الفصل السادس :
(يترك هتلر رقبة سيلين وهو في قمة غضبه ولكنه لا يريد أن يبين ذلك لها فيعود مره اخره لمظهره الطبيعي عليه علامات برود الاعصاب ويضحك ضحكته المستفزه..)
سيلين : علي فكرة أنت مش عايز تقتلني لانك عارف كويس اني معايا الورقه الي هدمر جيشك ده كله يا هتلر يعني انا مسكاك من ايدك الي بتوجعك..
هتلر ( بعد أن اصدر ضحكة مستفزه) : يا كتكوته مين قالك كده بس ( ليقترب من اذنها) انتي حشرة بالنسبالي وانا لو دوست عليكي ههرسك برجلي انتي متعرفيش انتي بتتكلمي مع مين ولا ايه هتلر هتلر صاحب المملكة دي كلها انتوا مجرد ضيوف عندي علي الارض بتاعتي يا كتكوته وهتمشوا منها يأما تكونوا عبيد عندي..
سيلين : الارض دي ملك لله واحده ولو كنت مفكر نفسك قوي فربنا اقوي منك انت مجرد شيطان ليك وقت وهتتحاسب علي كل الي بتعمله ده واخرتك معروفه..
هتلر : بلا بلا بلا كلام كلام كلام ايه مش بتتعبي ولا ايه وبعدين احنا لسه قدمنا تسليه ولعب كتييير ولا هتزهقي مني..
سيلين : اعمل الي تعمله انا مش خايفه منك ولا من الي معاك...
#لتقف_وتقول_لذتها
هاااا فين كيلي ونوح... كنت متأكده إن في لعبة حقيره بتتعمل عليا..
هتلر : تحبي ابدأ بأيه معاكي..
سيلين : فك قيودي الاول وانا هقولك بحب ايه...
هتلر : هههههه شرسه انتي برج ايه يا سيلين..
سيلين : برجك برج الاسد يا هتلر..
هتلر : بتتكلمي زي واحده اعرفها زمان وكانت نفس برجي بالظبط برده...
... : فيونيكا يا هتلر مش كده..
هتلر : هااااا
فيونيكا : احب اقولك اني لسه موجوده ومش هسيبك تأذي حد من البشر تاني...
سيلين ( في نفسها) : فيونيكا هي هي الرسمه الي مرسومه في الورقه يبقي دي القوة الخير الي قال عليها نوح لما كنت بفوق ساعة ما انقذني..
#نرجع_للخلف
نوح : اد ايه الورقه دي مهمه لهتلر دي قوه الخير الي هتقضي عليه او علي الاقل هتحمي البشر منه فيو...(وبعدها فاقت سيلين)..
#نرجع
هتلر : انتي ايه الي رجعك تاني انا مش كنت خلصت منك ومن افعالك الي دمرتني دي هي الورقه يا فيونيكا الي هتخلصني منك للابد (شاور للقيود الي علي ايد سيلين واتفكت ومسك سيلين من رقبتها ورفعها لفوق)
سيلين ( وهي تخرج صوتها بصعوبه) : س يبني ه ه ه..
(اصدرت فيونيكا نور قوي جداََ حتي انه غطي المكان كله ولم يستطيع هتلر رؤية شئ فوقعت سيلين من يد هتلر وقام بتغطية عيناه من الضوء)
#سيلين
بكل قوتي ضربت هتلر ضرب مبرح طاقة غريبة جوة جسمي.. هو كمان كان قوي وكان بيضربني جامد لان قوته كبيره...
#كيلي_ونوح
كيلي : ازاي سيبنا سيلين لوحدها انا مش مصدقة يا نوح..
نوح : كيلي ده امر من ملكتنا ولازم نطلع قدام سيلين اننا خونها عشان مينكشفش امرنا قدام هتلر..
كيلي : حاسه ان في حد معانا في المكان..
نوح : اشششش استني..
(لتقف خلفه ماري سريعاََ وتدخل يدها بداخل جسدة وتخرج قلبه فيسقط نوح ويموت)..
كيلي : نوووووح..
ماري : ها ها ها بصي علي قلبه كده بيعمل بم بم بم (لتمسكها ماري من شعرها فهي اقوي منهم كثيراََ ثم تضع دماء نوح علي وجهها وتجبرها علي اكل قلبه اجباراََ)
(بكت كثيرا كيلي ثم قامت ماري بربطها وتجريدها من ملابسها ولكنهم في الطريق...)
#عند_سيلين
هتلر : حلوه اللعبه دي يا فيونيكا بضيفي قوتك لقوتها بس الي انتي متعرفهوش اني ملك التعويذات والسحر ولا نسيتي..
فيونيكا في جسد سيلين : فوق يا هتلر لازم تفوق من الي انت فيه احنا بشر بشر مش شياطين ولا ملايكة متخاليش شيطانك يلعب بيك ارجع عن الي في دماغك...
هتلر : فيونيكا انا مش هسيبك (ليغطي نفسه بالساتر الاسود ويختفي مره واحده)..
فيونيكا بعد ان خرجت من جسد سيلين : اسفه انا خاليتك تستنفذي كل طاقتك خدي اشربي من دمي..
(مددت فمها سيلين ثم شعرت بالاطمئنان اغمضت عينها ثم شربت كثير من الدماء)
فيونيكا وهي تلمس فوق شعر سيلين : شبعتي يا حبيبتي..
سيلين : جداََ انتي طيبه اووي...
فيونيكا : شكراََ بس ده واجبي..
سيلين : هو انتي رسمتك دي الي في الورقه الي معايا (ثم اخرجت سيلين الورقه)..
فيونيكا : ايوه يا سيلين وعشان مفعول الورقه يشتغل لازم تعملي شئ واحد بس..
سيلين : ايه هو؟!
فيونيكا : (بعد ان قطعت يدها لتخرج دماء قليله منها وتضعها فوق الورقه) اقطعي انتي كمان ايدك وخالي نقطه منك تنزل علي نقطه الدم بتاعتي..
سيلين : اشمعنا انا؟؟!
فيونيكا : صاحب التعويذه قال الشخص الي تقع في ايده...
... : الشخص الي تقع في ايده التعويذه يبقي شخص صالح وربنا بيحبه ولازم نقطه من دمه الطاهر تقع علي دم فيونيكا الي موجوده في الرسمه عشان التعويذه تكمل ويتم مفعولها..
سيلين : مين انت؟!
.. اقعدي يا سيلين وانا هفهمك علي كل حاجه..
#عند_كيلي
كيلي : هههه غبيه اوي يا ماري خالتيني اكل قلب نوح الي هو قوته ادي ٣ ٤ مرات يعني انا دلوقتي باقيت في مستواكي ويمكن اكتر منك كمان ههه مين فينا الي غبي بقي..
ماري : هاها الي عندك اعمليه يا كيلي يا بنت الفراش..
كيلي بعصبيه : هواريكي بنت الفراش هتعمل فيكي ايه..
((لتتحول كيلي الي وحش عملاق شرس ينقض فوق ماري ويمزيقها وتقوم بفصل رأسها عن جسدها هكذا كانت نهاية ماري اللعينة.. تعود كيلي مره اخري الي طبيعتها وتسقط فوق ركبتها وتبكي فهي تحب نوح كثيراََ..))
#كيلي
ازاي هقدر اعيش من غيرك يا نوح ((قعدت كيلي تبص علي بطنها وتعيط وهي بتقول يا تري ده مصيره هيبقي ايه من غير اب؟؟؟))
#كاتب_الرواية
تدور احداث الفصل حاولين استفاده نحاول ندور عليها كلنا... دورتوا؟!
للي عرف برافو عليك وللي معرفش تعالي اقولك..
كلنا عارفين إن السحر مذكور في القرءان صح... صح كلنا عارفين إن البشر ممكن تأذي بشر تانيه كلنا فاهمين إن السحر ده ممكن يعمل اي حاجه اي حاجه يجوز يصالح واحد ومراته يخالي واحده تحمل وواحده بتخلف بنات تخلف ولد....
التفكير ده عقيم وجاهل الي يقولك او يقنعك بكده لان كله بأذن ربنا...
الورقة الي في ايد سيلين دي نجاه من سحر الكتاب ولو حصل والورقه دي حد قال التعويذه الي فيها بعد ما قطرات الدم تنزل عليها فعلا سحر الكتاب هيقف ويبقي كتاب عادي ممكن اي حد يقراه بعد كده يعني معني كده ان الورقه دي في صورة خير والكتاب صورة شر وديماََ الخير بينتصر علي الشر بس ده هيحصل امتي هيحصل لما الانسان يحسن رصيده مع ربنا هيحصل لما الانسان يصلح من نفسه هيحصل لما الانسان ميمشيش ورا شيطانه اكيد كلنا عارفين او هنعرف بعد كده ان كل شخصيه في القصه ليها حكايه ونقطه ضعف الشيطان ماشي وراه وجابه سكة لعرينه... ضعف الايمان هو الي بيخاليك تمشي ورا الشهوانيات والفضول الرهيب الي بيجذب عقلك الباطن لحاجات انت نفسك فيها بس هي غلط ومينفعش تحصل...
السحر مش هيحقق حاجه الا بأذن ربنا💜.. وبلاش تمشي ورا تفهات وبلاش تمشي ورا فضول هيوديك ورا الشمس... وحتي لو وقعت في غلط اختار الكارت الي هينقذك بذكاء وهو ده الي في سيلين سيلين في الفصل ده قدمها اتنين اختيار يا تنقذ العالم يا اما هتغرق العالم كله وهي معاهم... كيلي قدمها برده طرق ياما يا تنتحر وتموت نفسها وابنها يا تشوف طريق غير الطريق ده وتفكر بعقل شويه وتسيب الحب علي جنب وتفكر بجديه عشانها وعشان خاطر ابنها... فيونيكا صاحبة الحدوته الجديدة كارت النجاة فعلاََ بس تفتكروا فيونيكا هتساعد سيلين وهتقف جانبها وتكمل معاها القصه طويله شويه وفيها احداث بس كل فصل المفروض نستفيد منه ونطلع منه درس مستفاد...
اللغز بقي..
تفتكروا سيلين هتعمل ايه؟!
وكيلي هل ابنها معجزه من معجزات الزمن؟؟!
وخلاص كده دور نوح انتهي ولا ممكن يرجع تاني؟!
فصل ابوابه وحلوله من الورقه ال٣٠ في كتاب شمس المعارف هل فعلا كل شئ هيتغير بعد ورقة ابطال سحر الكتاب...
ومن هنا تبدأ اجزاء الفصل السادس🕊️..
انتظروا اول جزء الي بعد كده مشوق جداََ..
#رواية_كتاب_شمس_المعارف
