الفصل الاول..
#سيلين
كنت متشوقه جداََ إني اشوف في ايه في الكتاب ده مصدقت ان وقت المدرسه خلص وروحت البيت كالعاده اخدت الشور بتاعي ومددت علي سريري ومسكت الفون بتاعي قعدت ادور علي موقع عشان انزل من عليه الكتاب لكن للاسف كلها نسخ محرفه وانا كنت بدور علي النسخه الاصليه منه... قعدت افكر لدقايق واقول ليه ما اطلبش النسخه الاصليه من(حازم) لما فتح موضوع الكتاب ده كان بيقول ان النسخه الاصليه محتفظ بيها في المتحف الي شغال فيه في اوروبا.. وفعلاََ مسكت الفون واتصلت بيه لكن تليفونه كان مقفول اووف علي الحظ بجد...
(مقطع من الليله الي كان حازم موجود فيها عند سيلين)
-سيلين: يا مرحب يا استاذ حازم بقالك قرون ما شوفناش وشك ايه الغيبه دي..
-حازم:الشغل في اوروبا متعب اوي انتي عارفه شغل الحراس..
-سيلين:طيب يا باشا وبعدين ايه الشنطه الغريبه دي..
*اول ما سألت السؤال ده لاحظت علامات توتر وخوف علي وشه ورجله الي كانت بتهتز بحركات سريعه..
-حازم:انا هدخل الاوضه ارتاح شويه عشان تعبان من السفر...
-سيلين وهي مندهشه:اتفضل!!
بعد مرور الوقت في منتصف الليل...
#سيلين
روحت عند باب اوضة حازم سمعت اصوات خبط واصوات حيوانات الاصوات كانت مخيفه جدا قلقت عليه ففتحت الباب فجأه... هااااا
-حازم:خير يا سيلين في حاجه؟!
-سيلين:هااا اه اااا لا بقولك ايه هو انت مسمعتش اصوات هنا؟؟!
-حازم:هههه اصوات ايه يا مجنونه انتي منمتيش كويس ولا ايه....
-سيلين:لا نمت كويس انت منمتش ليه لحد دلوقتي؟
-حازم:هي ايه اسئلتك الكتير دي ههه خدي بالك انا يتخنق من الاسئله... وبعدين انا مش جايلي نوم فا قولت اقعد اقرالي اي حاجه...
-سيلين:هو ده الكتاب الي كنت بتقراه..
-حازم:اه... سر بيني وبينك ومتقولهوش لحد..
-سيلين بتعجب:قول!
-حازم:الكتاب ده كان في المتحف عندنا والخزنه الي فيها الكتاب ده انا بقف حارس عليها..
-سيلين:حارس علي كتااب!!!!
حازم:اه تخيلي.... الكتاب ده ممكن يتباع بمليارات الفلوس.... جالي فضول اني اشوف الكتاب.. وقولت بما اني هاجي عندكم والمتحف هيبقي اجازه الكام يوم دول قولت لما اخده اتسلي فيه شويه..
-سيلين: دي امانه يا حازم لازم ترجعها..
حازم:ما انا هرجعها المهم... الي جذبني في الكتاب ده اسمه..
-سيلين:ليه اسمه ايه؟!
-حازم:اسمه باللغه الفارسيه(شمس المعارف)...
-سيلين:اسم غريب اوي وبعدين كمل...
(لاحظت ايضا علامات التوتر وكان يعرق كثيراََ ولا يستطيع التحدث وبشرته الطحينيه كانت تقلب الي اللون الابيض)..
-حازم:سيلين ممكن تخرجي محتاج ارتاح شويه...
#سيلين
خرجت قلبي كان بيموت من الرعب وكأنه سيتحول هو ماله؟! ليه بيعمل كده اول ما بيتكلم عن الكتاب؟! اكيد في حاجه هو بيداريها..
الغريب بقي انه من بعد الليله الي اتكلمنا فيها دخلت اوضته تاني يوم الصبح مالقتهوش وقعدت ادور عليه واتصلت بيه لكن للاسف تليفونه كان مقفول...
(نرجع تاني)
#سيلين
انا هتابع الموضوع ده علي النت في فيديوهات كتير بتتكلم اكيد عن الكتاب ده..
فتح فيديوهات كتير اوي بس مكنتش بستفيد حاجه غير ان بس مين مؤلف الكتاب والكتاب بيتكلم عن ايه بأختصار.. بجد عندي فضول اعرف الكتاب ده...
الحماس اخدني علي اوضتة حازم ولاقيت رجلي ماشيه ليها وبفتح الباب كان حاطت شمع فيها كتير اوي الوانه حمرا لانه مكنش بيحب يولع النور بليل ومكنتش اعرف ليه كان بيعمل كده؟! جايز عشان يريح اعصابه...
وانا بدور في الاوضه مش عارفه كنت بدور علي ايه بس عقلي مكنتش متحكمه فيه كأن حد هو الي بيفكر بدالي.. وانا بدور لاقيت صندوق من ازاز صغير اد كف الايد مكنتش عارفه افتحه بس كنت فاكره حازم يوم لما دخلت عليه وكان ماسكه في ايده طريقه فاتحه كان زي لعبه ال (puzzel) حاولت افتحه لكن برده فاشلت حدفته في الارض ولاقيته اتقسم نصين ووقعت منه ورقه ورقه باين عليها لكتاب قديم اوي متاكله من الاحرف وفيها رسومات غريبه جدا وحروف بس الحروف دي ولا عربيه ولا حتي انجليزيه ممكن تكون هاااا....
-تليفوني كان مقفول معلش انا اسف كنت عند واحد صاحبي ماشوفتهوش من زمان...انتي بتعملي ايه هنا؟!
*سيلين:حازم انا اسفه اني دخلت اوضتك...
-حازم: سيلين(بصوت غاضب) ارجوكي متدخليش اوضتي تاني لما اكون مش موجود...
*سيلين:(بخوف) حاضر...
#حازم
قعدت في خلوتي قفلت الباب وولعت الشموع بعد ما سيلين خرجت...
(برو بیرون ، بیرون ، خدمتکار مطیع)
*قال حازم هذه الكلمات العجيبه في ضوء الغرفه المرعب والشموع تتزايد في الاضائه... حيث خرج له مخلوق مخيف المظهر اشبه ما يكون بالجن والعفريت...
#سيلين
صوته اتغير مره وحده انا اتخضيت من نبرة صوته جدا بس لسه عندي فضول اعرف الكتاب ده في ايه وايه الورقه دي(بعد ما طلعتها من جيبها)...
ياتري سيلين هتعمل ايه بالورقه الي خبيتها من حازم؟!
وايه الي مخبيه حازم علي سيلين؟!
وايه الكلمات الغريبه الي قالها حازم بعد ما خرجت سيلين من اوضته؟!
وهل فعلا الكتاب ده هيكون نهاية موت سيلين؟!
جاري كتابة الفصل الثاني...
#رواية_كتاب_شمس_المعارف
#قصص_رعب
#قصص
