#في_مكان_ما
.. : فين الساحر الي هنا؟؟
هتلر: ايه يا فندم اي خدمة..
.. : احقر بني ادم وازبل البني ادمين علي وجهه الارض انت ازاي تسمح يا كلب انت انك تكسر قواعد السرك وتمشي علي مزاجك هو كان سرك الي خلفوك..
هتلر : واحده واحده يا فندم انت كده بتقل مني ادام الناس..
.. : اقل منك وامسح بكرامتك الارض انت مفكر نفسك بني ادم انت شغال عندي يعني تعمل الي بقولك عليه بدل ما اقطع عيشاك واطردك رمية الكلبة..
هتلر : الي انت شايفة يا فندم..
.. : بس استفزاز وغور من وشي يا ابو مخ اطخن من جلد الحلاليف..
#هتلر
مشكلتك يا جوو انك متعرفش قدرة الي قدامك بس الايام هتدور وهعرفك مين هتلر وانت هتكون اول الضحايا بتاعتي بس محتاجين صبر..
(ليقف ثانيه)
يا انسة يا انسة خالي بالك الشنطة بتاعتك وقعت اتفضلي..
.. :ميرسي شكرا جدا ليك..
هتلر:لحظة بس متمشيش..
.. :نعم!!
هتلر:هو حضرتك اسمك ايه؟!
.. :فيونيكا شغاله معاكوا هنا في السرك..
هتلر:ازاي يبقي شغال معانا القمر ومتشرفش بيه..
فيونيكا:كلك ذوق مضطره امشي لان ورايا شغل..
هتلر:انا اسف اتفضلي..
#هتلر
تقريباََ هي اجمل البنات جمالها خطف قلبي فعلاََ عيونها زي لون البحر وشعراها لون الدهب وبياضها ناصع جدا انا اتجننت بيها كان عندي حماس اروح اكلمها تاني واعرف هي مين وبتشتغل ايه هنا في السرك وفعلا سألت لكن مفيش حد في المكان شغال بالاسم ده معقول تكون ضحكت عليا!!..
#في_مكان_ما
.. : اول مره اشوفك سرحان كده يا هتلر ودماغك مش فيك مالك في ايه؟!
هتلر : فيونيكا..
.. :فيونيكا مين؟؟!
هتلر : اسف يا ماري.. دي صديقه معانا هنا في السرك..
ماري: وهي الي مخالياك قاعد سرحان كده؟!
هتلر: جمالها مش طبيعي حتي كلامها كله سحر..
ماري: سحر!!
هتلر : هههه عارف إن احنا ملوك السحر والشعوذه بس هي فعلاََ ليها سحر كده غريب..
ماري : يا جمال الكلام.. طب ورانا شغل هنروح شغلنا ولا هنعطله عشان خاطر فيونيكا بتاعتك دي..
هتلر : غيرتك حاسس بيها يا ماري بس قولتلك مليون مره انا مش بعرف احب انا قولت اني معحب بيها لكن حب هتلر مش بيعرف يحب كنت حبيت ابويا وامي..
ماري : (بعد ان نظرت له نظرة خبيثة) هاها هو ده هتلر الي اعرفة (ثم اخذ منها ضربات بسيطه فوق صدره) الي علمني ان هنا مفيش قلب يحس..
هتلر : برافو عليكي افتكري ديما الكلام ده بقي..
ماري : هفتكره بس هتدور الايام وهثبتلك ان كلامك غلط يا هتلر..
هتلر : ماري المبدأ عمره ما بيتغير..
ماري : جايز..
#في_منزل_هتلر
(منزل أشبه بالخرابة نعم منزل بسيط للغاية عليه الغبار والأتربة ليفتح هتلر باب المنزل)..
هتلر : ياااه بيت أثري تمام يليق فعلا َ مقبرة ليكم.. هاهاها عدي العمر يا بابا مفيش الغيظ والضرب وقلة القيمة.. وانتي يا أمي عملتي ايه بعد ما انفصلتي وسبتيني مع واحد سكري ونسوانجي زي ده هو ده ينفع اب والنهاية... اناااا انا الي طلعت مش بحب حد فيكم بفكر في نفسي اولاََ زيكم كده.. انفصلتوا ليه ودمرتم حياتي ها.. بس كده احسن خاليكم جمب بعض ما كنتوش بطيقوا بعض في الدنيا بس انا جمعت جثثكم جمب بعض عشان يمكن تحسوا انكم شبه بعض اوي في كل حاجه.. هههه هو في ميتين بتحس.. ااه متتكلموش اشششش الميتين كلها بتحس.. بس عارفين انا بحسدكم علي الي انتوا فيه الموت راحة فعلا كان نفسي اكون مكانكم.. بس دلوقتي انا عايز ابقي اكبر واشهر ساحر في العالم ورايا طموح لسه محققتهوش هخلي الكل تحت امري انا..
#في_مكان_ما
والد فيونكا : فيونكا اجمل البنات ببص في عيونك بحس ان قدامي ملاك مش انسانه شبه والدتك بالظبط كانت ملاك زيك كده..
فيونكا : واحشتني اوي والدتي يا بابا..
والد فيونكا : روحها حوالينا يا فيونكا.. (بعد نظرة تأمل) فيونكا..
فيونكا : النظرة دي ليها معني اتكلم يا والدي..
والد فيونكا : ربنا رزقك بحاجة مميزة لازم تستعمليها في الخير بس يا بنتي اوعي تستخدميها في اذية حد او تضري بيها بشر..
فيونكا : السحر الابيض والملكين الي بيحرسوني ديماََ دي نعمة كبيره من ربنا ليا عمري ما هضر بيها حد يا والدي انا هفضل ديماََ ماشيه في طريق الخير اوعدك..
والد فيونكا : عارف يا وردة البيت(ليضع يده فوق قلبها فيظهر نور طفيف) انا معرفش اجلي امتي بس انا عارف اني لو مت دلوقتي مش هبقي قلقان عليكي يا قلب ابوكي..
فيونكا : ان شاء الله هتبقي بخير يا والدي..
(اعطت له العلاج ثم خلدت للنوم)..
#عند_هتلر
هتلر : فيونكا.. فيونكا (جلس يكرر اسماها كثيراََ) معقول في بشرية بالجمال ده!!
شخصاََ ما : من امتي بنهتم بالحب يا هتلر انت متعلمتش حاجة من الدروس الي ادتهالك ولا ايه..
هتلر : هاها لا انا مش بحب انا بس سحرني جمالها عجبتني يعني..
.. : صاااحب السحر الاسود عمود السحره عجبته حتة انسيه..
هتلر : غير الموضوع وخالينا في شغلنا..
.. : اقري التعويذه..
هتلر : تعويذة ايه؟!
.. : الكتاب ده في اكتر من تعويذة كنز يا هتلر لو ملكناه هنخلي البشر كلهم يركعوا تحت رجلنا العالم كله هيبقي ملك ليك وليا التعويذه دي اقوي تعويذه هتسيطر علي الكتاب وهتحول كل التعويذات الي فيه من انها كانت بتساعد البشر لانها هتدمرهم..
هتلر : واو علي الاكشن احبك وانت فاهمني حضر الدنيا عشان اقول التعويذه علي الكتاب..
ماري : هههه طبعا اول الناس الي هتنتقم منهم صاحب السرك...
هتلر : هاها ده حبيبي ده انا بس هقرص ودانه..
ماري : ممكن تتحكم في عقله وتخاليه يرمي نفسه في البحر مثلاََ ههه او اقولك انا بحب اشوف الي قدامي بيتعذ...
هتلر : اش اش من غير كلام كتير اوعدك هتستمتعي بموته..
ماري : هههه يبقي هنتفرج علي احلي فلم كوميدي يا حركاتك يا هتلر..
#الراوي
(في الصباح الباكر استيقظت فيونكا لتحضر لابيها الطعام ولكنها لم تجده فوق فراشه وجدت ورقه مكتوب بي داخلها)..
*ابنتي العزيزه لقد رحلت من الحياه والان تركت لكي كنزاََ يجب ان تبحثي عنه وهو كتاب كتاب بيه اسرار كثيره سيساعد البشر كثيراََ ولكنه الان بيد اشر البشر ويمكن ان يدمر العالم ابطلي تلك السحر الاسود واجلي السعاده والرخاء يعم بين الناس ابطلي تلك الشر بداخل جلدة الكتاب ستري تلك الورقه بيها طريقة التخلص من تلك السحر المدمر بالكتاب ولكن اولاََ يجب ان يقع بيد امينه رجل صالح او فتاه صالحه حتي نمزج دمائنا معاََ وستخبرك تلك الورقة بكل شئ الي اللقاء يا عزيزتي.. *
فيونكا : ابي يا روح الفؤاد لن انساك ابدا.. (ثم بكت كثيراََ)..
#الراوي
تملك هتلر الكتاب بالتعويذه الي قالها حول كل تعويذات الكتاب من خير لشر بدأ يكبر ويكبر ويكبر لحد ما بني مملكة من عالم الجن وعمل حاجات جديده وطور من نفسه جداََ وبقي يأذي البشر فعلاََ بأسوء الطرق كل بشري كان بيقع في ايده الكتاب كان بيتأذي بأبشع الصور في الي فقد دينه وايمانه وفي الي فقد عيلته واولاده في الي كان بينتحر وفي الي كان بيكمل لحد ما بيقع في المصيده ويبقي خادم عنده لحد ما كون جيش كبير بشر ممزوجه او محوله عشان يقدر يطلع بالجيش ده لعالم الواقع ويدمره ويبقي هو صاحب الكلمه والرأي وصاحب كل حاجة..
#هتلر
لسه في بالي يا فيونكا صورتك مطلعتش بره دماغي..
فيونكا : انا هنا..
هتلر : ها فيونكا اخيراََ..
فيونكا : بقالي سنين بدور علي مين الي دمر العالم بالشكل ده مين الي حول البشر كده ونشر بينهم الشر وقضي علي ايمانهم..
هتلر : معقول انتي سا....؟!
فيونكا : انا صاحبة السحر الابيض يا هتلر انا الي هنقذ العالم منك..
هتلر : انا قولت انتي لا يمكن تكوني انسيه..
فيونكا : انا هدمر كل خطتك وهنهي حياتك دلوقتي..
(تلقي منها هتلر الكثير من الضربات كانت قوتها تزيد عنه اضعاف قوته)..
فيونكا : انطق فين الكتاب؟؟!
هتلر : انا مبهور بقوتك رغم اني قوتي كبيره بس مش قادر اهزمك..
فيونكا : انطق فين الكتاب يا هتل...
(لتتلقي هي ضربات مبرحة من ماري ثم تنقذ هتلر وتختفي من المكان)
فيونكا : فاكر انك هتهرب مني..
#فيونكا
فلت مني مني المرادي يا هتلر مستحيل تفلت مني المره الجاية هغلبك يا صاحب السحر الاسود وهقضي عليك..
#هتلر
اخدت نفسي اول ما عرفنا نبعد عنها انا وماري قوتها كبيره جدا مكنتش اعرف انها ساحره لكن جمالها مكنش طبيعي وكنت حاسس ان في حاجة غلط ااه جسمي بيقلمني...
ماري : شومان الحقني هتلر جاتله نوبة السرع الحقني بسرعه..
شومان : انا جااي في الحال..
🍁🍁🍁🍁🍁🍁🍁🍁🍁🍁🍁🍁🍁🍁
#في_وقت_في_الماضي
في مدينه عربيه كان في واحد عايش فيها ذو وقار الراجل ده كان معروف انه علامه بيفهم في كل حاجة حتي انه بيفهم في الدين والفلك والرياضه وكل شئ الراجل ده في يوم من الايام قرر انه يعمل كتاب لنفسه عشان يبقي زي العلماء بتوع زمان زي ابن سينا والعربي وناس كتير زيهم وقرر انه يعمل الكتاب ده بطريقه مختلفه جداََ وهي ان الكتاب يبقي برموز واشكال والكتاب يبقي بلغه الفارسيه مدموجة بلغة الجن الي معرفهوش الناس هو ليه عمل كده وايه السر انه يعمله بلغة التعاويذ..
في يوم راحلة صاحبه كان عزيز عليه اوووي المفجأة بقي ان صاحبه ده طلع هتلر والقصه بتاعة لعنة الكتاب بدأت من هنا....
🍁🍁🍁🍁🍁🍁🍁🍁🍁🍁🍁🍁🍁🍁
يا تري ازاي بدأت قصه لعنة الكتاب؟؟؟!
تابعوا الجزء التاني
