معاهم راحت سماح تقضي شغلها ،
ليلي: يا بابا ثوف عندي هدرة معاك
زكرياء : أيه أهدري !!
ليلي؛ نبدا نجي من القراية مع ثليم !!!
أحمد؛ شكون دا سليم يا لثلوثة
ليلي: واحد يقرا معايا!!!
زكرياء: ليلي والله لا شابة ليوما نحب معاه و غدوا زوجهوليييي
ليلي: يا بابا مذلت ثغيرة كي نكبر نخمم
أنس: قيسي قيسي البالون قالو ثليم
أنيس؛ حنا نحو ندوك مكاش خدرة زايدة
ليلي: أوووووف
كانت جايبتلهم سنيوة فيها الجي و تشوف فيهم من الزجاج يضحكو برمشة عين بدا الرصاص
كامل قاعدين يشوفو فبعضاهم فيمن جات الرصاصة حتى طاحت ليلي راح يجري ليها زكرياء قبل ما يوصل جات فيه زوج رصاصات طاح فلرض و يشوف فبنتو اللي طايحة فلرض طاحت السنيوة من يد سماح راحت تجري اولادها دخلتهم و لراجلها طاحت فلرض تبكي عليه اومبعد راحت لبنتها
سماح' ليلي نووووضي نووضي غدوة أرواحي مع سليم ن ضيي😭😭 هي هكاك حتى جات فيها هي تاني زوج رصاصات راحو يجرو يشوفو فيماهم و بابهم و ختهم طايحين فالأرض فوسط دمهم و يبكو
أنت تقرأ
أَقْنِعَة مُزَيَفَة
Aksiلكثرة الجواسيس في عصابة السيبال و سهولة حصول المخابرات العسكرية على ملفات العمليات إخترعت هذه العصابة طريقة بكتابة الملفات تسمى ب"التقسيمات" لا يجيد هذه الطريقة سوى زعماء العصابات و من تربى على أيديهم ، خوفا من إكتشاف السر يتزوج الرئيس بنساء يتم إخ...
