بسم الله نبداء 🌺
السعودية. جدة. بيت الجد سلطان.
الساعه ٩ ونص الصباح.
الكل كان صاحي وجالسين على سفرة الفطور.
الجد كان متوسط الطاوله وعلى يمينه ابنائه واحفاده والطرف الثاني حفيداته وزوجات ابنائه، كان شعوره ما ينوصف بكلمات قليله، تعرف لما تكون فاقد شي او شخص لسنين وتحصله شعور ما ينوصف كان الجد يحس بنفس هذا الاحساس، عائلته كامله وجالسين مع بعض يمزحو وياكلو في هذي اللحظه افتقد رؤي وسلمان دعا لهم بالرحمه وقال؛ الحمدلله الحمدلله دحين اقدر اموت وانا مرتاح.
باست راسه لانا وقالت؛ يعني شبعت مننا ماتبي تجلس معانا؟
ضحك الجد ومسك يدها وقال؛ مو قصدي يا بنتي كذه كنا ندور عليكم مره كثير لدرجة خفت اني اموت وانا ما شفتكم، والحمدلله اقررتو عيني برجعتكم.
ابتسم لؤي وقام من مكانه وحب راس جده.
وحضنت لانا جدها؛ ايي يا جدي الجميل انا.
ضحك الكل عليهم وقال لؤي لجده؛ جدي ابغا اشتغل في الشركة.
قال الجد وهو مبتسم؛ من عيوني روح اليوم مع عزيز وهو يوريك كل شي.
هز لؤي راسه وقامو الشباب وقال عزيز؛ هيا لؤي رايحين الشركة.
قال لؤي؛ تمام. ولف للانا وباس راسها وخدها وقال؛ ها يا قلبي لو تبي شي قوليلي تمام.
باسته على خده وقالت؛ تمام يا روحي روح انت الشغل.
ضحكو الاثنين والباقين مستغربين.
قال حمدان؛ انتو متاكدين انكم اخوان.
ضحك الجد وقال؛ اعرف تربية سلمان ورؤى اكيد كانو يشوفو امهم وابوهم ويسوو ذي الحركات.
ضحك محمد وقال؛ الحمدلله في اثنين في العيله يتعاملو بحب مو عندنا يقالك حرب بين ابليس والشيطان.
كتمت شيخه ضحكتها وقالت بمزح؛ لا والله نحنا نحب بعض صح يا يا قلبي يا عزيز.
عزيز ناظرها وهي ناظرته والاثنين بعدو وجيه بعض وقال عزيز؛ الله يقررفك يا ويلك تسويها.
قالت شيخه؛ بالله اسكت والله لو اموت مااعيدها احشني بستفرغ.
ضحك سليم وقال؛ سبحان الله مدري مين قال نحب بعض والكل قام يضحك.
قال عبد العزيز ؛ جدي اليوم ابغاك بموضوع.
قال الجد؛ تمام تعالو في المغرب وانا ابغاكم في موضوع.
هزو راسهم وكل واحد راح لشغله.
العصر في الشركة.
عبد العزيز كان يمشي في الشركة ومعاه لؤي يوريه كيف شغل الشركة.
؛ ها كيف.
ابتسم لؤي وقال؛ والله ماشاء الله.
قال عبد العزيز؛ ها بدينا شغل.
ضحك وقال؛ ايوه يلا بدينا شغل.
جا نايف من وراه وقال؛ الله يعينك على الشغل.
ناظره عبد العزيز وقال؛ احلف.
جا فراس من وراهم؛ اي والله الله يعينك هذا حيوان اصل فصل يكرفك كرف كانه في حياتك مااشتغلت انا لما كنت متدرب عنده ما صدقت افتك يوم جا وقت ترقيتي.
ضحك لؤي وقال؛ افا هذا وش
قال عبد العزيز؛ لا يا قلبي انتو غير ولؤي غير ضفو من وجهي لا ااعلم جدي.
ضحك الكل وقال فراس بخوف متصنع؛ بالله الا جدي يخليني مداوم شهر بكرف.
ضحك لؤي ونايف وقال نايف؛ تستاهل كلامك الكثير روح سوي شغلك احسن.
وراح جري.
عبد العزيز؛ يلا مشينا وين بتشتغل ايش الشي اللي جذبك.
قال لؤي وعينه على غرفة المحاسبه؛ والله نفسي اشتغل محاسبه.
دقق عبد العزيز عليه وقال؛ تعرف تحاسب.
ضرب هلى صدره وقال؛ افا هو اللي يكون تحت يد لانا ما يعرف يحسب الا غصب.
ضحك عبد العزيز وقال؛ ماشاء الله.
قال لؤي بابتسامه؛ تدري بسببها كنت اجيب ميه في الرياضيات.
تعجب عبد العزيز وقال؛ وهي ماشاء الله.
قال لؤي؛ هي يا قلبي عليها دافوره اصل فصل ما كانت تنزل من الميه شهادات التفوق والشكر ميلانه ادراجها.
ابتسم عبد العزيز وقال؛ تمام اذا تكلمنا الين بكرا ماراح نخلص يلا على الشغل.
ضحك لؤي وقال؛ منجد يلا يلا.
.
عند البنات.
كانو فارشين فرشه وجالسين في الحديقه حقت البيت.
كانت لين جايه ومعاها كيس مفرحات.
والبنات جالسين تحت الشمس والمظلات متفرقه على الحديقه والورد مزروع في كل مكان ورذاذ المويه في كل مكان كان مشتغل وكان معطي المكان لمعه حلوه وجميله كان المكان منعش لدرجه حلوه.
جلست لين وقالت؛ بنات بعد ما نخلص فرفشه وسوالف ندخل داخل عند المسبح ونسبح.
قالت شيخه مؤيده كلام لين؛ وانا موافقه.
رخت لانا رأسها وقالت؛ انا مااعرف اسبح يا بنات.
قالت سمر؛ ولا يهمك يا قلبي انا اعلمك.
ردت ليان؛ افا ماتعرفين تسبحين وبتصكي الثلاثين.
ضربتها لانا على كتفها وقالت؛ مو كذه بس ماكان عندي وقت اسبح وبعدين مو مره احب المسبح.
همهمت شيخه وقالت؛ أجل تمام بنعلمك ان شاء الله تتعلمي.
ضربت يدها بصدرها وقالت؛ ولا يهمك انا اتعلم بسرعه.
وضحكو البنات.
بعد ساعه في المسبح.
كانو يضحكو ولانا تدمع.
شيخه؛ وااو مين قالت انا اتعلم بسرعه.
ضربتها لانا وقالت؛ اسكتي ماتستحي المفروض تعلميني. مو ترميني
ضحكت لين وقالت؛ معليش كانت خطة سمر مالي دخل.
قالت سمر وهي مستعده تجري؛ احم يعني كنت امزح امزح.
قالت شيخه؛ بناات صارت الساعه ٦:٣٠ امشو نرجع البيت جدي قال عنده موضوع بيصلو جماعه بعدين يقلنا.
كل وحدة قامت وتلم ملابسها واشياءها.
وراحو يتروشو ويغيرو ملابسهم ويلبسوا جلالهم ونزلو صلو جماعه مع الكل وجلسو وجلس الجد والعيال رجعو من الدوامات.
قال الجد؛ ها يا عبد العزيز بتتكلم انت ولا انا.
قال عبد العزيز ؛ لا يا جدي اتفضل انت إبداء.
همس نايف؛ ماشاء الله صار ينأخذ أذنه.
قرصه مشاري وقال؛ اسكت بتفضحنا.
قال الجد؛ من زمان لما الكل اتولد اتفقو سلمان ومحمد انهم يزوجو بزارين هم مع بعض يعني عبد العزيز للانا.
الكل شهقو وعبد العزيز ابتسم
وكمل الجد؛ واليوم بعد ما لقينا لانا اتمنى اننا نخطبكم لبعض إذا كنتو موافقين وناظر عبد العزيز وقال؛ هل يا وليدي انت موافق.
قال عبد العزيز وهو مبتسم؛ عاد انا جيت اكلمك على هذا الشأن.
انفجع كل الحاضرين وقالت ام عبد العزيز . طيب يا وليدي ليش ما قلت لي.
ضحك وقال؛ كنت ابغاها مفاجأه.
شيخه اتجمدت. ماعرفت ايش تسوي في هذا الوضع هل تدمر سعادة اخوها وتقلهم ولا لا ما تقلهم ولا شي فكرت بنهاية انه لازم تقلهم صح اخوها سعيد بس بيلاقي سعادته مع وحده ثانيه مو مع لانا
وقال الجد؛ ها يا بنتي موافقه ولا لا.
كانت بترد مسكت يدها شيخه وهزت رأسها بلا استغربت لانا ونزلت على ركبها قدام شيخه ومسكت يدها وقالت؛ شيخه الورقه ايش كان مكتوب فيها.
نزلت دموع شيخه وقالت بصوت مرتفع؛ جدي لانا ما تقدر تتزوج عزيز
استغرب الجد وقال؛ ليش ايش صار.
جريت لانا وراحت جابت الورقه من غرفتها وأعطت الجد وقالت؛ جدي لانا مخطوبه.
في نفس اللحظه دق الجرس وفتحت الخادمه الباب وجات الخادمه وقالت؛ في واحد اسمه فهد يقول يبغا يكلمك. خرجو كل العيال والجدوشافو واحد جميل بعمنى الكلمه فخم بالثوب و الشماغ وعيونه الرماديه وسلم عليهم وقال الجد؛ وش بغيت يا ولدي
قال بابتسامه؛ جيت اخذ امانتي!؟
انتهى اتمنى تعجبكم.
علقو على الفقرات 💓💓
أنت تقرأ
هذه طلقتي الاخيرة💣
Actionان عزفت موسيقى فستكون طلقتي التي كانت في ذالك المكانِ............... 💢 لا اسمح بنقل تعبي. 💢 الرجاء التفاعل💕 للمزيد من الاحداث تابعو الروايه 🌺 لا تحكم على الروايه من غلافها او من اول شابتر❤️💓
