رواية كتاب شمس المعارف

الفصل الرابع

الفصل الرابع:
#في_غرفة_كيلي
كانت ليلة امبارح متعبه جدا بس في الاخر حصلت علي الكتاب.. مفهمتش عنوانه وحتي مقدمته مكتوبه ب لغه غريبه اوي افتكرت جهاز اخويا استيفين كان بيستخدموا للترجمه.. عباره عن آله بتمشيها علي الكلام بيطلعلك ترجمته اين كانت اللغه ايه... جيبت الكتاب وماشيت الآله علي الاسم الكتاب من بره.... كتاب شمس المعارف!!(ليظهر لي الجهاز انها باللغه الفارسيه)... كملت ترجمة المقدمه... هااااا ايه الصوت ده.... خرجت بره الاوضه ولاقيت ابويا بيزحف علي الارض واثار دم كتير وبيمدلي ايده عشان انقذه.... لاقيت وحش كبير طالع من الاوضه واقفه مصدومه مش قادره اعمل حاجه بعديها لاقيت والدي مش بينطق... قعدت اصرخ بدأ يجري ورايا اخدت الكتاب والجهاز ونطيت من شباك اوضتي.. ايه الي بيحصل ده؟؟!
(نرجع بالوقت شويه)
#والدة_كيلي
كنت قاعده في اوضتي بعد ما خلصت ترويق البيت وتنظيف الهدوم ودخلت اسرح شعري قدام المرايه حصلت حاجات غريبه كلمات علي المرايه(هتموتوا) وكانت بتتكتب وبتتمسح ايه الكلمات دي؟! .. ابص لشكلي في المرايه شكلي وحش جداََ وفجأة يحصل تغيرات واتحول لوحش كبير وعنده رغبة في انه ياكل اي حد..
#والد_كيلي
حبيبتي انا جهزت الاكل هدخل انادي كل.... هااااا
(ليقف والد كيلي مصدوم من ما شاهده امامه وحش عملاق ذو شعر كثيف وانيابه كبيره ركض خلف والد كيلي حتي انقض عليه والتهم ظهره وألقي بيه فوق الارض ليزحف والد كيلي حتي يخرج من الغرفه ليحذر ابنته حتي شاهد ابنته وهي تقف امامه وهي مندهشه للغايه وهو يكرر جملة(اهربي يا كيلي اهربي))..
(نرجع لكيلي)
#كيلي
جريت كتير اوي نفسي كان هيتقطع لحد ما وصلت للغابه الي موجوده علي بعد من البيت بتاعنا بصيت ورايا بحرس شديد ملاقيتش حد قعدت علي قطعه من فروع الشجر الكبير اخد نفسي لاني خلاص كنت هموت... افتكرت منظر بابا وقعدت اعيط كتير اوووي قعدت اعيط واخبط ايدي في الارض لحد ما سمعت صوت ورايا مخيف....هو الوحش قعدت ارجع لورا وهو قدامي عمال يقرب عليا وانا ابعد وبعد كده التزم الصمت ويخرج من وراه راجل غريب اووي كان متخفي تماماََ...
*عارف انك مستغربه للي بيحصل بس انتي عارفه يا جميله ان كل حاجه عندك فضول تعرفيها لازم تدفعي تمن فضولك ده...
كيلي : مين انت؟!
*لا لا لا بلاش اسئله مش بحبها... تعرفي انك غبيه اوي... واحده زيك متعرفش قيمة الكتاب الي في ايدك ده...
كيلي : الكتاب ده امانه ولو عايزه لايمكن ادهولك...
*(يضحك بصوت عالي) مش قولتلك غبيه يعني انا مقدرش اخد الكتاب مثلا...
كيلي : اومال عايز مني ايه وقتلت بابا ليه..
(لينظر هذا الشخص الي الوحش ويمسكه من رقبته ويحدث حركه لتخرج روح الوحش ويفارق الحياه ويتحول ببطئ شديد الي والدتها وهي ملقاه فوق الارض(وماما كمان))...
كيلي :(بعياط شديد) امي حرااام عليك انت ليه عملت كده(وهي تركض اليه حتي تتعدي عليه بالضرب ليقع الكتاب من يدها ويخدها بين ذراعيه ويغلق عليها بالساتر الاسود ويختفي تماما....
(نقطع ونروح لسيلين وكيلي)
#كيلي
البيت ده شوفت فيه احلي ايام حياتي ضحك ولعب مع بابا وماما واخويا..اخويا الي المرض نهش في جسمه استيفن كان بالنسبه ليا مش اخويا بس ده كان كل حياتي...
سيلين : كيلي هقطع حبل افكارك معلش انا عايزه اروح مصر انا ورايا دراسه وحاجات كتير.. ده غير اني عايزه اتأكد من حاجه كده...
كيلي : تتأكدي من ايه يا سيلين؟!
سيلين : هل اهلي موجودين في البيت ولا لا ولا انا بحلم انا حاسه اني في كابوس(ثم ادركها البكاء)..
كيلي : اهدي بصي يا سيلين والدك ووالدتك منفصلين عن عالم البشر همه في عالم تاني غيرنا واحنا مفيش حاجه نقدر نعملها من غير الكتاب ده واهمهم الورقه الي هتلر كان عايزها منك..
سيلين : كيلي هي ليه الورقه مهمه اوي كده؟!
كيلي : سيلين دي تعويذه عشان تقضي علي السحر الي عمله هتلر في الكتاب عشان يجذب بيه البشر ومعرفش ورقة زي دي وقعت ازاي في ايد حازم قريبك..
سيلين : الورقه قديمة ومش باين عليها انها مقطوعه من الكتاب بس هي نفس لون الورق بتاع الكتاب والرموز قريبه للرموز الموجوده فيه!!!
كيلي : لحد دلوقتي محدش يعرف علاقة هتلر بصاحب الكتاب وامتي صاحب الكتاب عمل ورقة ابطال السحر دي...
سيلين : تفتكري ممكن صاحب الكتاب ميكنش بني ادم زينا..
كيلي : معرفش لكن الي اعرفه ان هتلر ده ساحر كبير جدا واكتر واحد فاهم في التعويذات والحاجات بتاعة السحر وزمان اوي اتصاب بمرض غريب حتي إن الدكاترة قالوا مفيش علاج منه وهيأثر عليه بعدين سلبياََ..
سيلين : عرفتي كل ده منين؟!
كيلي : سيبك من عرفتي كل ده منين احنا لازم ننقذ عالم البشر من ايد هتلر لان لو التعويذه دي وقعت في ايده ده يعتبر اخر امل في انقاذ البشر وهيدمره..
سيلين : انا لازم اروح مصر لازم..
كيلي : تماماََ اهم حاجه انك عارفه تتحكمي في نفسك؟
سيلين : هحاول..
كيلي : بصي مفيش حاجه اسمها هحاول لازم تمنعي نفسك وفي حاجه عايزه اقولك عليها كمان التحويل الي حولتهولك ده اقوي تحول لاني عملتلك دمج بين اجساد مختلفه وقوتهم كبيره جداََ ده غير انك تقدري تتحولي لاي حاجه انتي عايزاها واي شخص ممكن تبقي نسخه منه في الشكل وخالي بالك معدتك دلوقتي متقدرش تاكل اكل البشر العادي لانه ممكن يضعف من قوتك انتي الوجبه المتاحه ليكي دلوقتي الدم بس ودلوقتي اتفضلي اشربي من دمي عشان انتي ضعيفه شويه لانك هتسافري واكيد هتقعدي مده كبيره من غير اكل...
(عضت سيلين كيلي وقامت بشرب الكثير من دمها ثم توقفت)
سيلين : اقول التعويذه دلوقتي..
كيلي : يلا ابدأي..
"وفعلاََ في اقل من دقايق راحت سيلين بيتها وهناك ملاقيتش حد نهائي وكان البيت فاضي اخدت الورقه الي كانت مخبياها في دولابها وقعدت تدور في غرفة حازم علي الكتاب لكن ملقتهوش"
#سيلين
بصيت في الساعه لاقيتها واحده بليل شيلت الورقه معايا وفردت نفسي علي السرير وقعدت افكر في بابا وماما وعيط كتير عليهم وبعدين روحت في نوم عميق...
(الصبح وقت المدرسه)
" رن الباب كتيرر اووي وتليفون سيلين كمان وهي مكنتش عايزه تقوم "
#سيلين
حاااضر حاااضر...جميلة!
جميلة : يا بنتي ايه النوم ده كله وبقالك فتره مش باينه ليه ولا بتتصلي مالك في ايه
"لتشتم سيلين رائحت جميلة وتظهر انياها ولكن وهي مستديره لجميلة حتي لا تراها وتذكرت كلمات كيلي ثم عادت الي وعيها"
جميلة : يابنتي يلا البسي عشان المدرسه وهي فين طنط!
سيلين : وراها مشوار كده(بحزن)..
جميلة : طيب انا هدخل احضر اكل خفيف كده نفطر ونمشي..
سيلين : همك علي بطنك..
#سيلين
مكنتش قادره اقاوم نفسي ابداََ بس عرفت اسيطر من الدروس الي اتعلمتها من كيلي.. الغريب إني كنت سامعه دقات قلبها وحاسه بيه ده كمان افكارها بقراها...
جميلة : يا سيلي يلا عشاان تكلي...
سيلين : لا يا جميلة كلي انا شبعانه.
جميلة : انتي لسه صاحيه شبعانه ايه..
سيلين : "معرفتش اقاوم ريحة الاكل" الله البيض بالبسطرمه الي بحبه والزيتون..
جميلة : عارفه انك بتموتي فيه يلااا كلي عشان منتأخرش..
"بعد ما خلصت جميلة اكل قامت تغسل اديها وسيلين كانت بتاكل بطريقه زي الوحوش بتلتهم الاكل بسرعه"
جميلة : "وهي في الحمام" سيلين انتي مأكلتيش من قرون ولا ايه ايه يا بنتي تنين خالي بالك هتفرقعي..
سيلين : هههه سبيني بقي"جالي مغص في بطني رهيب لدرجت اني رجعت الاكل كله وقعدت اصرخ"
جميلة : سيلين مالك" قالتها بخوف شديد بعد ما لاقيتها علي الارض وتصرخ من الوجع"..
سيلين :" تقول بصعوبه" امشي بسرعه..
جميلة : واسيبك كده ازاي يلا علي المستشفي..
سيلين : "كررتها بعصبيه" امشي بسرعه..
" لتركض جميلة لاقرب مستشفي"
#سيلين
حاسه بمغص رهيب كأن روحي بتطلع مني ولازم ساعتها اشرب دم عشان قوتي ترجع تاني ليفتح الباب شخص غريبه عليا بس معرفتش اشوفه كويس من تعبي..
*خدي يا سيلين اشربي"وهو يمد لها يده"..
سيلين : "بعد ما استعادة قوتها"انت مين؟!
*انتي مسمعتيش كلام كيلي ليه يا سيلين..
سيلين : مكنتش قادره اقاوم الاكل الي بحبه..
*حاولي تسيطري علي نفسك انتي دلوقتي حاجه تانيه مش زي البشر العاديين..
سيلين : انت مين؟!
*مش مهم تعرفي انا مين دلوقتي صاحبتك هتجيب الدكتور وهتيجي حاولي مدخليش اي بني ادم عندك هنا لانك مش هتقدري تقاومي وباين عليكي عايزه مده عشان تتعودي..
سيلين : انت مي... (لم تكمل الجمله حتي فقدت الوعي)..
"حملها الشاب وذهب بيها لمكان اخر... لم يكن شاب عادياََ اسمر اللون وله ذقن وعيناه زرقاء ضخم الهيكل وجسده معضل"
#سيلين
فتحت عيني ببطئ اتأمل في المكان..
*متقلقيش هنا امان بالنسبه ليكي..
سيلين : قولي انت مين؟!
*بأختصار انا دكتور نوح...
سيلين : فانا كده عرفت انت مين يعني ايه دكتور نوح وانا بعمل ايه هنا...
نوح : سيلين ممكن تهدي شويه انا مش هأذيكي انا بساعدك انا من نفس نوعك..
سيلين : نفس نوعي؟!
نوح : ايوه يعني من نفس فصيلتك.. وما تستغربيش انا سافرت بيكي هنا لألمانيا بعيد عن القاعده في مصر عشان لو لوحدك هتسببي كوارث لانك لسه متعودتيش علي حياتنا..
سيلين : انا لازم اروح البيت حالاََ عشان.. (ليقاطعها)
نوح : عشان الورقه دي..اقولك علي حاجه انا براقبك انتي وكيلي من ساعة ما طلعتوا من بيت هتلر وعارف انتوا هتعملوا ايه ويمكن انتوا محستوش بده..
سيلين : طب مش فاهمه انت معانا ولا ضدنا؟؟!
نوح : انا مع القوي الي هيقدر ينقذ العالم...
سيلين : مين؟!
"لتجده يسقط ارضاََ لتجد خلفه كيلي التي ضربته ضربه فوق رأسه اسكتته ارضاََ"
كيلي : يلا بسرعه.. (بعد ان اخذت سيلين الورقه وركضت معاها)..
سيلين : كيلي فهميني انا مش فاهمه حاجه هو في ايه..
#بيت_سيلين
جميله : اتفضل يا دكتور بسرعه الله يخليك... هاااا ايه الدم ده؟!
الدكتور : هو في ايه الي بيحصل هنا..
جميله : مش عارفه(بكل صدمه)..
الدكتور : احنا لازم نبلغ البوليس..
#عند_سيلين
سيلين : استني بقي هنا (بصوت عالي)..
كيلي :يا سيلين نوح قوته قدنا اربع مرات يلا نهرب بس الاول وانا هفهمك..
سيلين : كيلي انا مش همشي من هنا غير لما افهم مين نوح ده وليه كان بيراقبنا؟!
كيلي : احنا في دوامه يا سيلين ومش هتعرفي ابداََ مين معاكي ومين ضدك..
سيلين : انا عايزه اقولك انك هتكملي لوحدك في الموضوع ده انا مش واثقه فيكي مدام عماله تخفي عني الحقيقه..
كيلي : ارجوكي لازم ننقذ البشر من ايد هتلر..
سيلين : وانا معنديش اي ثقه اديهالك عشان نكمل مع بعض ابعدي عني..
كيلي : سيلين في حاجات لازم متعرفهاش..
سيلين : يبقي مينفعش ننقذ العالم يا كيلي طول ما في حاجات انا مش هعرفها..
كيلي : سيل... (لتجد ضرباََ مبرحاََ لشخص انقض عليها فجأتاََ)..

مين الشخص الي ضرب كيلي؟!
وهل كيلي هتقول لسيلين علي الحاجات الي كتماها عنها؟!
ويا تري سيلين هتعمل ايه بالورقه دي؟!
وايه هي خطة هتلر في انه يقضي علي عالم البشر؟!
كل ده في الفصول الجايه ان شاء الله🍁..
#رواية_كتاب_شمس_المعارف
#قصص_رعب
#marim

جاري كتابة الفصل الخامس...