بسم الله نبداء 🌺.
راح الكل للمطبخ ورا شيخه قالت سمر؛ معليش شوشو مره اسفه.
قالت شيخه وهي تمسك يدها؛ لا تعتذري عن شي انتي ما سويتيه. انتي ما غلطتي اللي غلطت مها لازم تعتذر.
قالت لين؛ حقيقي يعني اللي سوته عيب ومهو من اصولنا.
قالت ليان؛ اي منجد تخيلي اروح قدام الشخص اللي احبه وهو مو محرم ليا وانا مفسخه العبايه ولابسه ملابس مشدوده على جسمي وقصيره.
ردت لين بقرف ؛ بسم الله اللهم احفظنا يع الله يقرفك.
ضحكت شيخه وقالت؛ استغفر الله خلاص امشو نروح نتابع فلم.
قالت ليان؛ ايوه امشوا ماراح يجو فيصل والعيال اليوم.
قالت شيخه؛ متأكده.
ردت هليها ليان؛ من بعد ما شافو عزيز اشك.
ضحكت شيخه وقالت؛ يلا تمام نروح. وراحو البنات وقالوا لامهاتهم انهم يبغوا يروحوا يتابعو فلم عند لين وليان.
بعد ما وافقوا الامهات راحوا البيت وكل وحده اخذت مكانها في الصاله عشان يتفرجو وجابو كل انواع الاكل قدامهم.
لين وهي تفتح الشبس؛ اقول شخشوخ روحي جيبي البايسون من الثلاجة.
ناظرتها شيخه بصدمه وقالت؛ شخشوخ يشخلع عينك قولي امين وبعدين عندك رجول روحي بنفسك.
ناظرتها لين بالعيون البريئة.
اتأفأفت شيخه وقالت؛ طيب طيب لا تسوين عينك كذى. اف
وقامت تجيب البايسون.
راحت المطبخ وفتحت الثلاجه واخذت حبتين بايسون وشافت فوق في الدولاب الفشفاش محطوط لمعت عيونها وقالت؛ يمه عشيقي ويش تسوي هنا؟؟ . في نفس اللحظه كان داخل المطبخ وسمعها تتكلم استغرب ودخل المطبخ يشوف مين!! شافها واقفه فوق الكرسي وحاضنه الفشفاش وتقول.؛ يمه عشيقي اشتقت لطعمك اوريها لينو ما تعطيني عشيقي. ولفت تبا تنزل من الكرسي الا شافته واقف عند الباب انصدمت!! واتحرك الكرسي وكانت بتطيح بس اتماسكت نفسها وقالت باحراج ؛ لفف وجهكك.
ارتبك ولف نفسه وهي من الخرشه والتوتر نزلت وهي تسب في لين؛ يا معفنه يا لين والله قبرك بين يديني.
ضحك عليها وقال؛ ما خلصتي يا بنت العم تراني ميت جوع.
ناظرته شيخه وقالت؛ انننن وعلت صوتها طيب ممكن تبعد عشان امر.
قال؛ انشاء الله. وابعد نفسه وماشاف ظلها الا وهي تهرب وشعرها وراها. دخل المطبخ وهو يفكر مين هذي. وضحك هليها واتذكر لما شاف الفشفاش في الارض وقال؛ عشيقها اجل موتتني.
عند البنات دخلت شيخه وصفقت الباب بقوه وحطت يدها على صدرها وقالت وهي تناظر لين؛ لينو يالمعفنه وراحت هجمت عليها وتضربها بالمخدات وتقول؛ قلتي اخوانك ماراح يرجعوا اليوم. وقفتها لين اللي جالسة تنضرب ومهي فاهمه السالفه؛ وقفي وقفي يا معفنه وش تسوي وش صار.
بعدت شيخه عنها وقالت؛ انتي قلتي محد بيكون في البيت اليوم ليش اخوك دخل.
استغربت لين وناظرت الساعه وقالت بفجعه؛ يمه نسيت فيصل جيعان مو ماكل. وناظرت لينا وقالت لها؛ لينا يالمفجوعه قومي فصفص مااكل شي من الصبح اكيد دخل المطبخ لان امي اليوم مسويه كبسه وهو قال بياكلها بالليل.
قامت لينا كانها مقروصه وقالت؛ يمه بيقتلنا يا لين.
وراحت عند فيصل للمطبخ.
قامت شيخه فتحت الفشفاش وقالت؛ هين ياليونه ولا تقوليلي والاه لا ااقتلك بس خليني اخلص عشيقي.
وناظرتها وقالت؛ وليش ما قلتي عندكم فشفاش .
لين كانت تفتح البطاطس وقالت؛ مدري والله فيصل جابه ومحد اكله ونسيت اقلك.
ناظرتها شيخه من على طرف وتركت لين الشبس وراحت عندها وسمر قربت منهم وقالوا؛ شافك.
اتوترت شيخه وقالت؛ والله مدري بس انا كنت فوق الكرسي وهو مصدوم عند الباب ماركزت.
قالت لين بهيام؛ بكرا العرس بكرا العرس.
ضربتها شيخه وقالت؛ اص اص قلك بكرا العرس.
دفتها سمر وقالت؛ احم يعني ما لمحتيه بالله مهو حلو.
فتحت شيخه عيونها على كبرخا وقالت؛ استحي يا بنت اعوذ بالله.
وحولت نظرها للين وقالت؛ انتي تراه اخوك وتقولي بكرا العرس.
قالت لين؛ ويعن عادي خلاص يا شخشوخ انتي زوجة اخوي.
قالت شيخه بعد ما فقدت الامل فيهم؛ شغلي الفلم شغلي قبل لا ارجع البيت.
قالت سمر؛ اقول قومي شغلي شكلها بتقتلنا.
وضحكوا البنات.
أنت تقرأ
هذه طلقتي الاخيرة💣
Actionان عزفت موسيقى فستكون طلقتي التي كانت في ذالك المكانِ............... 💢 لا اسمح بنقل تعبي. 💢 الرجاء التفاعل💕 للمزيد من الاحداث تابعو الروايه 🌺 لا تحكم على الروايه من غلافها او من اول شابتر❤️💓
